Matewu 23:2 - Xitsonga (Bibele)

² “Vatsari ni Vafarisi va tivekile exitshan'weni xa Muxe;

BIBELE Mahungu Lamanene

² “Vatsari ni Vafarisi va dyondzisa leswi Muxe a nga dyondzisa swona;

Testamente Leyimpsha Xichangana

² “Vatsali ni Vafarisi vatshamile xitshan'wini xa Moxe;

Matewu 23:2 Referans Kwoze

Luka 20:46

“Chavani vatsari lava rhandzaka ku tifambela hi tinguvu leto leha, ni ku xewetiwa emitsendzeleni, va rhandza switshamo leswo rhanga emasinagogeni, ni switshamo leswo rhanga emikhubyeni.

Marka 12:38

Eku dyondziseni ka yena, a ku eka vona: “Chavani vatsari lava rhandzaka ku tifambela hi tinguvu leto leha ni ku xewetiwa emitsendzeleni;

Malakiya 2:7

Hikuva milomu ya muprista yi fanekela ku hlayisa ku tiva, nawu wu ta laviwa enon'wini wa yena, hikuva i ntsumi ya Yehovha wa mavandla.

Ezra 7:25

“Loko u ri wena, Ezra hi vutlhari bya Xikwembu xa wena lebyi u nga na byona, wanga veka vaavanyisi, ni vakamberi va ku avanyisa tiko hinkwaro ra hase ka nambu, va ri hinkwavo lava tivaka milawu ya Xikwembu xa wena; loko a ri un'wana ni un'wana la nga yi tiviki, mi n'wi dyondzisa yona.

Ezra 7:6

Ezra yeloyi, a suka eBabilona. A a ri mutsari wa ku tlhariha emilawini ya Muxe, leyi nyikiweke hi Yehovha, Xikwembu xa Israele. Hosi yi n'wi nyika hinkwaswo leswi a swi kombelaka hikuva voko ra Yehovha, Xikwembu xa yena, a ri ri na yena.

Duteronoma 33:3

Kunene, wa rhandza matiko; Vahlawuriwa va yena hinkwavo va le vokweni ra yena; Vona va tshama emilengeni ya wena, Va amukela marito ya wena.

Matewu 23:3

hikwalaho, hlayisani mi endla hinkwaswo leswi va mi byelaka ku swi hlayisa, kambe mi nga endleni hilaha va endlaka hakona; hikuva va vula, kambe a va endli.