Matewu 16:27 - Xitsonga (Bibele)

²⁷ Hikuva N'wana wa Munhu u ta ta hi ku kwetsima ka Tata wa yena, ni tintsumi ta yena, kutani, enkarhini wolowo, u ta nyika un'wana ni un'wana hi mitirho ya yena.

BIBELE Mahungu Lamanene

²⁷ Hikuva N'wana-wa-Munhu ú ta vuya hi ku kwetsima ka Tata wa yena, a ri ni tintsumi ta yena, kutani hi kona a nga ta nyika un'wana ni un'wana hi ku ya hi mintirho ya yena.

Testamente Leyimpsha Xichangana

²⁷ Hikuva N'wana-wa-Munhu atavuya hi kukwetsima ka Tatana wa yena na ali ni tintsumi ta yena, kutani hi kona angatanyika mani na mani hi kuya hi mintirho ya yena.

Matewu 16:27 Referans Kwoze

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Pisalema 62:12

Ni tintswalo ti na wena, Hosi; Hikuva u tlherisela un'wana ni un'wana hi ku ringana ka mitirho ya yena.

Varhoma 2:6

loko xi rihisela un'wana ni un'wana hi mitirho ya yena.

Varhoma 14:12

Hi mukhuva wolowo, un'wana ni un'wana wa hina u ta tihlamulela swa yena eka Xikwembu.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Vaefesa 6:8

hi ku tiva leswaku un'wana ni un'wana, hambi a ri la fuyiweke, hambi a ri la nga fuyiwangiki, u ta nyikiwa hi Hosi hi mpimo wa leswo saseka leswi a swi endleke.

Yuda 1:14

Hi vona valavo Enoko, wanuna lowa vuntlhanu na vambirhi ku sukela eka Adamu, a nga va bvumbha loko a te:

Swivuriso 24:12

Loko u ku: “A ndzi va tivanga!” La pimaka timbilu a nga swi voni xana? Loyi a xiyaka moya wa wena a nga swi tivi xana? A nga ka a nga hakeli munhu ha un'we hi ku ringanisa mitirho ya yena xana?

Nhlavutelo 20:12

Ndzi vona ni vafi lavakulu ni lavatsongo, va yimile emahlweni ka xiluvelo. Kutani tibuku ti hanguluxiwa; ku hanguluxiwa ni buku yin'wana, yi nga buku ya vutomi, kutani vafi va avanyisiwa hi leswi tsariweke etibukwini, ku ri hi mitirho ya vona.

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

Ntirho 34:11

Hikuva u tlherisela eka munhu leswi ringanaka mitirho ya yena. U n'wi nyika ku ringana mikhuva ya yena.

Matewu 25:31

“Siku N'wana wa Munhu a nga ta ta eku kwetsimeni ka yena, ni tintsumi ta yena leto kwetsima ti ri na yena hinkwato, hilaha a nga ta tshamisa exiluvelweni xo kwetsima xa yena.

Yeremiya 32:19

U nkulukumba emakungwini, u ni matimba eku endleni; mahlo ya wena ma languta mikhuva hinkwayo ya vana va vanhu ku tlherisela eka un'wana ni un'wana hi mikhuva ya yena, mihandzu ya ku endla ka yena.

Luka 21:27

Hilaha va nga ta vona N'wana wa Munhu a ta epapeni hi matimba lamakulu, ni ku vonakala lokukulu.

Marka 14:62

Yesu a ku: “Hi mina; kambe mi ta vona N'wana wa Munhu a tshamile evokweni ra xinene ra matimba ra Xikwembu, a ta hi mapapa ya le tilweni.”

Marka 8:38

Hikuva loyi a nga ni tingana hikwalaho ka mina ni marito ya mina, emahlweni ka rixaka leri ra vaoswi ni ra vadyohi, na yena N'wana wa Munhu u ta khomiwa hi tingana hikwalaho ka yena, siku a taka vuya hi ku kwetsima ka Tata wa yena swin'we ni tintsumi leto kwetsima.”

Matewu 24:30

Enkarhini wolowo, xikombiso xa le tilweni, hi kona matiko hinkwawo ya misava ma nga ta tiba xifuva, va ta vona N'wana wa Munhu a ta hi mapapa ya le tilweni, hi matimba lamakulu, ni ku vonakala lokukulu.

Zakariya 14:5

Mi ta tsutsuma hi nkova wa tintshava ta mina, hikuva nkova wa tintshava wu ta fika eAsele; kutani mi tsutsuma kukotisa siku mi nga tsutsuma loko misava yi tsekatseka, emikarhini ya Uziya, hosi ya Yuda. Kutani Yehovha, Xikwembu xa mina, u ta ta, a ri ni vakwetsimi hinkwavo.

Ezekiele 7:27

Hosi yi le nkosini, n'wana wa yena u le nhlomulweni, mavoko ya vanhu va tiko ma rhurhumela. Ndzi ta va endla hi ku biha ka vona, ndzi va avanyisa hi mitirho ya vona, va ta tiva leswaku hi mina Yehovha.”

Nhlavutelo 1:7

Vonani, wa ta hi mapapa; mahlo hinkwawo ma ta n'wi vona, na vona lava n'wi tlhaveke, kutani tinxaka hinkwato ta misava ti ta tiba swifuva hikwalaho ka yena. Ina, Amen!

