Matewu 15:32 - Xitsonga (Bibele)

³² Kutani Yesu a vitana vadyondzisiwa va yena, a ku eka vona: “Ndzi twela ntshungu lowu vusiwana, hikuva va tshamile na mina masiku manharhu, va nga ri na leswi va swi dyaka; kutani ndza tsandzeka ku va tlherisa va ri ni ndlala, leswaku kumbe va nga karhala endleleni.”

BIBELE Mahungu Lamanene

³² Yesu a vitana vadyondzisiwa va yena, a ku ka vona: “Ndzi twela ntshungu lowu evusiwana, hikuva va xwile masiku manharhu na mina, kutani a va ha ri na swakudya; a ndzi lavi ku va tlherisela emakaya va ri ni ndlala, hikuva va nga wa endleleni.”

Testamente Leyimpsha Xichangana

³² Yesu avitana vajondzisiwa va yena, aku ka vona: “Nitwela xitshungu lexi vusiwana, hikuva xixwile masiku manharhu na mina, kutani axahali na svakuja; anilavi kuxitlhelisela makaya na xili ni ndlala, hikuva xingawa ndleleni.”

Matewu 15:32 Referans Kwoze

Matewu 9:36

Kuteloko a vone mitshungu, a yi twela vusiwana hikuva a va karhele, a va hangalakile va kota tinyimpfu leti nga riki na murisi.

Timhaka 27:33

Kuteloko byi ya ku xeni, Pawulo a va khongotela hinkwavo ku dya swakudya a ku: “Namuntlha i siku ra khume na mune mi tiyisele mi ri karhi mi titsona swakudya, mi nga dyi nchumu.

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

Luka 7:13

Kuteloko Hosi yi n'wi vona, yi n'wi twela vusiwana, yi ku eka yena: “U nga rili.”

Marka 9:22

kutani wu n'wi cukumetele kanyingi endzilweni ni le matini ku n'wi lovisa; kambe loko u swi kota, hi pfune, hi twele vusiwana.”

Matewu 27:63

“Hosi, ha ha anakanya leswaku muxisi yeloyi, loko a ha hanya, u te: ‘Ndzi ta pfuka hi siku ra vunharhu.’

Matewu 20:34

Kavaloko Yesu a va twela vusiwana, a khumba mahlo ya vona; kutani hi nomu wolowo mahlo ya vona ma tlhela ma vona, kutani va n'wi landza.

Matewu 12:40

Hikuva kukotisa loko Yonasi a tshame masiku manharhu, ni vusiku byinharhu ekhwirini ra nhlampfi leyikulu, N'wana wa Munhu, na yena, u ta va emarhumbyini ya misava masiku manharhu ni vusiku byinharhu.

2 TIHOSI 4:42

Ku te munhu la sukeke eBaala-Xalixa, a tisele munhu wa Xikwembu swakudya ni swirhangana, swi ri swinkwa swa makume mambirhi swa barley ni min'oko, enkwameni wa yena. Elixa a ku eka yena: “Nyika vanhu lava, va dya.”

Matewu 14:13

Yesu loko a twile timhaka leti, a suka kwalaho hi byatso, a ya emananga, etlhelweni. Kuteloko ntshungu wu swi twile, wu n'wi landzela kona hi milenge, wu huma emitini.

Matewu 15:33

Vadyondzisiwa va ku eka yena: “Xana laha mananga hi nga swi kuma kwihi swakudya leswi ringanaka ku xurhisa ntshungu lowonghasi xana?”