Matewu 25:35 - Xitsonga (Bibele)

³⁵ hikuva a ndzi ri ni ndlala, mi tshama mi ndzi fihluta, a ndzi ri ni torha, mi ndzi siyele ndzi nwa; a ndzi ri muendzi, mi ndzi rhurhele;

BIBELE Mahungu Lamanene

³⁵ hikuva a ndzi ri ni ndlala, kutani mi ndzi fihlutile; a ndzi ri ni torha, mi ndzi siyele ndzi nwa; a ndzi ri muendzi, mi ndzi rhurherile;

Testamente Leyimpsha Xichangana

³⁵ hikuva anili ni ndlala, kutani minifihlutile; anili ni torha, minisiyele ninwa; anili muluveli, minirhurhelile;

Matewu 25:35 Referans Kwoze

Ezekiele 18:16

a nga amukeri mali ya ku tiyisa xitshembiso, a nga yivi, kambe a nyika vuswa bya yena eka la nga ni ndlala, a funengeta la nga ni vusweti, loko a fularhela ku homboloka,

Ezekiele 18:7

munhu la nga xanisiki van'wana, la tlheriselaka munhu xitshembiso xa yena, la nga yiviki; loko a nyika vuswa bya yena eka loyi a nga ni ndlala, loko a funengeta la nga ni vusweti,

Vaheveru 13:16

Mi nga karhaleni ku endlela vanhu leswinene ni ku hanana, hikuva Xikwembu xi tsakisiwa hi magandzelo layo tano.

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Varhoma 12:13

Pambulelani vakwetsimi loko va pfumala, mi va ni ku gingirika ku amukela vaendzi.

Ntirho 31:32

Muendzi a nga tshamanga nivusiku ehandle, A ndzi tshama ndzi pfulela mufambi nyangwa ya mina.

Varhoma 12:20

Hikwalaho, “la nga nala eka wena, loko a ri ni ndlala, n'wi phamele; loko a ri ni torha, n'wi siyele a nwa; hikuva, loko u endlisa sweswo, u n'wi hlengeletele mpfundze enhlokweni.”

Vaheveru 6:10

Hikuva Xikwembu a xi hombolokanga; xi nga ka xi nga rivali ntirho wa n'wina, ni rirhandzu leri mi ri kombiseke hikwalaho ka vito ra xona, loko mi pfunile vakwetsimi, ni sweswi, ma ha va pfuna.

Filemoni 1:7

Ntsena makwerhu, hi ni ku khensa ni ku chaveleriwa lokukulu erirhandzwini ra wena, hikuva timbilu ta vakwetsimi ti rhurhise hi wena.

1 Timotiya 5:10

a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

Vaefesa 4:28

Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

Varhoma 16:23

Gayo, loyi ndzi tshamaka eka Yena swin'we ni va Kereke hinkwayo, va mi rungula. Erasto, muhlayisi wa xuma xa muti, na Kwarto, makwerhu, va mi rungula.

Timhaka 16:15

Kutani, kuteloko a khuvuriwile ni va yindlu ya yena, a hi khongela, a ku: “Loko mi ndzi kumile ndzi ri la tshembekeke kunene eka Hosi, mi nga nghena endlwini ya mina, mi tshama kona”; a phikelela leswaku hi ya kona.

Timhaka 11:29

Kutani vadyondzisiwa va va ni rito rin'we ku rhumela vamakwavo lava akeke eYudiya leswaku va pfuna hilaha un'wana ni un'wana a nga humesa hakona.

Timhaka 10:31

‘Korneliyo, mikhongelo ya wena yi yingisiwile, ni ku hanana ka wena ku fikile emahlweni ka Xikwembu xi va xitsundzuxo eka xona.

Timhaka 4:32

Kambe vunyingi bya lava pfumeleke a yi ri mbilu yin'we ni moya wun'we ntsena; kutani a ku nga ri na munhu la nga vula leswaku swilo leswi a nga na swona, i swa yena swakwe kambe swilo hinkwaswo a va ku i swa vona hinkwavo.

Yohane 13:29

Hikuva van'wana a va anakanya leswaku leswi Yudasi a nga yena mutameri wa nkwama wa mali, kumbe Yesu a a n'wi byela ku xavela nkhuvo leswi va swi pfumalaka, hambi ku ri ku nyika xisiwana leswo karhi.

Luka 11:41

Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Marka 14:7

Hikuva, loko swi ri swisiwana, mi ta va na swona hi masiku, kutani mi ta tiva ku swi endlela swinene siku mi swi rhandzaka, kambe mina ndzi nga ka ndzi nga vi na n'wina hi masiku.

Matewu 26:11

hikuva loko swi ri swisiwana, mi ta va na swona hi masiku, kambe mina, mi nga ka mi nga vi na mina hi masiku hinkwawo.

Matewu 25:40

Hosi yi ta va hlamula, yi ku: ‘Ndzi vurisile ndzi ri eka n'wina: Leswi loko mi swi endlile eka lontsongo wa vamakwerhu, mi swi endlele mina.’

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Swivuriso 25:21

Loko nala wa wena a ri ni ndlala, n'wi he swakudya a dya; Loko a ri ni torha, n'wi he mati a nwa;

Swivuriso 22:9

Munhu wa tintswalo u ta kateka, Hikuva u pfuna xisiwana hi swakudya swa yena.

Swivuriso 19:17

La tsetselaka xisiwana u lomba Yehovha, Kutani Yehovha u ta hakela ku endla ka yena.

Swivuriso 14:31

La xanisaka xisiwana u sandza muendli wa xona, Kambe la nga ni vunene eka xisiwana, wa n'wi dzunisa.

Swivuriso 14:21

La sandzaka warikwavo wa dyoha, Kambe ku katekile munhu la nga ni vunene eka xisiwana.

1 TIHOSI 17:11

Kakuloko a ha ya n'wi kela, a n'wi vita, a ku: “Wa nga ndzi lavela ni xipandzwa xa vuswa.”