Matewu 23:38 - Xitsonga (Bibele)

³⁸ Maswivo yindlu ya n'wina yi ta sala yi ri rhumbi;

BIBELE Mahungu Lamanene

³⁸ Vonani, muti wa n'wina wu ta sala wu nga ri na munhu;

Testamente Leyimpsha Xichangana

³⁸ Vonani, munti wa n'wina wutasala wuli rhumbi.

Matewu 23:38 Referans Kwoze

Yeremiya 22:5

Kambe loko mi nga yingiseri marito lawa, ndzi hlambanya ha mina, ku vula Yehovha; hakunene yindlu leyi yi ta hundzuka rhumbi.

Luka 13:35

Vonani, sweswi, yindlu ya n'wina yi ta mi salela; kambe ndza mi byela, ndzi ri: Mi nga ka mi nga ha ndzi voni, ku ko ku fika siku leri mi nga ta ku: ‘A ku vongiwe la taka hi vito ra Hosi.’ ”

Luka 21:24

Va ta wa hi ku kariha ka fumu, va ta yisiwa va ri makhumbi ematikweni hinkwawo; kutani Yerusalema, u ta kandziyeriwa hi vamatiko ku ko ku hela nkarhi wa vamatiko.

Luka 21:20

“Kambe, kutakuloko mi vona Yerusalema a rhendzeriwe hi mavandla, mi ta tiva leswaku ku onhaka ka wona ku kusuhi.

Luka 21:6

“Loko xi ri lexi mi xi langutaka, ku ta ta masiku lawa ku nga ta ka ku nga tshikiwi ribye ni rin'we, ehenhla ka ribye rin'wana leri nga mbundzuxiwangiki.”

1 TIHOSI 9:7

ndzi ta susa Israele ehenhla ka tiko leri ndzi n'wi nyikeke rona, ndzi ta cukumeta ekule na mina Yindlu leyi ndzi yi hlawuleleke vito ra mina; kutani Israele u ta va xivuriso ni xihlekiso exikarhi ka matiko hinkwawo.

Marka 13:14

“Kutakuloko mi vona manyala ya ku hlaseriwa lama vuriweke hi muprofeta Daniele, ma yimile laha ma nga faneriki (la hlayaka a a tsundzuke); enkarhini wolowo, lava nga eYudiya a va tsutsumele etintshaveni;

Matewu 24:2

Kambe Yesu a ku: “A mi swi voni leswi hinkwaswo xana? Kunene ndzi ri eka n'wina: Ku nga ka ku nga tshikiwi ribye ehenhla ka ribye rin'wana leri nga taka ri nga mbundzuxiwi.”

Zakariya 11:6

Hikuva a ndzi nga ha tsetseleli vaaki va misava, ku vula, Yehovha; ndzi ta nyiketa vanhu hinkwavo, un'wana ni un'wana emavokweni ya warikwavo, ni le mavokweni ya hosi ya yena; va ta onha misava, kasi a ndzi nga va lamuleri emavokweni ya vona.”

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Pisalema 69:24

Chulula vukari bya wena ehenhla ka vona, Ni ku leva ka vukari bya wena a ku va fikele.

Pisalema 69:25

Vuako bya vona a byi hundzuke mananga, Ku nga ha vi na muaki emitsongeni ya vona!

Esaya 5:9

Yehovha wa tinyimpi u vurile etindleveni ta mina, a ku: “Kunene tindlu leto tala leti, ti ta hundzuka rhumbi, tindlu leto saseka letikulu leti, ti ta pfumala vaaki.

Sofoniya 3:6

“Ndzi lovisile matiko, marhangu ya wona ma mbundzukile; ndzi onhile tindlela ta wona a ka ha ri na la fambaka kona, miti ya wona yi onhakile, a ka ha ri na munhu kona, a ka ha ri na la nga akaka kona.