Matewu 23:23 - Xitsonga (Bibele)

²³ “Mi ni khombo, n'wina vatsari ni Vafarisi, vamanyunyu, hikuva mi humesa ku pambula ka vukhume ka tsungufana, ni ka aneta, ni ka kumini, kutani mi siya swilo leswi nga leswikulu swa nawu, ku nga ku lulama, ni tintswalo, ni ku pfumela; kasi a mi fanekela ku endla swilo leswi, ni swoleswo, a mi fanelanga ku swi tshika.

BIBELE Mahungu Lamanene

²³ “Mi ni khombo n'wina vatsari ni Vafarisi, hikuva mi vakanganyisi: Mi humesa vukhume bya ximbowa-mbowani, ni bya aneta, ni bya kumini, kambe a mi na mhaka ni leswikulu swa Nawu, ku nga ku lulama, ni tintswalo, ni ku pfumela; kasi a mi fanerile ku endla swilo leswi, loko mi ri karhi mi endla ni leswiya swin'wana.

Testamente Leyimpsha Xichangana

²³ “Yowee n'wina Vatsali ni Vafarisi, hikuva mi vakanganyisi! Mihumesa sva vukhume sva ximbowambowana, ni sva aneta, ni sva kumini, kambe ami na mhaka ni lesvikulu, ni sva risima ka Nawu, kunga kululama, ni timpsalu, ni kupfumela; kasi amifanelile kurhanga hi svilo lesvi, na mingasiyanga lesvin'wana.

Matewu 23:23 Referans Kwoze

Luka 11:42

“Kambe mi ni khombo, n'wina Vafarisi, hikuva mi humesa ku pambula ka vukhume ka mbowa ni ka matsavu hinkwawo, kasi mi tshika ku lulama ni rirhandzu ra Xikwembu! A mi fanele ku humesa swilo leswi, kambe, ni swoleswo, mi nga swi tshiki.

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Hosiya 6:6

Hikuva ndzi rhandza tintswalo, ku nga ri magandzelo, ni ku tiviwa ka Xikwembu ku tlurisa tiholokosta.

Matewu 9:13

Kambe yanani mi ya dyondza rito leri nge: ‘Ndzi rhandza tintswalo, ma nga ri magandzelo!’ Hikuva a ndzi telanga ku vitina lava lulameke eku tshikeni, kambe vadyohi.”

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

Swivuriso 21:3

Ku endla leswinene ni leswo lulama, Swi tsakisa Yehovha ku tlula magandzelo.

Levhitika 27:30

“ ‘Ku avanyisa ka vukhume hinkwabyo bya leswi tshoveriwaka, lebyi pamburiweke etimbewini, ni le mihandzwini ya mirhi, i swa Yehovha, swi hlawuleriwe Yehovha.

Luka 18:12

Ndzi titsona swakudya kambirhi hi vhiki rin'wana ni rin'wana, ndzi humesa ku avanyisa ka khume ka swilo hinkwaswo leswi ndzi swi fuweke.’

Matewu 12:7

Loko ngi mi tiva rito leri nge te: ‘Ndzi rhandza tintswalo ma nga ri magandzelo,’ ingi mi nga kanetanga lava nga riki na nandzu,

Esaya 28:25

Loko a kukulile, a nga byari aneta xana, a hlwanya ni kumini, a pandzela koro tindlela, a byala barley endzimeni ya yona, ni xifake ematlhelweni!

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.