Matewu 18:3 - Xitsonga (Bibele)

³ “Ndza vurisa, ndzi ri eka n'wina: Loko mi nga hundzuki, mi fana ni vana, mi nga ka mi nga ngheni eku fumeni ka matilo.

BIBELE Mahungu Lamanene

³ “Ndzi tiyisile ndzi ri ka n'wina, loko mi nga hundzuki mi fana ni vana, a mi nga ngheni eMfun'weni wa matilo.

Testamente Leyimpsha Xichangana

³ “Nitiyisile nili ka n'wina: Loko mingahundzuki mifana ni vatsongwana, amingangheni Mfun'wini wa matilo.

Matewu 18:3 Referans Kwoze

1 Petro 2:2

kutani mi lava ngopfu, kukota vana lava ha ku tswariwaka, ntswamba lowunene wa Rito, leswaku mi kula ha wona eku hlayisekeni;

Matewu 19:14

Kambe Yesu a ku eka vona: “Tshikani, mi nga tshuki mi sivela vana ku ta eka mina hikuva ku fuma ka matilo i ka lava fanaka na vona.”

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

Pisalema 131:2

Ina, ndzi rhulisile, ndzi miyetile moya wa mina, Kukota n'wana la lumuriweke ka mana wa yena;

Yohane 3:5

Yesu a hlamula, a ku: “Kunenenene ndzi ri eka wena: Loko munhu a nga tswariwi hi mati ni Moya, a nga ka a nga ngheni eku fumeni ka Xikwembu.

Yohane 3:3

Yesu a hlamula, a ku eka yena: “Kunenenene ndzi ri eka wena: Loko munhu a nga tswariwi ra vumbirhi, a nga ka a nga voni ku fuma ka Xikwembu.”

Luka 13:24

A ku eka vona: “Endlani hi matimba ku nghena hi nyangwa leyo khuma, hikuva ndzi ri eka n'wina: Lavo tala va ta rhandza ku nghena, kambe va ta tsandzeka.

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Timhaka 28:27

hikuva mbilu ya tiko leri, yi nonisiwile tindleve ta rona ta nonon'hwa ku yingisa, ri swinyile mahlo leswaku ri nga ti vona hi mahlo, ri nga ti twa hi tindleve, ri nga ti swi twa hi mbilu, ri nga ti hundzuka, kutani ndzi nga ti ri hanyisa.’

Yohane 1:51

A engeta a ku eka yena: “Kunenenene ndzi ri eka n'wina: Ku sungula sweswi, mi ta vona tilo ri pfuriwile, ni tintsumi ta Xikwembu ti ri karhi ti tlhandluka, ti va ti xikela ehenhla ka N'wana wa munhu.”

Matewu 5:20

Hikuva ndza mi byela, ndzi ri: Ku lulama ka n'wina loko ku nga tluri ka vatsari ni Vafarisi, mi nga ka mi nga ngheni eku fumeni ka matilo.

Luka 22:32

kambe mina ndzi ku khongelele, leswaku ku pfumela ka wena ku nga tshuki ku titivala. Kutani wena, loko u hundzukile, u ta tiyisa vamakwenu.”

Marka 4:12

swi ri leswaku hambi ku ri ku vona, va vona, kambe va nga vonisisi; hambi ku ri ku yingisa, va yingisa, kambe va nga twisisi; leswaku va nga tshuki va hundzuka, kutani va rivaleriwa swidyoho.”

2 Petro 1:11

Hikuva hi mukhuva wolowo, mi ta hiwa ku nghena eku fumeni loku nga heriki ka Yesu Kriste, Hosi ni Mulondzovoti wa hina.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

Matewu 19:23

Kutani Yesu a ku eka vadyondzisiwa va yena: “Ndzi vurisile ndzi ri eka n'wina: Swa nonon'hwa eka mufuwi ku nghena eku fumeni ka matilo:

Matewu 13:15

Hikuva timbilu ta tiko leri ti nonile, ni tindleve ta vona va ti nonon'hwisile, ni mahlo ya vona va ma pfarile, leswaku va nga tshuki va vona hi mahlo, ni ku yingisa hi tindleve, ni ku twisisa hi timbilu, ni ku hundzuka leswaku ndzi nga ti tshuka ndzi va hanyisa.’

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

Matewu 6:2

Hikwalaho, loko u nyika swisiwana, u nga tshuki u yimba nanga emahlweni ka wena, u kotisa leswi vamandzendze va swi endlaka emasinagogeni, ni le mitsendzeleni, leswaku va ta dzunisiwa hi vanhu. Kunene ndza mi byela leswaku va kumile hakelo ya vona.

Matewu 5:18

Hikuva kunene, ndza mi byela, ndzi ri: Tilo ni misava swi ko swi hundza, yota, hambi yi ri yin'we, ni valanyana, hambi ri ri rin'we ra nawu, swi nga ka swi nga hundzi ku nga si endleka swilo hinkwaswo.

Matewu 18:2

Yesu a vitana n'wana, a n'wi veka exikarhi ka vona, a ku.

Matewu 18:4

Hikwalaho un'wana ni un'wana la titsongahataka kukotisa n'wana loyi, hi yena la nga lonkulu eku fumeni ka matilo.