Matewu 21:31 - Xitsonga (Bibele)

³¹ Xana eka vona vambirhi, hi wihi la nga endla ku rhandza ka tata wa yena?” Va ku eka yena: “Hi lowo rhanga.” Yesu a ku eka vona: “Kunene ndza mi byela, ndzi ri: Valuvisi ni vavasati va vuoswi va mi rhangela eku fumeni ka Xikwembu.

BIBELE Mahungu Lamanene

³¹ Xana eka vona lavambirhi, hi wihi loyi a nga endla ku rhandza ka tata wa yena xana?” Va ku ka yena: “Hi lowo rhanga.” Yesu a ku ka vona: “Ndzi tiyisile ndzi ri ka n'wina, valuvisi ni tinghwavava va mi rhangela ku nghena eMfun'weni wa Xikwembu.

Testamente Leyimpsha Xichangana

³¹ Xana ka vona lavambirhi, hi wihi lweyi angayendla kurhandza ka tatana wa yena ke?” Vaku ka yena: “Hilweyi worhanga.” Yesu aku ka vona: Nitiyisile nili ka n'wina: Vahakelisi va rhesa ni tinghwavana vamirhangela kunghena Mfun'wini wa Xikwembu.

Matewu 21:31 Referans Kwoze

Luka 7:29

Hinkwavo lava nga n'wi yingisa, ni valuvisi lava nga khuvuriwa hi ku khuvula ka Yohane va dzunisile ku lulama ka Xikwembu;

Matewu 7:21

“A hi hinkwavo lava nge eka mina: Hosi, hosi, lava nga ta nghena eku fumeni ka matilo, kambe ku ta nghena la endlaka ku rhandza ka Tata wa mina la nga ematilweni.

2 Petro 3:9

Hosi a yi hlweri ku endla leswi yi nga tshembisa swona, kukotisa loko van'wana va ehleketa leswaku ku hlwela ku kona, kambe wa ha lehisa mbilu hikwalaho ka n'wina, hikuva a nga rhandzi leswaku ku lova ni un'we, kambe u rhandza leswaku hinkwavo va ta eku hundzukeni.

Varhoma 5:20

Kambe nawu wu humelele leswaku ku dyoha ku andza; kambe laha ku dyoha ku andzeke kona, tintswalo ti andzile hi ku tlurisa,

Varhoma 3:19

Kambe ha swi tiva leswaku hinkwaswo leswi vuriwaka hi nawu, swi byeriwa lava nga enawini, leswaku milomu hinkwayo yi siviwa; vanhu hinkwavo va ta kumiwa va ri ni nandzu emahlweni ka Xikwembu.

Matewu 20:16

Hi mukhuva wolowo, va le ndzhaku va ta va ve mahlweni, ve mahlweni va ta va ve ndzhaku.”

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

Luka 19:22

A ku eka yena: ‘Nandza lowo biha, ndzi ta ku avanyisa hi ku vula ka wena. U tivile leswaku ndzi munhu wo nonon'hwa, ndzi teka lexi ndzi nga xi vekangiki, ndzi tshovela lexi ndzi nga xi byalangiki.

Luka 15:10

Ndzi ri eka n'wina: Hi mukhuva wolowo, ku tsaka ku kona emahlweni ka tintsumi ta Xikwembu, hikwalaho ka mudyohi a ri un'we la hundzukaka.”

Matewu 18:3

“Ndza vurisa, ndzi ri eka n'wina: Loko mi nga hundzuki, mi fana ni vana, mi nga ka mi nga ngheni eku fumeni ka matilo.

Matewu 12:50

hikuva un'wana ni un'wana la nga ta endla ku rhandza ka Tatana la nga etilweni, hi yena la nga makwerhu, ni makwerhu wa xisati, na manana.”

Matewu 9:9

Kuteloko Yesu a suke kwalaho, a vona munhu loyi va nge i Matewu, a tshamisile endlwini ya ndzuvo, a ku eka yena: “Ndzi landze!”

Ntirho 15:6

Nomu wa wena, hi wona lowu ku kanetaka, a hi mina, Kambe milomu ya wena i timbhoni leti ku hehlaka.

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Matewu 5:18

Hikuva kunene, ndza mi byela, ndzi ri: Tilo ni misava swi ko swi hundza, yota, hambi yi ri yin'we, ni valanyana, hambi ri ri rin'we ra nawu, swi nga ka swi nga hundzi ku nga si endleka swilo hinkwaswo.

Ezekiele 33:11

U nge eka vona: Ndza hanya, ku vula Hosi Yehovha, a ndzi tsakeri rifu ra mudyohi, kambe hileswaku a hundzuka endleleni ya yena kutani a hanya; hundzukani, mi hundzuka etindleleni ta n'wina leto biha, hikuva mi rhandza ku fa hikwalaho ka yini, n'wina yindlu ya Israele?

Matewu 5:46

Hikuva loko mi rhandza lava mi rhandzaka, mi nga va ni ku hakela kwihi? Na vona valuvisi a va endlisi sweswo xana?

Matewu 21:30

Kutani a ya eka lowa vumbirhi, a n'wi byerisa sweswo. Yeloyi a n'wi hlamula, a ku: ‘Ndza ya, hosi,’ kambe a nga ha yanga.

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Yohane 3:5

Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.