Matewu 11:21 - Xitsonga (Bibele)

²¹ a ku: “U ni khombo wena Korazini, u ni khombo wena Betsayida, hikuva mahlori lama nga endliwa eka rikwenu loko ingi ma endliwile eTiri na le Sidoni, miti yoleyo ingi yi hundzukile khale, yi teka tinguvu leto khwaxa ni nkuma.

BIBELE Mahungu Lamanene

²¹ a ku: “U ni khombo wena Korazini, na wena Betsayida, hikuva mahlori lama nga endliwa exikarhi ka n'wina, loko onge ma endliwile le Tiri ni le Sidoni, ingi miti leyi yi hundzukile khale, yi ambele leswo khwaxa, yi tshamile enkumeni.

Testamente Leyimpsha Xichangana

²¹ aku: U ni khombo wena Korazini, na wena Betisayida, hikuva mahlori lawa mangayendliwa xikarhi ka n'wina, loko amayendliwile le Tiro ni le Sidoni, madoropa lawaya ingi mahundzukile khale, mayambale lesvokhwaxa, matshamile nkumeni.

Matewu 11:21 Referans Kwoze

Timhaka 12:20

Heroda a lava ku lwa ni va Tiri ni Vasidoni; kambe va ta eka yena va twanene; kuteloko va twanene na Blasto, ndhuna leyikulu ya hosi, va kombela ku rhula ka tiko, hikuva tiko ra vona a ri singila etikweni ra hosi.

Yohane 12:21

Kutani va ta eka Filipi wa Betsayida wa Galeliya, va n'wi khongela, va ku: “Hosi, hi rhandza ku vona Yesu.”

Luka 9:10

Kuteloko vaapostola va tlherile, va byela Yesu hinkwaswo leswi va swi endleke, kutani a va teka, a ya hitlhelo emananga, ekusuhi ni muti lowu vuriwaka Betsayida.

Marka 6:45

Kutani Yesu a hatlisa a hluhlurheta vadyondzisiwa va yena leswaku va nghena ebyatsweni, va n'wi rhangela entsungeni, hitlhelo ra Betsayida loko yena a ha ta tlherisa vunyingi.

Matewu 15:21

Yesu a suka kwalaho, a ya etikweni ra Tiri na Sidoni.

Ntirho 42:6

Ndza tisola, ndzi tiba xifuva, Ndzi ri entshurini ni le nkumeni.”

Yuda 1:11

Va ni khombo, hikuva va fambile hi ndlela ya Kayini, kutani va hambukile hi ku tsutsumela hakelo kukotisa Balaama, kutani va tilovisile hi ku kaneta loku kotisaka ka Kora.

Yohane 1:44

Filipi a a ri munhu wa le Betsayida, muti wa va Andriya na Petro.

Luka 6:17

Kuteloko a rhelele na vona entshaveni, a yima erivaleni, kutani vunyingi bya vadyondzisiwa va yena, ni vunyingi lebyikulu bya vanhu lava pfaka etikweni hinkwaro ra Yudiya, na Yerusalema, ni matlhelo ya Tiri na Sidoni, a va tile ku n'wi yingisa ni ku horisiwa emavabyini ya vona;

Marka 8:22

Kutani va fika eBetsayida. Va n'wi tisela lowo fa mahlo, va n'wi khongela leswaku a n'wi khumba.

Marka 7:31

A engeta a suka etikweni ra Tiri na Sidoni, a kongoma elwandle ra Galeliya, a tsemakanya tiko ra Dekapolisi.

Marka 3:8

na Yerusalema, na Idumiya, ni le hase ka Yordani; ni va le tikweni ra Tiri na Sidoni, kuteloko va twile leswikulu leswi a swi endleke va ta eka yena, va tele ngopfu.

Matewu 18:7

“Yi ni khombo misava hikwalaho ka ku khunguvanyisa; hikuva ku khunguvanyisa ku fanele ku va kona kambe u ni khombo munhu loyi ku khunguvanyeka ku humelelaka ha yena.

Matewu 11:22

Hikwalaho ndzi nge eka n'wina: Ku ta vevuka eka Tiri na Sidoni ku tlula eka n'wina esikwini ra ku avanyisa.

Timhaka 27:3

Ni siku leri tlhandlamaka, hi fika eSidoni; kutani Yuliyo a endlela Pawulo swinene, a n'wi pfumelela ku ya vona vanakulobye, ni ku hlayisiwa hi vona.

Luka 4:26

kambe Eliya a nga rhumiwanga eka un'wana loko ku nga ri eka wansati wa noni wa Sarepta, etikweni ra Sidoni.

Marka 7:24

Loko a suka kwalaho, a ya etikweni ra Tiri na Sidoni, kutani a nghena endlwini yin'wana, a nga rhandzi ku tiviwa hi munhu, kambe a tsandzeka ku tifihla;

Matewu 26:24

Loko a ri N'wana wa Munhu, u tifambela hilaha ku tsariweke ehenhla ka yena hakona, kambe u ni khombo munhu yeloyi N'wana wa Munhu a xengiwaka hi yena; ingi swi sasekile loko munhu loyi a nga velekiwanga.”

Yeremiya 13:27

Ndzi vonile vuoswi bya wena, ni ku navela ka wena lokukulu, ni vugangu bya wena lebyi tlurisaka, ni manyala ya wena etintshaveni, ni le switsungeni!

Yuwele 3:4

“Na n'wina Tiri na Sidoni mi ni mhaka yihi na mina? Na wena tiko hinkwaro ra Vafilista? Xana mi ri mi ta tirihisela eka mina? Kumbe mi ta ndzi endla swin'wana xana? Loko mi ku mi ta tirihisela, hi ku hatlisa ndzi ta tlherisela ku rihisa ka n'wina ehenhla ka tinhloko ta n'wina.

Amosi 1:9

Yehovha u ri: “Hikwalaho ka milandzu minharhu, kumbe ya mune ya Tiri ndzi nga ka ndzi nga hundzuki, hikuva va nyiketile Edomu makhumbi layo tala, va nga anakanyi xinakulobye xa vuxaka,

Nhlavutelo 6:12

Kutani ndzi languta loko xi lemula ku tiyisa kantlhanu na kan'we kutani ku tsekatseka lokukulu ka misava ku va kona, dyambu ri va ra ntima kukota nkwama wa voya, kutani n'weti wu fana ni ngati,

Nhlavutelo 11:3

Kutani ndzi ta nyika timbhoni ta mina ha timbirhi ku profeta hi masiku ya khume ra madzana na madzana mambirhi, na ntlhanu wa makume, na khume rin'we 1 260, ti ambele masaka.”