Matewu 27:4 - Xitsonga (Bibele)

⁴ a ku eka vona: “Ndzi dyohile hi ku xenga ngati leyi nga riki na nandzu.” Va ku: “Swi na yini ka hina? Tilangutele u ri wena kwalaho.”

BIBELE Mahungu Lamanene

⁴ a ku ka vona: “Ndzi dyohile hi ku xenga munhu la nga riki na nandzu.” Va ku: “Ku yini ka swona eka hina ke? Swi vone wena hi wexe sweswo.”

Testamente Leyimpsha Xichangana

⁴ aku ka vona: “Nijohile hi kuxenga munhu lweyi angaliki na nandzu.” Vaku ka yena: “Hi ni mhaka muni na svona hina ke? Svitiviwa hi wena svosvo.”

Matewu 27:4 Referans Kwoze

1 Yohane 3:12

hi nga kotisi Kayini la ngi a ri wa lowo biha, kutani u dlele makwavo. Kutani u n'wi dlayele yini xana? Hikuva mitirho ya yena a yi ri leyo biha; kasi ya makwavo a yi lulamile.

1 Petro 1:19

ku nga ri hi leswi bolaka, hi silivhere, kumbe nsuku, kambe ku va hi ngati leyi pfumariwaka ya xinyimpfana, lexi nga riki na xivati ni xisandzu, a nga Kriste;

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Tito 1:16

Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.

1 Timotiya 4:2

hi ku ya hi ku kanganyisa ka vafundhisi lavo hemba, lava mapfalo ya vona ma feke, lava nga ta sivela vanhu ku tekana;

Varhoma 3:19

Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

Timhaka 13:28

Kutani hambi va nga kumanga nchumu eka yena lexi fanekeleke hi rifu, va kombele eka Pilato leswaku a dlawa.

Yohane 19:7

Vayuda va n'wi hlamula va ku: “Hi ni nawu, kutani hi nawu wa hina u fanele hi ku fa, hikuva u tiendle N'wana wa Xikwembu”.

Luka 23:47

Ndhuna ya dzana, kuteloko yi vonile leswi humeleleke, yi dzunisa Xikwembu, yi ku: “Kunene munhu loyi a a lulamile.”

Luka 23:41

Kasi, loko hi ri hina, swi hi lulamele; hikuva hi amukela leswi fanekelaka leswi hi swi endleke; kambe loyi, a nga dyohanga nchumu.”

Luka 23:22

A vulavula na vona ra vunharhu, a ku: “Loyi, u dyohile yini xana? A ndzi kumi eka yena nandzu lowu a nga dlayeriwaka wona; hikwalaho ndzi ta n'wi ba, kutani ndzi ta n'wi tshunxa.”

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Matewu 27:19

Kuteloko a tshamile exitshan'weni xa ku avanyisa, nsati wa yena a rhumela eka yena, a ku: “U nga tshuki u va ni mhaka, hambi yi ri yin'we, ni munhu loyi wo lulama, hikuva ndzi twile ku vaviseka lokukulu enorhweni hikwalaho ka yena.”

Yonasi 1:14

Kavaloko va huwelela eka Yehovha, va ku: “Oho Yehovha! U nga hi lovisi hikwalaho ka vutomi bya wanuna loyi, kambe u nga hi rhwarisi ngati leyi nga riki na nandzu, hikuva wena, Yehovha, u endla hilaha u tirhandzelaka hakona.”

Yeremiya 26:15

Ntsena, ma swi tiva leswaku loko mi ndzi dlaya, mi ta va mi veke ngati leyi nga riki na nandzu ehenhla ha n'wina, ni le henhla ka muti lowu, ni le henhla ka vaaki va kona; hikuva kunene Yehovha u ndzi rhumile eka n'wina, leswaku ndzi ta mi byela marito lawa hinkwawo etindleveni ta n'wina.”

Ntirho 16:2

“Timhaka leto tano, ndzi xurhile tona; Hinkwenu mi vachaveleri lava ndzi karhataka.

2 TIHOSI 24:4

ni hikwalaho ka ngati leyi nga riki na nandzu leyi a yi halateke; hikuva a tatile Yerusalema hi ngati leyi nga riki na nandzu; kutani Yehovha a nga rhandzangi ku rivalela.

1 TIHOSI 21:27

Akabu, kuteloko a yingisile marito lawa, a handzula tinguvu ta yena, a ambala nguvu yo khwaxa a titsona swakudya; a tilata a ri ni nguvu yo khwaxa, a famba khwatsi.

1 SAMIELE 15:30

Kutani Sawulo a ku: “Ndzi dyohile! Wa nga ndzi dzunisa sweswi emahlweni ka vakulukumba va tiko ra mina, ni le mahlweni ka Israele, u ta tlhela na mina, kutani ndzi ta khinsama emahlweni ka Yehovha, Xikwembu xa wena!”

1 SAMIELE 15:24

Kavaloko Sawulo a ku eka Samiele: “Ndzi dyohile, hikuva ndzi tlurile ku lerisa ka Yehovha ni marito ya wena; hi leswi ndzi chaveke tiko, ndzi yingiseke rito ra rona.

Eksoda 12:31

Kutani a vitana Muxe na Aroni nivusiku, a ku eka vona: “Sukani etikweni ra mina, n'wina ni vana va Israele, mi ya tirhela Yehovha hilaha mi nga vula hakona.

Eksoda 9:27

Kutani Faro a vitana Muxe na Aroni, a ku eka vona: “Sweswi, ndzi dyohile; i Yehovha la lulameke; mina ni tiko ra mina hi vadyohi.

Nhlavutelo 11:10

Kutani lava akeke emisaveni va ta tsakela ku fa ka vona, va tsakisisa, va ta rhumelana tinyiko, hikuva vaprofeta valavo vambirhi va xanisile lava akeke emisaveni.

Ntirho 13:4

Hikuva n'wina mi luka mavunwa, Mi tinanga leti nga pfuniki nchumu.

1 SAMIELE 19:5

U vekile vutomi bya yena exandleni xa yena loko a dlaya Mufilista, kutani Yehovha u pfunile Vaisraele hinkwavo hi ku pona lokukulu. U swi vonile, kutani u tsakisiwe ha swona. U nga dyohela yini ngati leyi nga riki na nandzu, loko u dlaya Davhida ntsena xana?”

Pisalema 94:21

Va rhambanela moya wa lowo lulama, Va avanyisa ngati ya la nga riki na nandzu.

Swivuriso 12:8

Munhu u ta dzunisiwa hi ku ringanisa vutlhari bya yena, Kambe mbilu ya lowo homboloka yi ta monyiwa.