Matewu 27:25 - Xitsonga (Bibele)

²⁵ Kutani tiko hinkwaro ri hlamula, ri ku: “Ngati ya yena a yi ve ehenhla ka hina ni le henhla ka vana va hina.”

BIBELE Mahungu Lamanene

²⁵ Tiko hinkwaro ri hlamula, ri ku: “Rifu ra yena a ri ve ehenhla ka hina ni le henhla ka vana va hina.”

Testamente Leyimpsha Xichangana

²⁵ Tiko hinkwaru rihlamula, riku: “Rifu ra yena arive henhla ka hina ni le henhla ka vana va hina.”

Matewu 27:25 Referans Kwoze

Yoxuwa 2:19

Mani na mani la nga ta huma enyangweni ya yindlu ya wena, ku ya ehandle, ngati ya yena yi ta va enhlokweni ya yena, kutani hi nga ka hi nga vi na nandzu. Kambe un'wana ni un'wana la nga ta va na wena endlwini, loko a dlawa, ngati ya yena yi ta va etinhlokweni ta hina.

Timhaka 5:28

“Xana a hi mi lerisanga ngopfungopfu leswaku mi nga tshuki mi dyondzisa hi vito lero xana? Hambiswiritano, mi tatile Yerusalema hi dyondzo ya n'wina, kutani mi rhandza ku tisa ngati ya munhu loyi, henhla ka hina.”

Timhaka 7:52

Hi wihi muprofeta loyi vatata wa n'wina va nga n'wi xanisangiki? Va dlele ni lava vuleke eku sunguleni ku ta eka loyi a lulameke, loyi sweswi, mi n'wi xengeke, kutani mi hundzukile vadlayi va yena;

Duteronoma 19:10

u ta engetela kambe miti yin'wanyana minharhu eka leyinharhu leyi, leswaku ngati leyi nga riki na nandzu, yi nga tshuki yi halatiwa etikweni leri Yehovha, Xikwembu xa wena, a ku nyikaka leswaku yi va ndzhaka ya wena, ni leswaku ku nga tshuki ku va ni ngati ehenhla ka wena.

Tinhlayo 35:33

Mi nga tshuki mi onha tiko leri mi nga eka rona, hikuva ngati yi onha tiko; hikuva a ku na mhamba yin'wana ya ngati leyi halatiweke, loko yi nga ri ngati ya loyi a yi halateke.

1 TIHOSI 2:32

Yehovha u ta veka ngati ya yena enhlokweni ya yena, hikuva u dlayile vavanuna vambirhi lavo lulama lavanene ku tlula yena, a va dlaya hi tlhari, tatana Davhida a nga tivanga nchumu: a ri Abinere, n'wana Neri, ndhuna ya nyimpi ya Israele, na Amasa, n'wana Yetere, ndhuna ya nyimpi ya Yuda.

2 SAMIELE 1:16

Davhida a ku eka yena: “Ngati ya wena yi le nhlokweni ya wena, hikuva nomu wa wena wu ku landzurile, wu te: ‘Hi mina ndzi dlayeke muhlawuriwa wa Yehovha.’ ”

Duteronoma 19:13

U nga ka u nga n'wi tsetseleri, kambe u ta susa ngati leyi nga riki na nandzu eIsraeleni, hi kona u nga ta tsaka.

Eksoda 20:5

u nga tshuki u swi khinsamela, ni loko ku ri ku swi tirhela; hikuva hi mina Yehovha, Xikwembu xa wena, xa rilaveta, lexi baka vana hikwalaho ka ku homboloka ka vatswari va vona, ku yisa erixakeni ra vunharhu ni ra vumune eka lava ndzi vengaka;

Matewu 21:44

Kutani la nga ta wela ehenhla ka ribye rero u ta handzuka; ri ta phyandlasa yeloyi ri n'wi weleke ehenhla.”

Timhaka 18:6

Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”