Matewu 17:17 - Xitsonga (Bibele)

¹⁷ Yesu a hlamula, a ku: “Rixaka leri nga pfumeriki, lero homboloka, ndzi ta va na n'wina ku yisa kwihi xana? Ndzi ta mi lehisela mbilu ku yisa kwihi xana? N'wi neheni laha ka mina.”

BIBELE Mahungu Lamanene

¹⁷ Yesu a hlamula, a ku: “Ha! Rixaka leri nga pfumeriki, lero homboloka, ndzi ta va na n'wina ku fikela rini ke? Ndzi ta mi lehisela mbilu ku fikela rini ke? N'wi tiseni haleno.”

Testamente Leyimpsha Xichangana

¹⁷ Yesu ahlamula, aku: “Ha! Rixaka leringapfumeliki, lerohomboloka, nitava na n'wina kufika rini xana? Nitamixanisekela kufika kwihi ke? Mutiseni halenu.”

Matewu 17:17 Referans Kwoze

Tinhlayo 14:11

Kutani Yehovha a ku eka Muxe: “Tiko leri ri ta ndzi sandza ku yisa kwihi xana? Ri ta ndzi kaneta ku yisa kwihi; hambi ndzi endlile masingita hinkwawo lawa exikarhi ka rona!

Matewu 6:30

Loko Xikwembu xi funengeta sweswo byanyi bya nhova lebyi nga kona sweswi, kasi nimixo byi ta cukumetiwa exitikweni, xana xi nga ka xi nga mi funengeti ngopfu n'wina vanhu va ku pfumela lokutsongo?

Timhaka 13:18

Kutani emananga xi va endlela hi tintswalo hi malembe ya mune wa makume.

Marka 16:14

Eku heteleleni, a tikombisa eka lava khume na un'we loko va tshamile eswakudyeni, kutani a sola ku kaneta ka vona, ni ku nonon'hwa ka timbilu ta vona, hikuva a va nga pfumelanga lava n'wi voneke loko a pfukile.

Marka 9:19

Yesu a n'wi hlamula, a ku: “Ha! Rixaka leri nga pfumeriki, ndzi ta va na n'wina ku yisa kwihi? Ndzi ta mi lehisela mbilu ku yisa kwihi-ke? N'wi tiseni eka mina.”

Matewu 13:58

Kutani kwalaho a nga endlanga mahlori yo tala, hi leswi va nga pfumelangiki eka yena.

Matewu 8:26

Kutani a ku eka vona: “Vanhu va ku pfumela lokutsongo, mi ni vutoya ha yini-ke?” Kutani a yima, a tshinya xihuhuri ni lwandle, ku rhula lokukulu ku va kona.

Swivuriso 1:22

“N'wina, varivali, mi ta rhandza ku rivala ku yisa kwihi? Xana vasandzi va ta tsakela ku sandza, Ni va rihuhu va ta venga vutivi ku yisa kwihi xana?

Tinhlayo 14:27

“Ndzi ta tshika nhlengeletano leyo biha leyi, yi ndzi dzumadzumela ku fikela kwihi? Ndzi yingisile ku dzumadzuma ka vana va Israele lava ndzi dzumadzumelaka.

Eksoda 10:3

Kutani Muxe na Aroni va ya eka Faro, va ku eka yena: “Yehovha, Xikwembu xa Vaheveru, xi te: ‘U ta ala ku fika kwihi ku titsongahata emahlweni ka mina? Tshunxa tiko ra mina ri ya ndzi tirhela.

Yohane 20:27

Kutani a ku eka Tomasi: “Tisa ritiho ra wena la, languta ni swandla swa mina; tshambuluta ni voko ra wena u ri nghenisa etsheveni ra mina, kutani u nga kanakani, kambe u pfumela.”

Luka 24:25

Kutani a ku eka vona: “Yo! Vanhu lava nga twisisiki, va timbilu leti hlwelaka ku pfumela hinkwaswo leswi vuriweke hi vaprofeta!

Luka 9:41

Yesu a hlamula, a ku: “Ha! Rixaka leri nga pfumeriki, lero homboloka ndzi ta va na n'wina ku yisa kwihi, ndzi ta mi tsetselela ku ya fika kwihi? Tisa n'wana wa wena kwala.”

Matewu 16:8

Yesu, kuteloko a swi tivile, a ku eka vona: “Vanhu va ku pfumela lokutsongo, xana mi kanetana ha yini exikarhi ka n'wina hi leswi mi nga tekangiki swinkwa xana?

Yeremiya 4:14

Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

Eksoda 16:28

Kutani Yehovha a ku eka Muxe: “Mi ta ala ku yisa kwihi ku hlayisa ku lerisa ka mina ni milawu ya mina?

Swivuriso 6:9

Wena lolo, u ta etlela ku yisa kwihi xana? U ta pfuka rini evurhongweni bya wena?

Pisalema 95:10

Ndzi phiriwa hi rixaka leri hi mune wa makume ya malembe, Ndzi ku: “I tiko leri mbilu ya rona yi lahlekeke, A va tivi tindlela ta mina,”

Duteronoma 32:5

Leswi va tionheke, a nga na nandzu ka vona, Tingana ti ni vana va yena, I rixaka ro homboloka ni ro hemba.

Esaya 19:14

Yehovha u va chele moya wa sululwana, va dedelekisa Egipta eswilweni hinkwaswo leswi a swi endlaka hilaha xipyopyi xi dedelekaka loko xi hlanta.

Matewu 17:16

Ndzi n'wi tisile eka vadyondzisiwa va wena, kambe a va tivanga ku n'wi hanyisa.”

Matewu 17:18

Kutani Yesu a holovela ngopfu e rihuhu, kutani ri huma eka n'wana yeloyi, a hanya hi nkarhi wolowo.

Timhaka 2:40

Kutani a tiyisa vumbhoni bya yena hi marito man'wana layo tala, a va khongotela, a ku: “Tiponiseni erixakeni leri ra ku homboloka.”

2 Vakorinto 11:1

Ngi mi yingisela kutsongo vuhunguki bya mina; ina-ke, ma ndzi yingisela.