Matewu 10:33 - Xitsonga (Bibele)

³³ Kambe un'wana ni un'wana la nga ta ndzi landzula emahlweni ka vanhu, na mina, ndzi ta n'wi landzula emahlweni ka Tatana la nga ematilweni.

BIBELE Mahungu Lamanene

³³ Kambe un'wana ni un'wana la nga ta ndzi landzula emahlweni ka vanhu, na mina ndzi ta n'wi landzula emahlweni ka Tata wa mina la nge matilweni.

Testamente Leyimpsha Xichangana

³³ Kambe mani na mani lweyi angatanilandzula mahlweni ka vanhu, na mina nitamukaneta mahlweni ka Tatana wa mina lweyi anga matilweni.

Matewu 10:33 Referans Kwoze

2 Timotiya 2:12

Loko hi yingisela na yena, na kona hi ta fuma na yena; loko hi n'wi landzula, na yena u ta hi landzula.

Luka 9:26

Hikuva un'wana ni un'wana la khomiwaka hi tingana hikwalaho ka mina ni timhaka ta mina, N'wana wa Munhu u ta khomiwa hi tingana hikwalaho ka yena, siku a taka eku vonakaleni ka yena ni ka Tata wa yena, ni ka tintsumi leto kwetsima.

Luka 12:9

Kambe la ndzi landzulaka emahlweni ka vanhu, u ta landzuriwa emahlweni ka tintsumi ta Xikwembu.

1 Yohane 2:23

Un'wana ni un'wana la landzulaka N'wana, a nga na Tatana, kambe la pfumelaka eka N'wana, u na yena Tatana.

2 Petro 2:1

Na vona vafundhisi va mavunwa a va ri kona etikweni, kukotisa leswi vafundhisi va mavunwa va nga ta va kona exikarhi ka n'wina va nghenisa hitlhelo tidyondzo leti onhaka, kutani hi ku landzula Hosi leyi va kutsuleke, va ta tikokela ehenhla ka vona, ku lota loku nga hlweriki.

Marka 14:30

Yesu a ku eka yena: “Kunene ndzi ri eka wena: Namuntlha, hi byona vusiku byebyi, nkuku wu nga si ringa kambirhi, u ta va u ndzi landzule kanharhu.”

Marka 8:38

Hikuva loyi a nga ni tingana hikwalaho ka mina ni marito ya mina, emahlweni ka rixaka leri ra vaoswi ni ra vadyohi, na yena N'wana wa Munhu u ta khomiwa hi tingana hikwalaho ka yena, siku a taka vuya hi ku kwetsima ka Tata wa yena swin'we ni tintsumi leto kwetsima.”

Marka 14:72

Kutani nkuku wu ringa ra vumbirhi. Petro a tsundzuka rito leri Yesu a n'wi byeleke rona, hilaha a nga te: “Nkuku loko wu nga si ringa kambirhi, u ta va u ndzi landzurile kanharhu.” Kutani a huma ehandle a rila.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Luka 22:57

Kambe yena a n'wi landzula, a ku: “Wansati, a ndzi n'wi tivi!”