Matewu 17:27 - Xitsonga (Bibele)

²⁷ Kambe hileswaku hi nga va khunguvanyisi, yana e lwandle, u ya hoxa xinjovo kona, kutani u ta khoma nhlampfi leyi nga ta rhanga yi papama; kutakuloko u yi ahlamise nomu, u ta kuma statera kona, u yi teka u va nyika yona, u humesela mina na wena.”

BIBELE Mahungu Lamanene

²⁷ Kambe ku endlela leswaku hi nga va khunguvanyisi, yana elwandle, u ya ringela; kutani nhlampfi leyo rhanga leyi u nga ta yi phasa, yi khome, u yi ahlamisa nomo; u ta kuma mali kona; yi teke, u va nyika yona, u humesela mina na wena.”

Testamente Leyimpsha Xichangana

²⁷ Kambe lesvaku hingavakhunguvanyisi, yana ativeni, uyaringela; kutani hlampfi leyorhanga leyi ungatayiphasa, yikhome, uyipfula nomo; utakuma xitatare kona; xiteke, uvanyika xona, uhumesela mina na wena.”

Matewu 17:27 Referans Kwoze

2 Vakorinto 6:3

A hi khunguvanyisi vanhu ni switsongo, leswaku ntirho wa hina wu nga tshuki wu sandziwa,

2 Vakorinto 8:9

Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendle xisiwana hikwalaho ka n'wina, leswaku mi kuma ku fuwa evusiwaneni bya yena.

1 Vakorinto 8:9

Kambe tivoneleni leswaku ku tshunxeka ka n'wina ku nga wisi ehansi lava tsaneke.

1 Vakorinto 8:13

Hikwalaho-ke, loko swakudya leswi, swi wisa makwerhu ndzi nga ka ndzi nga ha tshami ndzi dya nyama, ni siku ni rin'we, ndzi nga ti tshuka ndzi wisa makwerhu.

Pisalema 8:8

Ni tinyanyana ta tilo, ni tinhlampfi ta lwandle, Ni hinkwaswo leswi fambafambaka etindleleni ta malwandle.

1 TIHOSI 17:4

U ta nwa mati ya xinambyana; ndzi lerisile mawukuwuku ku ku phamela kona.”

Varhoma 14:21

Swi sasekile loko ku nga dyiwi nyama ku nga nwiwi vhinyo, ni loko ku nga endliwi xilo xihi ni xihi lexi nga khunguvanyisaka makwenu, ni ku n'wi wisa, ni ku n'wi tsanisa.

Yonasi 2:10

Kambe mina ndzi ta ku tisela mhamba ya mina, ndzi vula ku dzuneka ka wena; ndzi va ndzi hetisisa leswi ndzi swi hlambanyeke. Ku hlayiseka ku huma eka Yehovha.”

Yakobo 2:5

Yingisani, vamakwerhu lava rhandziwaka: Xana Xikwembu a xi hlawulanga swisiwana swa misava leyi, leswaku va va vafuwi eku pfumeleni, ni vadyandzhaka va ku fuma loku Xikwembu xi ku tshembiseke lava xi rhandzaka xana?

Genesa 1:28

Xikwembu xi va katekisa. Xi ku eka vona: “Tswalanani, mi andza, mi tata misava mi yi fuma, mi fuma ni tinhlampfi ta lwandle, ni tinyanyana ta tilo, ni swin'wana hinkwaswo leswi hanyaka emisaveni.”

1 Vatesalonika 5:22

Chavani hinkwaswo leswi fanaka ni leswo biha.

Yohane 6:61

Kambe Yesu a a tiva hi ku titivela leswaku vadyondzisiwa va yena va n'unun'uta, hikwalaho ka swona, a ku eka vona: “Xana mhaka leyi, ya mi khunguvanyisa xana?

Matewu 5:29

“Kungakuloko tihlo ra wena ra xinene ri ku khunguvanyisa, ri xokole, u ri cukumeta ekule na wena; hikuva swi nga saseka eka wena loko xirho xa wena xi lova xi ri xin'we ntsena, miri wa wena hinkwawo wu nga cukumetiwi etiheleni.

Matewu 5:30

Loko voko ra wena ra xinene ri ku khunguvanyisa, ri tseme, u ri cukumeta ekule na wena, hikuva swi nga saseka eka wena loko xirho xa wena xi lova xi ri xin'we ntsena, miri wa wena hinkwawo wu nga cukumetiwi etiheleni.

Matewu 17:26

Petro a ku eka yena: “I vamatiko.” Yesu a ku eka yena: “Loko swi ri sweswo, vana va vona va va tshika.

Matewu 18:6

Kambe un'wana ni un'wana la khunguvanyisaka un'wana wa lavatsongo, lava pfumelaka ka mina, a swi ta va swona eka yena loko a boheleriwa ribye ra ku sila enhan'wini, a hoxiwa exidziveni xa lwandle.

Matewu 18:8

Kambe voko ra wena, kumbe nenge loko swi ku wisa, swi tseme u swi cukumeta ekule na wena, hikuva i mhaka leyi ku fanelaka ku nghena evutomini, u ri xilema, kumbe u khwita, ku nga ri ku cukumetiwa endzilweni lowu nga timekiki, u ri ni milenge mimbirhi, kumbe mavoko mambirhi.

Marka 9:42

Un'wana ni un'wana la khunguvanyisaka un'wana wa la vatsongo lava pfumelaka eka mina, swi nga saseka eka yena loko a boheleriwa ribye ra ku sila enhan'wini, a cukumetiwa elwandle.

Marka 9:43

“Voko ra wena loko ri ku wisa, ri tseme; swi nga saseka eka wena loko u nghena evutomini u ri xilema, ku nga ri ku ya etiheleni, endzilweni lo wu nga timekiki, u ri ni mavoko mambirhi. [

Luka 17:2

Swi nga va swinene loko a boheleriwa tamba enhan'wini, a hoxiwa elwandle, ku nga ri loko a khunguvanyisa un'wana wa lavatsongo. Tivoneleni hakona!