Matewu 25:8 - Xitsonga (Bibele)

⁸ Lavo rivala va ku eka lavo tlhariha: ‘Hi cheleleni mafurha, hikuva mavoningo ya hina ma timeka.’

BIBELE Mahungu Lamanene

⁸ Lavo rivala va ku ka lavo tlhariha: ‘Hi cheleleni mafurhanyana, hikuva timboni ta hina ta timeka.’

Testamente Leyimpsha Xichangana

⁸ Lavorivala vaku ka lavotlhariha: ‘Hicheleleni mafurhanyana, hikuva tivoni ta hina tatimeka.’

Matewu 25:8 Referans Kwoze

Luka 12:35

“A ku tsimbiwe swisuti swa n'wina, mavoningo ya n'wina a ma lumekiwe.

Swivuriso 13:9

Ku vonakala ka lavo lulama i ku tsaka, Kambe rivoni ra lavo biha ra timeka.

Vaheveru 4:1

A hi chaveni kwalaho leswaku hambi ku tshembisa ka ku nghena eku wiseni ka xona ku vekeriwe hina, un'wana wa n'wina a nga ti kumiwa a sele endzhaku.

Nhlavutelo 3:9

Vona, ndzi ta ku tisela van'wana va sinagoga ya Satana, lava tivulaka Vayuda, kasi a hi vona, kambe va hemba; ndzi ta va tisa leswaku va khinsama emilengeni ya wena, va ta tiva leswaku ndzi ku rhandzile.

Luka 16:24

Kutani a huwelela, a ku: ‘Tatana Abrahama, ndzi twele vusiwana, u rhuma Lazaro leswaku a peta xintihwana xa yena ematini, a ndzi tsakamisa ririmi, hikuva malangavi lawa ma ndzi vavisa ku tlurisa.’

Luka 8:18

Hikwalaho, tivoneni hilaha mi yingisaka hakona; hikuva ku ta nyikiwa la nga ni xilo; kambe la pfumalaka, u ta tekeriwa na xona lexi a xi tshembaka leswaku u na xona.”

Matewu 3:9

Kutani mi nga tshuki mi tianakanyela mi ku: ‘Hi na Abrahama, a nga tata wa hina’; hikuva ndza mi byela leswaku Xikwembu xi nga pfuxela Abrahama vana hi maribye lawa.

Swivuriso 20:20

La rhukanaka tata wa yena ni mana wa yena, Rivoni ra yena ri ta timeka emunyameni lowukulu.

Ntirho 21:17

“Hi nkarhi wun'wana rivoni ra timbabva ri timeka, A va tali ku wela hi khombo, Xikwembu a xi andzise ku va avela vukari bya xona.

Ntirho 18:5

“Ku vonakala ka lowo biha ku ta timeka, Kutani malangavi ya ndzilo wa yena ma nga ka ma nga pfurhi.

Timhaka 8:24

Simoni a hlamula, a ku: “Ndzi khongeleleni mi ri n'wina eka Hosi, leswaku ndzi nga tshuki ndzi humeleriwa hi xilo xin'we xa leswi mi swi vuleke.”

Pisalema 49:7

Munhu a nga swi koti ku kutsula makwavo, Hambi ku ri ku humesela Xikwembu ntsengo wa yena.

Matewu 25:1

“Enkarhini wolowo, ku fuma ka matilo ku ta fana ni vanhwanyana va khume, lava nga teka mavoningo ya vona ku ya hlangana ni muteki.

Matewu 25:7

Kutani vanhwanyana hinkwavo va pfuka, va lunghisa mavoningo ya vona.

Matewu 25:9

Kambe lavo tlhariha va hlamula, va ku: ‘E-e, ha chava, ma nga ka ma nga ringani hina na n'wina; yanani eka lava ma xavisaka, mi ya tixavela.’