Matewu 11:17 - Xitsonga (Bibele)

¹⁷ ‘Hi mi bele nanga, kambe a mi cinanga; hi mi yimbelele maxangu, kambe a mi rilanga.’

BIBELE Mahungu Lamanene

¹⁷ “ ‘Hi mi chayele nanga, kambe a mi cinanga; hi yimbelerile tinsimu ta mahlomulo, kambe a mi rilanga.’

Testamente Leyimpsha Xichangana

¹⁷ “ ‘Himichayele nanga, kambe amicinanga; hiyimbelelile tinsimu ta mahlomulu, kambe amirilanga.’”

Matewu 11:17 Referans Kwoze

Esaya 30:29

Mi ta yimbelela ku kota loko va ri emikhubyeni va yimbelela nivusiku, kutani timbilu ta n'wina ti ta tsaka hi ku tsaka loku fanaka ni ka lava fambaka va yimba tinanga, loko va ya entshaveni ya Yehovha, eribyeni lero tiya ra Israele.

Matewu 9:15

Yesu a ku eka vona: “Xana tinxangwana ta muteki ti nga rila, loko muteki a ha ri ka tona xana? Kambe wa ta nkarhi lowu muteki a nga ta susiwa eka vona, hi kona va nga ta titsona swakudya.

Yeremiya 31:4

Ndzi ta ku aka, kutani u ta va u akiwile, wena, nhwanyana wa Israele! U ta va u tibombisa hi mirumba ya wena, u ta huma u famba exiyin'weni xa vatsaki.

Matewu 9:23

Yesu, kuteloko a fikile endlwini ya hosanyana, a vona lava ririsaka tinanga, ni vanhu lavo tala va endlaka pongo lerikulu,

1 TIHOSI 1:40

Kutani tiko hinkwaro ri tlhandluka endzhaku ka yena, vanhu a va ri karhi va yimbelela hi swintiringo, va titsakela ngopfu, misava yi ko yi pfuma hi ku huwelela ka vona.

Luka 15:25

“Kambe n'wana wa yena lonkulu a a ri emasin'wini; kuteloko a fikile ekusuhi ni yindlu, a twa ku yimbelela ni ku cina.

Genesa 50:10

Va fika exivuyeni xa Atadi, lexi nga entsungeni wa Yordani, kutani va rila kona hi nhlomulo lowukulu, ni mikosi leyikulu; kutani Yosefa a tshamisela tata wa yena kona enkosini hi masiku ya ntlhanu na mambirhi.

Matewu 11:16

“Kambe rixaka leri, xana ndzi ta ri fanisa na yini? Ri fana ni vana lava tshamiseke entsendzeleni, va byelana ni tintangha ta vona, va ku:

Matewu 11:18

Hikuva Yohane u tile a nga dyi, a nga n'wi, kutani va ku: ‘U ni demona.’

Luka 7:32

Va fana ni swihlangi leswi tshamaka entsendzeleni, swi huwelelana, swi ku: ‘Hi mi yimbele nanga, kambe a mi cinanga; hi mi yimbele mahlomulo, kambe a mi rilanga.’

Luka 8:52

Kambe a va rila hinkwavo, va n'wi rilela; kutani Yesu a ku: “Mi nga rili a nga fangi, u etlele.”

Luka 23:27

Kutani vunyingi lebyikulu bya tiko, ni vavasati lavo tala, a va n'wi landza, va ri karhi va tiba swifuva, va n'wi rila.