Matewu 15:10 - Xitsonga (Bibele)

¹⁰ Sweswo Yesu a vitana ntshungu, a ku eka vona: “Yingiselani, mi twisisa:

BIBELE Mahungu Lamanene

¹⁰ Kutani Yesu a vitana ntshungu, a ku ka wona: “Yingisani, mi twisisa.

Testamente Leyimpsha Xichangana

¹⁰ Kutani Yesu avitana xitshungu, aku ka xona: “Yingisani, mitwisisa.

Matewu 15:10 Referans Kwoze

Vakolosa 1:9

Hikwalaho, na hina, mpfhuka hi yingisa sweswo, a hi rhutelangi ku mi khongelela, ni ku mi kombelela leswaku mi tala hi ku tiva ku rhandza ka xona, hi vutlhari hinkwabyo, ni ku anakanya hinkwako ka Moya;

Luka 24:45

Kavaloko a pfula ku twisisa ka vona, leswaku va twisisa Matsalwa.

Vaefesa 1:17

leswaku Xikwembu xa Hosi ya hina, Yesu Kriste, Tata wa ku vonakala, xi mi nyika Moya wa vutlhari ni wa ku hlavutela, eku tiviweni ka xona;

Matewu 24:15

“Kutakuloko mi vona manyala ya ku herisiwa, lama nga vuriwa hi muprofeta Daniele, ma yimile exivandleni lexi hlawuriweke (la hlayaka u fanele ku anakanya);

Matewu 13:19

“Un'wana ni un'wana loko a yingisa rito ra ku fuma, a nga ri twisisi, lowo biha a ta eka yena, a n'wi tekela leswi byariweke embilwini ya yena; hi la byariweke ekusuhi ni ndlela.

Esaya 55:3

Rhiyani tindleve, tanani eka mina, yingisani, kutani mimoya ya n'wina yi ta hanya: ndzi ta endla na n'wina ntwanano lowu nga heriki, ku tiyisa tintswalo ta mina eka Davhida.

Esaya 6:9

Kutani yi ku: “Famba u ya byela tiko leri, u ku: ‘Mi ta yingisa, kambe mi nga ka mi nga twisisi, mi ta vona, kambe mi nga ka mi nga vonisisi.’

1 TIHOSI 22:28

Kutani Mikaya a ku: “Kungakuloko u vuya hi ku rhula, Yehovha a nga vulavulanga ha mina.” A engeta a ku: “N'wina, matiko, yingisani hinkwenu!”

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

Matewu 15:9

Va ndzi khinsamela swahava loko va dyondzisa tidyondzo, leyi nga milawu ya vanhu ntsena.’ ”

Matewu 15:11

Leswi nghenaka enon'wini, a hi swona leswi bihisaka munhu, kambe leswi humaka enon'wini, hi swona leswi bihisaka munhu.”