Matewu 24:29 - Xitsonga (Bibele)

²⁹ “Kutakuloko mahlomulo ya mikarhi yoleyo ma herile, dyambu ri ta endla ntima, ni n'weti wu nga ha humesi ku vonakala ka wona, ni tinyeleti ti ta wa hi le henhla, kutani matimba ya le tilweni ma ta tsekatseka.

BIBELE Mahungu Lamanene

²⁹ “Kan'we-kan'we loko nhlomulo wa minkarhi yoleyo wu ta va wu herile, “ ‘dyambu ri ta hundzuka ntima, ni n'weti a wu nga ha voningi; tinyeleti ti ta wa hi le tilweni, ni leswa matimba swa le matilweni swi ta dzinginisiwa.’

Testamente Leyimpsha Xichangana

²⁹ Hi nomo-lo loko nhlomulu wa masiku wolawo wutava wuhelile, “‘jambu ritahundzuka ra ntima, ni n'weti awungahavoningi; tinyeleti titawa hi le tilweni, ni matimba ya le matilweni matatsekatsekisiwa.’”

Matewu 24:29 Referans Kwoze

Amosi 8:9

“Hi siku rero,” ku vula Hosi Yehovha, “ndzi ta perisa dyambu ninhlekanhi lowukulu, ndzi humesa munyama etikweni ninhlekanhi.

Yuwele 3:15

Dyambu ni n'weti swi endla ntima, ni tinyeleti ti tlherisa ku vangama ka tona.

Esaya 13:10

Hikuva tinyeleti ta tilo, Gongomela na Mahlahle, a ti nga ha voningi; dyambu rona ri ta endla ntima loko ri tsuvuka, na wona n'weti wu nga ka wu nga voningi.

Esaya 24:23

Kutani n'weti wu ta tshwuka hi tingana, dyambu rona ri ta endla ntima, hikuva Yehovha wa tinyimpi u ta fuma entshaveni ya Siyoni ni le Yerusalema, kutani vakulukumba va yena va ta vona ku vonakala ka yena.

2 Petro 3:10

Kambe siku ra Hosi ri ta ta kukotisa khamba; kutani ha rona matilo ma ta hundza hi ku pfuma loku chavisaka, masungulo ya hinkwaswo ma ta hela hi ku tshwa, kutani misava ni mitirho leyi nga ka yona yi ta tshwa.

Esaya 34:4

Mavandla hinkwawo ya matilo ma nyuka, kutani matilo ma ta songiwa kukota buku, vandla hinkwaro ra wona ri wela ehansi kukota matluka ya vhinya loko ma hlanhleka, ni kukota matluka ya murhi wa nkuwa loko ma vunile.

Nhlavutelo 8:12

Ntsumi ya vumune yi yimba nanga, kutani ku biwa ku avanyisa ka vunharhu ka dyambu, ni ku avanyisa ka vunharhu ka n'weti, ni ku avanyisa ka vunharhu ka tinyeleti, leswaku ku avanyisa ka vunharhu kuloku ku endliwa munyama; kutani ku avanyisa ka vunharhu ka siku ku nga vi na ku vonakala, ni vusiku byi va tano.

Yuwele 2:10

Emahlweni ka vona, misava ya rhurhumela, matilo ma tsekatseka, dyambu ni n'weti swi hundzuka munyama, ni tinyeleti ta timeka.

Amosi 5:20

Andziri siku ra Yehovha ri ta va munyama, ku nga ri ku vonakala? Ri va ni ntima wa vusiku, ku nga ri ku vonakala ka nhlekanhi?

Matewu 24:21

hikuva enkarhini wolowo, nhlomulo wu ta va lowukulu; ka ha ri mpfhuka ku tumbuluke misava ku fikela sweswi, khombo lero tano a ri si va kona, kutani ri nga ka ri nga tlheli ri va kona, ni siku ni rin'we.

Matewu 24:8

Kambe sweswo hinkwaswo ku ta va ku sungula ntsena ka khombo.

Eklesiasta 12:2

ku nga si nyama dyambu, ni ku vonakala, ni n'weti, ni tinyeleti, ni mapapa ma nga si landzela mpfula;