Matewu 23:9 - Xitsonga (Bibele)

⁹ Kambe mi nga tshuki mi vula munhu la emisaveni, tatana, hikuva i un'we ntsena la nga Tata wa n'wina, hi loyi a nga ematilweni.

BIBELE Mahungu Lamanene

⁹ Mi nga tshuki mi khongela munhu wa laha misaveni, mi ku, i ‘Tata wa n'wina’, hikuva Tata wa n'wina i un'we ntsena, loyi a nge tilweni.

Testamente Leyimpsha Xichangana

⁹ Mingatshukeni mivitana munhu wa laha misaveni, miku, i ‘Tatana wa n'wina’, hikuva Tatana wa n'wina i mun'we ntsena, lweyi anga tilweni.

Matewu 23:9 Referans Kwoze

1 Yohane 3:1

Vonani rirhandzu leronghasi leri Tatana a hi rhandzeke ha rona, loko hi vuriwa vana va Xikwembu! Loko misava yi nga hi tivi, hi leswi yi nga n'wi tivangiki.

Vaheveru 12:9

Swi tsandza ni vatata wa hina va nyama, va hi layile kutani hi va chavile; xana ngopfungopfu hi nga ka hi nga tiveki ehansi ka loyi a nga Tata wa mimoya, kutani hi ta hanya xana?

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’

Matewu 7:11

Kasi n'wina va tihanyi, loko mi tiva ku nyika vana va n'wina swilo leswinene, ngopfungopfu Tata wa n'wina wa le matilweni, a ta nyika leswinene eka lava kombelaka eka yena.

1 Vakorinto 4:15

Hikuva, hambi mi nga va ni vadyondzisi va dzana ra madzana eka Kriste, vatata wa n'wina a va talanga; hikuva hi mina loyi ndzi mi tswaleke eka Yesu Kriste hi Evhangeli.

2 Vakorinto 6:18

Ndzi ta va tata wa n'wina, mi va vana va mina va xinuna ni va xisati, ku vurisa sweswo Hosi ya matimba hinkwawo.

Timhaka 22:1

“Vavanuna varikwerhu na vatatana, yingisani sweswi ku tilandzula ka mina eka n'wina.”

2 TIHOSI 2:12

Elixa a ri karhi a n'wi languta, a huwelela a ku: “Tatana, tatana! Golonyi ya Israele ni tihanci ta yona!” Kutani a nga ha n'wi voni. Kavaloko Elixa a khoma tinguvu ta yena a ti handzula hi le xikarhi.

Matewu 6:32

Hikuva swilo leswo hinkwaswo hi leswi laviwaka hi vamatiko; kambe Tata wa n'wina wa le tilweni u tiva leswaku mi pfumala leswo hinkwaswo.

2 TIHOSI 13:14

Elixa a a vabya hi vuvabyi lebyi a feke ha byona, kutani Yowasi, hosi ya Israele, a ngirimela eka yena, a rila emombyeni wa yena, a ku: “Tatana! Tatana! Golonyi ya Israele ni vakhandziyi va yona!”

2 TIHOSI 6:21

Kuteloko hosi ya Israele yi va vona, yi ku eka Elixa: “Xana ndzi va dlaya, ndzi va dlaya, tatana?” Elixa a ku: “U nga va dlayi.

Matewu 23:10

Kambe mi nga tshuki mi hlayiwa vafambisi, hikuva mufambisi wa n'wina i un'we, a nga Kriste.