Matewu 2:11 - Xitsonga (Bibele)

¹¹ Kutani loko va nghena endlwini, va kuma n'wana ni mana wa yena, Mariya; kutani va khinsama hi matsolo, va n'wi gandzela. Kuteloko va tshunxile mirhwalo ya vona, va n'wi nyika nsuku, ni mirhi ya risuna, ni murhi wa mirha.

BIBELE Mahungu Lamanene

¹¹ Kutani va nghena ndlwini, va kuma xihlangi ni mana wa xona Mariya; kwalaho va nkhinsama, va xi gandzela; kutani va ntshunxa mindzhwalo ya vona, va xi humesela tinyiko ta nsuku, ni mirhi ya risuna, ni mafurha ya mirha.

Testamente Leyimpsha Xichangana

¹¹ Kutani tiyanghena ndlwini, tikuma xihlangi ni mamana wa xona Mariya; kolaho tikhinsama, tixigandzela; kutani titlhantlha mindzhwalu ya tona, tixihumesela tinyiko ta golidi, ni b'aso, ni mafurha ya mira.

Matewu 2:11 Referans Kwoze

Esaya 60:6

Tikamela to tala, ni tikamela letintshwa ta Midiyani, ni ta Efa, ti ta ku funengeta; hinkwavo va Xeba va ta ta, va ta tisa nsuku ni mirhi ya risuna, kutani va ta tlangela Yehovha.

Pisalema 72:10

Tihosi ta le Tarxixi ni ta swihlale ti ta tisa ndzuvo, Tihosi ta le Xeba ni ta Seba ti ta humesa tinyiko;

Luka 2:16

Kutani va hatlisa va ya, va ya kuma Mariya na Yosefa ni wandzisanyana la latiweke exidyelweni.

Matewu 2:2

“Yi kwihi hosi ya Vayuda leyi tswariweke, hikuva hi vonile nyeleti ya yona hi le vuxeni, kutani hi tile ku ta yi gandzela.”

Pisalema 95:6

Tanani, hi khinsama, a hi korhameni, Hi khinsamela Yehovha, muvumbi wa hina,

Pisalema 72:15

Vona va ta hanya, va ta yi nyika nsuku wa Xeba; Va ta yi khongelela hi mikarhi hinkwayo, ni ku yi katekisa hi masiku.

1 TIHOSI 10:2

Yi fika eYerusalema yi landziwa hi vanhu lavo tala ngopfu, va ri ni tikamela leti rhwalaka mirhi ya risuna, ni nsuku lowu teleke ngopfu, ni maribye ya risima. A ta eka Solomoni, a n'wi byela hinkwaswo leswi ngi swi ri embilwini ya yena.

Tinhlayo 7:14

ni ndzheko wa nsuku wa tixikele ta 10, lowu teleke hi mirhi ya risuna;

Nhlavutelo 19:10

Kutani ndzi wela emilengeni ya yona ku yi gandzela, kambe yi ku eka mina: “U nga tshuki u endlisa sweswo; ndzi nakuloni entirhweni, ni wa vamakwenu lava nga ni vumbhoni bya Yesu, gandzela Xikwembu.” Hikuva vumbhoni bya Yesu i moya wa vuprofeta.

Matewu 14:33

Kutani lava ngi va ri ebyatsweni va n'wi tshinelela, va n'wi khinsamela, va ku: “Kunene u N'wana wa Xikwembu.”

Nhlavutelo 5:8

Kuteloko xi tekile buku, swivumbiwa leswi hanyaka leswa mune, ni vakulukumba va makume mambirhi na mune va khinsama emahlweni ka xinyimpfana, un'wana ni un'wana a tamele haripa, ni ximbitana xa nsuku lexi teleke mirhi ya risuna, swi nga swikhongelo swa vakwetsimi.

