Matewu 22:3 - Xitsonga (Bibele)

³ Kutani a rhuma malandza ya yena ku ya vitana lava nga rhambiwa enkhubyeni, kambe va ala ku ta.

BIBELE Mahungu Lamanene

³ Yi rhuma malandza ya yona ku ya vitana lava nga rhambiwa enkhubyeni, kambe vona va ala ku ta.

Testamente Leyimpsha Xichangana

³ Yirhuma svitirhi sva yona kuyavitana lavangarhambiwa nkhubzeni, kambe vona vayala kuta.

Matewu 22:3 Referans Kwoze

Nhlavutelo 22:17

Moya ni Mutekiwa va ri: “Tana!” Ni la yingisaka, a vule a ku: “Tana!” Ni la nga ni torha, a a te; ni la swi rhandzaka, a a teke ntsena mati ya vutomi.

Varhoma 10:21

Kambe loko a ringanisa Israele, u te: “Siku hinkwaro ndzi tshambulutile mavoko ya mina eka tiko leri nga yingisiki.”

Yohane 5:40

Kutani a mi rhandzi ku ta eka mina ku kuma vutomi.

Timhaka 13:45

Kambe Vayuda, loko va vona vunyingi, va tala hi mavondzo, kutani va kaneta leswi vuriwaka hi Pawulo; va ri karhi va kaneta ni ku sandza.

Luka 19:27

Loko va ri valala va mina lava nga swi rhandziki leswaku ndzi va fuma, va tiseni kwala, mi va dlaya emahlweni ka mina.’ ”

Luka 15:28

Kambe a kariha, a ala ku nghena. Tata wa yena a huma a n'wi khongotela leswaku a nghena.

Luka 13:34

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

Matewu 23:37

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

Matewu 3:2

“Hundzukani, hikuva ku fuma ka matilo ku tshinele.”

Sofoniya 1:7

Miyelani emahlweni ka Hosi Yehovha! Hikuva siku ra Yehovha ri tshinele; hikuva Yehovha u lunghise xitlhavelo, u basisile lava a va viteke.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Hosiya 11:2

Kakuloko vaprofeta va va vita, ku va laha va va fularhelaka; va tlhavela va Baali, va hisela swifaniso magandzelo.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Yeremiya 25:4

Yehovha u tshama a rhuma eka n'wina malandza ya yena hinkwawo, vaprofeta, a va rhuma wa ha ri mixo, kambe a mi yingisanga, kambe a mi nga rhiyi tindleve ta n'wina ku twa.

Esaya 30:15

Hikuva Hosi Yehovha, Mukwetsimi wa Israele, u ri: “Mi ta kuma ku hlayiseka ka n'wina loko mi tlhela ni loko mi wisa; mi ta kuma matimba eku rhuleni ni le ku tshembeni”; kambe mi arile!

Pisalema 68:11

Hosi yi letele rito, Kutani vavasati lavo tala va vika mahungu lamanene,

1 SAMIELE 9:13

Kutakuloko mi fikile emutini, mi ta n'wi kuma kunene loko a nga si khandziya exivandleni lexi tlakukeke ku ya dya; hikuva tiko ri nga ka ri nga dyi, a nga si fika, hikuva hi yena la katekisaka magandzelo; kutani lava vitaniweke va dya. Tlhandlukani sweswi, hikuva mi ta hatlisa mi n'wi kuma.”

Vaheveru 12:25

Tilanguteleni leswaku mi nga tshuki mi alela la vulavulaka; hikuva leswi lava aleleke la nga vulavula na vona a ha ri emisaveni, va nga ponangiki, ngopfungopfu hina hi nga ponisa ku yini, loko hi fularhela la vulavulaka na hina a ri ematilweni;

Matewu 21:34

Kuteloko nkarhi wa mihandzu wu ri ekusuhi, a rhuma malandza ya yena eka varimi ku ya amukela mihandzu ya yena.

Matewu 9:15

Yesu a ku eka vona: “Xana tinxangwana ta muteki ti nga rila, loko muteki a ha ri ka tona xana? Kambe wa ta nkarhi lowu muteki a nga ta susiwa eka vona, hi kona va nga ta titsona swakudya.

Vaheveru 9:15

Hikwalaho Kriste mulamuri wa ntwanano lowuntshwa, leswaku rifu ra yena, kuteloko ri humelele ku ta kutsula lava tluleke nawu hi nkarhi wa ntwanano lowo sungula, lava vitaniweke va nyikiwa ndzhaka leyi nga heriki, leyi va yi tshembisiweke.