Matewu 26:63 - Xitsonga (Bibele)

⁶³ Kambe muprista lonkulu a engeta a vulavula, a ku eka yena: “Ndzi ku hlambanyisa hi Xikwembu lexi hanyaka, leswaku u hi byela swinene xana u Kriste, N'wana wa Xikwembu-ke?”

BIBELE Mahungu Lamanene

⁶³ Kambe Yesu a miyela. Muprista lonkulu a engeta, a ku ka yena: “Ndzi ri ka wena: Hlambanya hi Xikwembu lexi hanyaka, u hi byela loko u ri Mesiya, N'wana wa Xikwembu.”

Testamente Leyimpsha Xichangana

⁶³ Kambe Yesu amiyela. Muprista lwenkulu atlhela, aku ka yena: “Nikuhlambanyisa hi Xikwembu lexi xihanyaka, hibzele loko uli wena Mesiya, N'wana wa Xikwembu.”

Matewu 26:63 Referans Kwoze

Levhitika 5:1

“ ‘Loko munhu a hlambanyile a ri mbhoni, kutani loyi a nga mbhoni la hlambanyisiweke loko a nga vuri leswi a swi voneke, kumbe leswi a swi tivaka, u ta rhwala nandzu wa yena.

Matewu 16:16

Kutani Simoni Petro a angula, a ku: “U Kriste, N'wana wa Xikwembu lexi hanyaka.”

Esaya 53:7

Va n'wi xanisa, va n'wi tsongahata, a nga pfuli nomu. Kukota xinyimpfana lexi yisiwaka eku tlhaviweni, ni nyimpfu leyi miyelaka emahlweni ka lava yi tsemelaka voya a nga pfulanga nomu.

Matewu 27:12

Kutani, hambi a hehliwa hi vaprista lavakulu ni vakulukumba, a nga hlamulanga nchumu.

1 SAMIELE 14:26

Kuteloko tiko ri nghenile exihlahleni, ri vona vulombe lebyi tshonelaka ehansi, kambe a ku vanga na munhu la yisaka voko ra yena enon'wini, hikuva tiko a ri chava ku hlambanya.

Yohane 20:31

Kambe timhaka leti, ti tsariwile leswaku mi pfumela leswaku Yesu i Kriste, N'wana wa Xikwembu, ni leswaku, hi ku pfumela, mi va ni vutomi evitweni ra yena.

Yohane 19:9

Kutani a tlhela a nghena ehubyeni, a ku eka Yesu: “U wa kwihi xana?” Kambe Yesu a nga n'wi hlamulanga.

Yohane 19:7

Vayuda va n'wi hlamula va ku: “Hi ni nawu, kutani hi nawu wa hina u fanele hi ku fa, hikuva u tiendle N'wana wa Xikwembu”.

Yohane 18:37

Kambe Pilato a ku eka yena: “Xana kunene u hosi-ke?” Yesu a n'wi hlamula, a ku: “Wa vurisa, ndzi Hosi; ndzi tswaleriwe byona vuhosi, kutani ndzi tele byona emisaveni, ndzi ta va mbhoni ya ntiyiso. Un'wana ni un'wana la nga wa ntiyiso, u yingisa rito ra mina.”

Yohane 10:36

xana n'wina mi ndzi byela ha yini, mi ku: ‘Wa sandza,’ loko ndzi te: ‘Ndzi N'wana wa Xikwembu’? Kasi hi mina loyi Tatana a nga n'wi hlawula ni ku n'wi rhuma emisaveni.

Yohane 10:30

Mina na Tatana hi endla un'we.”

Yohane 10:24

Kavaloko Vayuda va n'wi rhendzela, va ku eka yena: “U ta tshika rini ku hi kanakanisa timbilu xana? Loko u ri Kriste, hi byele erivaleni.”

Yohane 8:25

Kavaloko va ku eka yena: “Hi wena mani xana?” Yesu a ku eka vona: “Ndzi ni mhaka yihi ni ku vulavula na n'wina xana?