Luka 2:38

Na yena a humelela enkarhini wolowo, a khensa Hosi, a vula timhaka ta Yesu eka hinkwavo lava languteleke ku kutsuriwa ka Israele, emutini wa Yerusalema.

1 SAMIELE 10:27

kambe vanhu van'wana lavo biha a va ku: “Xana loyi a nga hi ponisa ku yini-ke?” Kutani va n'wi sandza, a va n'wi tiselanga ndzuvu. Kambe Sawulo a nga vulanga nchumu ha swona.

Tinhlayo 7:86

Ni mindzheko ya 12 leyi teleke hi mirhi ya risuna, ya tixikele ta 10, hi xikele ya vukwetsimelo, ntsengo wa nsuku hinkwawo wa mindzheko, a ti ri tixikele ta 120.

Levhitika 6:15

Kutani va ta hunguta xandla xa mapa layo saseka ya nyiko, ni mafurha ya yona, ni mirhi ya risuna hinkwayo leyi engetelaka gandzelo kutani va ta swi hisa ealitarini swi va xitsundzuxo xa risuna lero nun'hwela eka Yehovha.

Eksoda 30:34

Yehovha a engeta, a ku eka Muxe: “U ta teka mirhi ya risuna, sitakita, ni galibanumi, ni leswi nun'hwelaka ngopfu, u ta ringanisa hinkwaswo hi mpimo wu ri wun'we;

Genesa 43:11

Israele, tata wa vona, a ku eka vona: “Loko swi ri tano, mi fanele ku endlisa sweswo: Tekani emikwameni ya n'wina leswo saseka, leswi humesiwaka hi tiko mi ya nyika munhu yeloyi: mi teka balsama, ni vulombe, ni asitiragala, ni ladano, ni timanga, ni tialimondi;

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Pisalema 45:8

Mirha, ni mhangani, ni kasiya swi le tingubyini ta wena hinkwato; Etindlwini ta ndlopfu, ku yimba ka magubu ku ku tsakisa.

Pisalema 2:12

Ntswontswani n'wana, leswaku a nga ti kariha, Kutani mi lova etindleleni ta n'wina, Hikuva vukari bya yena bya hatlisa ku pfurha. Va katekile hinkwavo lava chavelaka ka yena!

1 TIHOSI 10:10

Kutani a nyika hosi titalenta ta nsuku ta dzana ni makume mambirhi, ni mirhi ya risuna leyi teleke ngopfu, ni maribye ya risima. A ku fikanga ni siku ni rin'we mirhi ya risuna leyi teleke ku fana ni leyi hosi ya wansati ya Xeba yi yi nyikeke hosi Solomoni.

Eksoda 30:23

“U ta teka mirhi ya risuna leyo saseka, yi ri mirha yo saseka, ku tika kantlhanu wa madzana ya tixikele, ni sinamoni, u ta teka hafu, hileswaku tixikele ta 250, ni rihlanga leri nun'hwelaka, tixikele ta 250;

Risimu ra Tinsimu 3:6

I mani loyi a humelelaka emananga Ku fana ni hunguva ya musi, La nun'hwelaka hi mirha ni mirhi ya risuna, Ni maakha hinkwawo ya vaxavisi xana?

Matewu 1:18

Ku tswariwa ka Yesu Kriste ku humelele sweswo: Mariya, mana wa yena, loko a vutiwile hi Yosefa, a tshuka a xurha nyimba hi Moya lowo Kwetsima, va nga si hlangana.

Matewu 2:10

Kuteloko va vona nyeleti, va tsaka hi ku tsaka lokukulu ngopfu.

Matewu 12:46

Kakuloko a ha vulavula ni ntshungu, ku fika mana wa yena ni vamakwavo, va yima ehandle va lava ku vulavula na yena.

Yohane 19:39

Na yena Nikodema, loyi a nga ta nivusiku eka Yesu, a ta, a rhwele mirha ni mhangana leswi nga pfanganisiwa; ku tika ka swona ku lava ku endla dzana ra mimpimo.