Matewu 21:29 - Xitsonga (Bibele)

²⁹ Yeloyi a hlamula, a ku: ‘Ndza ala,’ kambe ndzhaku a tisola, a ya kona.

BIBELE Mahungu Lamanene

²⁹ N'wana loyi a hlamula a ku: ‘A ndzi yi!’ kambe endzhaku a sala a tiehleketa, a ya.

Testamente Leyimpsha Xichangana

²⁹ N'wana lweyi ahlamula aku: ‘Anilavi!’ Kambe ndzhaku asala atilaya, kutani aya.

Matewu 21:29 Referans Kwoze

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Matewu 21:31

Xana eka vona vambirhi, hi wihi la nga endla ku rhandza ka tata wa yena?” Va ku eka yena: “Hi lowo rhanga.” Yesu a ku eka vona: “Kunene ndza mi byela, ndzi ri: Valuvisi ni vavasati va vuoswi va mi rhangela eku fumeni ka Xikwembu.

Yonasi 3:2

“Suka u ya Ninivha, muti lowukulu, u ya wu huwelela leswi ndzi nga ta ku byela swona.”

Yeremiya 44:16

“Loko ri ri rito leri u hi byeleke rona hi vito ra Yehovha, hi nga ka hi nga ku yingisi;

Tinhlayo 10:30

Hobabu a ku eka yena: “Ndzi nga ka ndzi nga yi, kambe ndzi ta ya etikweni ra mina ni le ka varikwerhu.”

Matewu 21:28

“Kambe mi ri yini hi mhaka leyi: Munhu a a ri ni vana vambirhi; a ya eka lowo rhanga, a ku eka yena: ‘N'wananga, famba u ya tirha namuntlha ensin'wini ya mina ya vhinya.’

Matewu 21:30

Kutani a ya eka lowa vumbirhi, a n'wi byerisa sweswo. Yeloyi a n'wi hlamula, a ku: ‘Ndza ya, hosi,’ kambe a nga ha yanga.

Eksoda 4:28

Kavaloko Muxe a rungulela Aroni marito hinkwawo ya Yehovha hilaha a n'wi rhumeke hakona, ni swikombiso hinkwaswo leswi a n'wi leriseke swona.