Matewu 14:20 - Xitsonga (Bibele)

²⁰ Kutani va dya hinkwavo, va xurha; kambe ku tekiwa mahlanhla lama nga sala, ma tata swirhundzu swa khume na swimbirhi.

BIBELE Mahungu Lamanene

²⁰ Hinkwavo va dya va xurha; kutani va rholela mahlanhla lawa ya nga sala, ma tata swirhundzu swa 12.

Testamente Leyimpsha Xichangana

²⁰ Hinkwavu vaja vaxurha; kutani varholela matlhantlha lawa mangasala, matata svirhundzu sva khume ni svimbirhi.

Matewu 14:20 Referans Kwoze

Eksoda 16:12

“Ndzi yingisile ku dzumadzuma ka vana va Israele; u va byela, u ku: ‘Nimadyambu mi ta dya nyama, nimixo mi ta xurha vuswa; mi ta tiva leswaku hi mina Yehovha, Xikwembu xa n'wina.’ ”

Eksoda 16:8

Muxe a engeta a ku: “Kunene Yehovha u ta mi nyika nyama nimadyambu mi dya, nimixo a mi nyika vuswa mi xurha, hikuva u yingisile ku dzumadzuma ka n'wina, hilaha mi n'wi kariheleke hakona. Hikuva hina ho va swini-ke? A mi karihelanga hina, mi karihele Yehovha.”

Luka 9:17

Kutani va dya, va xurha hinkwavo; kutani va rhola mahlanhla lama seleke, swi ri swirhundzu swa khume na swimbirhi.

Luka 1:53

lava nga ni ndlala, u va xurhisile leswo nandziha; lava fuweke, u va tlherisile va pfumala.

Levhitika 26:26

Kutakuloko ndzi mi tekerile vuswa bya n'wina, vasati va khume va ta mi swekela vuswa hi mbita yin'we va mi pimela vuswa bya n'wina hi mpimo; mi ta dya, kambe mi nga ka mi nga xurhi.

Yohane 6:7

Filipi a n'wi hlamula, a ku: “Swinkwa swa tidenari ta madzana mambirhi, swi nga ka swi nga va ringani, leswaku un'wana ni un'wana a amukela lexitsongo.”

Matewu 15:33

Vadyondzisiwa va ku eka yena: “Xana laha mananga hi nga swi kuma kwihi swakudya leswi ringanaka ku xurhisa ntshungu lowonghasi xana?”

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Hagayi 1:6

ma dya, kambe a mi xurhi, ma nwa, kambe a mi kolwi; ma funengela, kambe a mi kufumeli; la tirhelaka hakelo, u yi tirhela ku yi nghenisa exikhwameni lexi boxekeke.

Swivuriso 13:25

Munhu wo lulama u dya a xurha swinene, Loko ma ri makhwiri ya lavo biha, ma twa ndlala.

Matewu 14:21

Kambe lava dyeke a va ri vanhu lava lavaka ku va ntlhanu wa makume ya madzana, vavasati ni vana va nga hlayiwi.