Timhaka 1:11

va ku: “Vavanuna va Galeliya, mi yimele yini mi langutile etilweni? Yesu loyi a tekeriweke etilweni a ri exikarhi ka n'wina, u ta tlhela a vuya hi mukhuva lowu mi n'wi voneke a ya etilweni ha wona.”

Matewu 26:64

Yesu a ku eka yena: “U vula swona; kambe ndzi ri eka n'wina: Ku sungula sweswi, mi ta vona N'wana wa Munhu a tshamisile evokweni ra xinene ra matimba ya Xikwembu, a ta hi mapapa ya le tilweni.”

1 Petro 1:17

Kutani loko mi khongela, mi vula Tatana loyi a nga yiki hi nghohe, kambe a avanyisa un'wana ni un'wana hi mitirho ya yena, hanyani hi ku chava enkarhini wa ku xwa ka n'wina la emisaveni.

Luka 22:69

Ku sungula sweswi, N'wana wa Munhu u ta tshama evokweni ra xinene ra matimba ya Xikwembu.”

Luka 9:26

Hikuva un'wana ni un'wana la khomiwaka hi tingana hikwalaho ka mina ni timhaka ta mina, N'wana wa Munhu u ta khomiwa hi tingana hikwalaho ka yena, siku a taka eku vonakaleni ka yena ni ka Tata wa yena, ni ka tintsumi leto kwetsima.

Matewu 13:49

Swi ta va tano emakun'wini ya mikarhi leyi; tintsumi ti ta huma, ti hlawula lavo homboloka eka lava lulameke,

Daniele 7:10

Nambu wa ndzilo a wu huma wu khuluka emahlweni ka yena. A tirheriwa hi madzana ya madzana, kutani dzana ra timiliyoni a ti yimile emahlweni ka yena. Kavaloko vaavanyisi va tshama, kutani tibuku ti phendliwa.

1 Vatesalonika 1:10

ni ku langutela ematilweni N'wana wa xona, loyi xi n'wi pfuxeke eku feni, a nga Yesu, la hi kutsuleke eku kariheni loku nga ta ta.

1 Vatesalonika 4:16

hikuva yona Hosi hi xiviri yi ta xika hi le tilweni, hi huwa leyi lerisiweke, hi rito ra ndhuna ya ntsumi, ni mhalamhala ya Xikwembu, kutani lava feleke ka Kriste va ta rhanga va pfuka;

Matewu 13:41

N'wana wa Munhu u ta rhuma tintsumi ta yena, ti ta humesa ehandle ka ku fuma ka yena vakhunguvanyisi hinkwavo, ni lava endlaka leswo biha.

1 Vakorinto 8:8

Kambe swakudya a hi swilo leswi hi nga tsakisaka Xikwembu ha swona; hikuva hambiloko hi dya, a hi engeteriwi nchumu; ni loko hi nga dyi, a hi pfumari nchumu.

Matewu 8:20

Kutani Yesu a ku eka yena: “Timhungubye ti ni micele, ni tinyanyana ta le tilweni ti ni swisaka, kambe N'wana wa Munhu a nga na laha a nga seketelaka nhloko ya yena kona.”

Eklesiasta 3:17

Ndzi ku embilwini ya mina: Xikwembu xi ta avanyisela la lulameke ni lowo biha, hikuva hinkwaswo leswi endliwaka, ni mitirho hinkwayo swi vekeriwe nkarhi wa kona.

Ezekiele 18:20

Moya lowu dyohaka hi wona lowu nga ta fa. N'wana a nga ka a nga rhwali nandzu wa tata wa yena, na yena tata wa munhu a nga ka a nga biwi hikwalaho ka n'wana wa yena. Ku lulama ka lowo lulama ku ta va ehenhla ka yena, kambe ku homboloka ka lowo biha ku ta va ehenhla ka yena.

Yohane 21:22

Yesu a ku eka yena: “Kungakuloko ndzi rhandza leswaku a tshama ndzi kondza ndzi vuya, ku nga va yini eka wena-ke? Wena ndzi landze.”

Yohane 21:23

Hikwalaho, mhaka leyi, yi hangalaka exikarhi ka vamakwavo leswaku mudyondzisiwa yeloyi, a nga ka a nga fi. Kambe Yesu a nga vulanga leswaku a nga ka a nga fi; kambe a a te: “Kungakuloko ndzi rhandza leswaku a tshama ndzi ko ndzi vuya, ku ta va yini eka wena-ke?”

1 Vakorinto 3:13

ntirho wa un'wana ni un'wana wu ta vonaka: hikuva wu ta humesiwa eku vonakaleni esikwini ra Hosi, hikuva wu ta kombisiwa hi ndzilo; kambe ndzilo wu ta ringeta ntirho wa un'wana ni un'wana leswaku wu te yini.

1 Vakorinto 15:23

Kambe un'wana ni un'wana u ta pfuka exiyin'weni xa yena: Xirhangana i Kriste; endzhaku, valavo va nga Vakriste va ta pfuka eku humeleleni ka yena;

Vakolosa 3:25

Kambe la endlaka leswo homboloka, u ta rhwala leswi a swi endleke, hikuva a ku yiwi hi nghohe ya vanhu.

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

1 Yohane 2:28

Kutani sweswi, vana, tshamani eka yena, leswaku siku a humelelaka, hi ta va ni ku tshemba loku tiyeke, hi nga tshuki hi khomiwa hi tingana emahlweni ka yena, eku humeleleni ka yena.