Matewu 19:22 - Xitsonga (Bibele)

²² Kambe jaha leri, loko ri twa ku vulavula loku, ri famba ri ri ni gome ngopfu hikuva a ri fuwile ngopfu.

BIBELE Mahungu Lamanene

²² Kambe loko jaha leri ri twa marito lawa, ri famba ri hlunamile, hikuva a ri ri ni rifuwo lerikulu.

Testamente Leyimpsha Xichangana

²² Kambe loko jaha leri ritwa marito lawa, rifamba na rihlunamile, hikuva arili ni rifuwo lerikulu.

Matewu 19:22 Referans Kwoze

Matewu 6:24

“A ku na munhu la nga swi kotaka ku tirhela tihosi timbirhi; hikuva u ta venga yin'wana, a rhandza yin'wanyana, kumbe u ta namarhela yin'wana, a sandza yin'wanyana. Mi nge swi koti ku tirhela Xikwembu na Mamona.

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Matewu 13:22

Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Vakolosa 3:5

Dlayani hakona swirho swa n'wina swa la emisaveni, hileswaku vuoswi, ni vumbhisa, ni ku tiyingisa ka tingana, ni ku navela leswo biha, ni ku navela rifuwo loku ku nga ku tirhela swikwembu swahava;

Vaefesa 5:5

hikuva ma swi tiva leswaku muoswi, hambi yi ri mbhisa, ni la rhandzaka rifuwo, a nga munhu la tirhelaka swikwembu swahava, a nga ka a nga vi na ku averiwa eku fumeni ka Kriste ni Xikwembu.

Marka 10:22

Kambe a tlhaviwa hi rito leri, a famba a hlunamile, hikuva a a ri munhu wa rifuwo lerikulu.

Matewu 16:26

Hikuva hambi munhu a nga fuwa misava hinkwayo, loko a lahlekeriwa hi moya wa yena, swi ta va swi n'wi pfune yini-ke? Kumbe munhu u ta humesa yini ku xava moya wa yena-ke?

Luka 18:23

Kambe yena, loko a twa timhaka teto, a khomiwa hi tingana ngopfu, hikuva a a ri munhu wa rifuwo lerikulu.

Matewu 14:9

Kutani hosi yi khomiwa hi tingana; kambe leswi a hlambanyeke, ni hikwalaho ka lava tshameke eswakudyeni na yena, a lerisa leswaku a nyikiwa yona,

Marka 6:26

Hosi yi khomiwa hi tingana ngopfu, kambe yi chava ku n'wi alela hikwalaho ka ku hlambanya ka yena, ni hikwalaho ka lava tshameke eswakudyeni.

Pisalema 17:14

Hi voko ra wena, Oho Yehovha! U ndzi ponisa eka vanhu va misava leyi, Va ni ku averiwa ka vona evutomini lebyi; U tatile swifuva swa vona hi rifuwo ra wena; Vana va vona va xurhile, Kambe va siyela vatukulu va vona leswi salaka.

Matewu 19:21

Yesu a ku eka yena: “Loko u rhandza ku va la hetisekeke, famba u ya xavisa leswi u nga na swona, u avela swisiwana kwalaho u ta va ni xuma etilweni, kutani u ta, u ndzi landza.”

Matewu 19:23

Kutani Yesu a ku eka vadyondzisiwa va yena: “Ndzi vurisile ndzi ri eka n'wina: Swa nonon'hwa eka mufuwi ku nghena eku fumeni ka matilo:

Yohane 16:20

Ndzi vurisile ndzi ri eka n'wina: Mi ta rila, mi va mi kolola, kutani yona misava yi ta tsaka; mi ta va ni ku vaviseka, Kambe ku vaviseka ka n'wina ku ta hundzuka ku tsaka.