Matewu 21:43 - Xitsonga (Bibele)

⁴³ Hikwalaho ndzi nge eka n'wina: Ku fuma ka Xikwembu, mi ta tekeriwa, ku ta nyikiwa tiko rin'wana leri nga ta veka mihandzu ya kona.

BIBELE Mahungu Lamanene

⁴³ “Hikokwalaho ndza mi byela leswaku mi ta tekeriwa Mfumo wa Xikwembu; kutani wu ta nyikiwa tiko rin'wana leri nga ta veka mihandzu ya wona.

Testamente Leyimpsha Xichangana

⁴³ Hikolaho namibzela lesvaku mitatekeliwa Mfumu wa Xikwembu; kutani wutanyikiwa tiko rin'wana leringataveka mihandzu ya rona.

Matewu 21:43 Referans Kwoze

Matewu 21:41

Va hlamula, va ku eka yena: “U ta onha ni ku lovisa vaonhi valavo, kutani nsimu ya vhinya, u ta yi veka emavokweni ya varimi van'wana lava nga ta n'wi tlherisela mihandzu ya yona emikarhini ya yona.”

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Yohane 3:5

Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

Esaya 26:2

Hi ni muti wa xichavelo! U ta nghenisa eka wona ku hlayiseka ri va rirhangu ra le ndzhaku ni ra le mahlweni. Pfulani tinyangwa; a ku nghene tiko lero lulama leri hlayisaka ku tshembeka!

Esaya 28:2

Vonani, Hosi yi rhuma nala wa matimba la nga hluriwiki ha nchumu, la fanaka ni bubutsa ra xihangu, tanihi ndhambi ya mati lamakulu lama fafamelaka hinkwako, u ta xi cukumeta ehansi hi voko ra yena.

Eksoda 19:6

Mi ta va tiko ra vaprista, tiko leri hlawuriweke.’ ” Hi wona marito lawa u nga ta ma vula eka vana va Israele.

1 Vakorinto 13:2

Kutani hambi ndzi nga nyikiwa vuprofeta, ni loko ndzi tiva swihundla hinkwaswo ni vutlhari hinkwabyo; hambi ndzi ri ni ku pfumela hinkwako, ndzi ko ndzi tlakusa tintshava; kambe ndzi nga ri na rirhandzu, a ndzi nchumu.

Matewu 12:28

Kambe loko ndzi hlongola mademona hi Moya wa Xikwembu, hakunene ku fuma ka Xikwembu ku tile eka n'wina.

Matewu 21:42

Yesu a ku eka vona: “Xana a mi si hlaya eMatsalweni mhaka leyi nge: ‘Ribye leri vaaki va ri soleke, hi rona leri nga endliwa ribye ro rhanga ra yinhla; leswo swi endliwe hi Hosi, i mhaka leyi hlamarisaka emahlweni ka hina!’

Matewu 21:44

Kutani la nga ta wela ehenhla ka ribye rero u ta handzuka; ri ta phyandlasa yeloyi ri n'wi weleke ehenhla.”