Matewu 2:22 - Xitsonga (Bibele)

²² Kambe loko a twa leswaku Arkelawusi u fuma Yudiya ematshan'weni ya Heroda tata wa yena, a chava ku ya kona; kuteloko a kombisiwile hi Xikwembu enorhweni, a hambukela etikweni ra Galeliya.

BIBELE Mahungu Lamanene

²² Kambe loko a twa leswaku Arkelawusi ú fuma Yudiya ematshan'wini ya Heroda tata wa yena, a chava ku ya kona; kutani loko a tsundzuxiwile enorhweni, a tlhelela etikweni ra Galeliya,

Testamente Leyimpsha Xichangana

²² Kambe loko atwa lesvaku Arkelawu wafuma le Yudeya amatshan'weni ya Heroda tatana wa yena, achava kuya kona; kutani loko ativisiwile norhweni, atlhelela tikweni ra Galileya,

Matewu 2:22 Referans Kwoze

Luka 2:39

Kuteloko va hetile hinkwaswo leswi lerisiweke hi nawu wa Hosi, va tlhelela eGaleliya, va ya eNazareta, emutini wa vona.

Yohane 7:52

Va hlamula, va ku eka yena: “Xana na wena u Mugaleliya-ke? Xiyaxiya, u ta vona leswaku a ku na muprofeta la humaka eGaleliya.”

Matewu 3:13

Enkarhini wolowo Yesu a huma eGaleliya a ta eYordani eka Yohane ku ta khuvuriwa hi yena.

Matewu 2:19

Kambe, kuteloko Heroda a file, ntsumi ya Hosi yi humelela eka Yosefa eEgipta hi norho, yi ku:

Matewu 1:20

Kakuloko a anakanya swona, ntsumi ya Xikwembu, yi ta eka yena hi norho, yi ku: “Yosefa, n'wana Davhida u nga chavi ku titekela Mariya, nsati wa wena, hikuva leswi xurheke hi yena, i swa Moya lowo Kwetsima;

Esaya 30:21

Kutani tindleve ta wena ti ta twa rito endzhaku ka wena, ri ku: “Ndlela hi leyi, fambani ha yona,” mi nga yi hi ra xinene, kumbe hi ra ximatsi!

Pisalema 121:8

Yehovha u ta ku sirhelela eku sukeni ni le ku fikeni ka wena, Ku sungula sweswi, ni ku fika ni makumu.

Pisalema 73:24

U ta ndzi fambisa hi ku tsundzuxa ka wena, Kutani u ta ndzi amukela eku kwetsimeni.

Pisalema 48:14

Hikuva Xikwembu lexi, i Xikwembu xa hina hi laha ku nga heriki; Xi ta hi fambisa ku ya fika eku feni.

1 SAMIELE 16:2

Samiele a ku: “Ndzi nga yisa ku yini xana? Sawulo u ta swi tiva, a ndzi dlaya.” Yehovha a ku: “U ta teka thokazi na wena, u ku: ‘Ndzi tile ku ta humesela Yehovha magandzelo.’

Matewu 2:1

Yesu, kuteloko a tswariwile Betlehema wa Yudiya, enkarhini wa hosi Heroda, vonani, tintlhari ta le vuxeni ti fika eYerusalema, ti ku:

Matewu 2:21

Kuteloko Yosefa a pfukile, a teka n'wana ni mana wa yena, a tlhelela etikweni ra Israele.