Yohane 6:69

Kutani hina hi pfumerile, hi va hi swi tiva leswaku hi wena Kriste, Muhlawuriwa wa Xikwembu.”

Yohane 1:49

Nataniele a hlamula, a ku eka yena: “Rabi, u N'wana wa Xikwembu, u Hosi ya Israele.”

Yohane 1:34

Kutani ndzi swi vonile, kambe ndzi vurile vumbhoni bya mina leswaku loyi i N'wana wa Xikwembu.”

Marka 14:61

Kambe a miyela, a nga hlamuli nchumu. Muprista lonkulu a engeta a n'wi vutisa, a ku eka yena: “Xana hi wena Kriste, N'wana wa Xikwembu lexi vongiwaka xana?”

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Matewu 27:43

U tshembile Xikwembu; a xi n'wi lwele sweswi, loko xi n'wi tsakela, hikuva u te: ‘Ndzi N'wana wa Xikwembu.’ ”

Matewu 27:40

“Wena la hlanhlaka tempele, u ku u ta yi pfuxa hi masiku manharhu, tihanyise-ke! Loko u ri N'wana wa Xikwembu xika la exihambanweni!”

Matewu 27:14

Kambe a nga hlamulanga rito ni rin'we; hosi yi va yi hlamala ngopfu.

Daniele 3:16

Xadraka, na Mexaka na Abedi-Nego va hlamula, va ku eka hosi: “Wee Nebukadnetsara, a hi fanelanga ku ku hlamula nchumu emhakeni leyi.

Swivuriso 29:24

La pambulelanaka ni khamba u venga moya wa yena, U twa ku rhukana kambe a nga vuli nchumu.

2 TIKRONIKA 18:15

Hosi yi ku eka yena: “Ndzi ta ku hlambanyisa kangani leswaku u ndzi byela ntsena leswinene hi vito ra Yehova-ke?”

1 TIHOSI 22:16

Hosi yi ku eka yena: “Ndzi ta ku hlambanyisa kangani leswaku u ndzi byela ntsena leswi tiyeke hi vito ra Yehovha xana?”

1 SAMIELE 14:28

Kambe un'wana wa tiko a vulavula na yena, a ku: “Tata wa wena u hlambanyisile tiko, a ku: ‘A ku rhuketeriwe munhu la nga ta dya swakudya namuntlha!’ ” Kambe tiko a ri herile matimba.

1 Petro 2:23

ni loko a rhukaniwa, a nga tlhelangiki a rhukana, hambi a twisiwa ku vaviseka, a nga xungetangiki, kambe a tinyiketa la avanyisaka hi ku lulama;

1 SAMIELE 14:24

Vanhu va Israele a va karhele ngopfu siku leri, hikuva Sawulo a a hlambanyisile tiko, a ku: “A ku rhuketeriwe munhu la nga ta dya swakudya ku fikela nimadyambu, ndzi nga si tirihisela eka valala va mina!” Kutani a ku vanga na munhu la nantseke swakudya.

Pisalema 42:2

Moya wanga wu ni torha ra Xikwembu, ra Xikwembu lexi hanyaka. Ndzi ta ya rini, ndzi humelela emahlweni ka Xikwembu xana?

Matewu 4:3

Kutani muringi a n'wi tshinelela, a ku: “Loko u ri n'wana wa Xikwembu u nge maribye lawa, a ma hundzuke vuswa.”

Matewu 26:62

Kutani muprista lonkulu a yima a ku eka yena: “A ku hlamuri nchumu xana? Hi yihi mhaka leyi va ku hehlaka ha yona xana?” Kambe Yesu a miyela.

2 Vakorinto 1:19

hikuva N'wana wa Xikwembu, Yesu Kriste la vuriweke exikarhi ka n'wina hi hina, na Silvano, na Timotiya, a nga endlanga leswi nga ina ni e-e; kambe a swi ri ina eka yena.