Matewu 10:2 - Xitsonga (Bibele)

² Mavito ya vaapostola lava khume na vambirhi hi walawo: lowo rhanga, i Simoni, la thyiweke Petro, na Andriya makwavo; na Yakobo n'wana Zebediya, na Yohane makwavo;

BIBELE Mahungu Lamanene

² Mavito ya vaapostola lava khume na vambirhi hi lawa: Wo sungula i Simoni la vuriwaka Petro, ku landza Andriya makwavo, na Yakobo n'wana Zebediya, na Yohane makwavo;

Testamente Leyimpsha Xichangana

² Mavito ya vapostola lava va khume ni vambirhi hi lawa: Wosungula i Simoni lweyi ativiwaka hi vito ra Petrosi, kulandza Andreya makwavu, na Yakobe n'wana Zebedewu, na Yohani makwavu;

Matewu 10:2 Referans Kwoze

Timhaka 1:13

Kuteloko va nghenile va khandziya endlwini leyi nga ehenhla, laha ku tshameke Petro na Yohane, na Yakobo, na Andriya na Filipi, na Tomasi, na Bartolomi, na Matewu, na Yakobo, n'wana Alfiya, na Simoni Muhiseki, na Yuda, makwavo wa Yakobo.

Matewu 4:21

Kutani a hundzela emahlweni, a vona vavanuna vambirhi van'wana, a a ri Yakobo n'wana Zebediya na Yohane makwavo, va tshamile ebyatsweni na Zebediya tata wa vona, va tlhaviketela tinkoka ta vona, kutani a va vita.

Yohane 12:22

Filipi a ta ya byela Andriya, kutani Andriya na Filipi va ya byela Yesu.

Yohane 6:8

Un'wana wa vadyondzisiwa va yena, Andriya makwa Simoni Petro, a ku eka yena:

Luka 5:10

Kutani Yesu a ku eka Simoni: “U nga chavi, ku sungula sweswi, u ta va muphasi wa vanhu lava hanyaka.”

Matewu 4:18

Kutani Yesu loko a lulama ni lwandle ra Galeliya, a vona vavanuna vambirhi, a a ri Simoni la vuriwaka Petro, na Andriya makwavo, va peta tinkoka ta vona elwandle, hikuva a va ri vaphasi va tinhlampfi.

Luka 11:49

Hikwalaho, vutlhari bya Xikwembu byi vurile, byi ku: ‘Ndzi ta va rhumela vaprofeta ni vaapostola, va ta dlaya van'wana eka vona, va xanisa van'wana,’

Nhlavutelo 1:9

Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

2 Yohane 1:1

Nkulukumba eka Kiria, la hlawuriweke, ni ka vana va yena, lava ndzi va rhandzaka entiyisweni, ndzi nga ri mina ntsena kambe ni hinkwavo lava tivaka ntiyiso,

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

1 Petro 1:1

Petro, muapostola wa Yesu Kriste; Eka lava hlawuriweke, lava hangalakeke, va nga lava luveleke ematikweni ya Ponto, na Galatiya, na Kapadokiya, na Asiya, na Bitiniya,

Vaheveru 3:1

Hikwalaho, vamakwerhu lavo kwetsima, mi nga ni ku vitaniwa ka le tilweni, xiyani swinene la nga muapostola ni muprista lonkulu wa ku pfumela ka hina,

Vaefesa 4:11

Kutani wa ha ri yena la nyikeke van'wana va va vaapostola, van'wana vaprofeta van'wana vavuri va Evhangeli, van'wana varisi ni vadyondzisi,

1 Vakorinto 15:7

Kutani u voniwile hi Yakobo, kutani u voniwile hi vaapostola hinkwavo.

Timhaka 12:2

Kutani a dlaya Yakobo, makwavo wa Yohane, hi ripanga.

Timhaka 3:1

Petro na Yohane a va tlhandlukela kun'we etempeleni hi nkarhi wa xikhongelo; a wu ri wa ntlhanu na mune (nimadyambu).

Timhaka 1:26

Kutani va hlahluva hi nhlolo, kutani nhlolo yi humesa Matiyasi; kutani a hlayiwa exikarhi ka vaapostola lava khume na un'we.

Yohane 21:24

Mudyondzisiwa loyi, hi yena la vulaka vumbhoni bya timhaka leti, kutani u ti tsarile. Kambe ha tiva leswaku vumbhoni bya yena hi lebyinene.

Yohane 21:20

Kuteloko Yesu a vurise sweswo, a ku eka yena: “Ndzi landze!” Petro, kakuloko a rhendzeleka, a vona mudyondzisiwa la rhandziwaka hi Yesu, a ri karhi a va landza; a a ri loyi a nga seketela exifuveni xa yena exilalelweni, a te: “Hosi, i mani la nga ta ku xenga?”

Yohane 21:2

Simoni Petro, na Tomasi la vuriwaka Didima, na Nataniele wa Kana wa Galeliya, ni vana va Zebediya, ni vadyondzisiwa van'wana vambirhi, a va ri swin'we.

Yohane 20:2

Kavaloko a tsutsuma, a ta eka Simoni Petro, ni ka mudyondzisiwa la nga rhandziwa hi Yesu, a ku eka vona: “Va susile Hosi esirheni, kambe a hi tivi laha va n'wi vekeke kona.”

Yohane 13:23

Kambe un'wana wa vadyondzisiwa va yena, loyi Yesu a n'wi rhandzaka, a tiseketele exifuveni xa Yesu.

Luka 22:14

Loko nkarhi wu fikile, a tshama etafuleni swin'we ni vaapostola.

Luka 22:8

a rhuma Petro na Yohane, a ku eka vona: “Yanani, mi hi lunghisela Paseka leswaku hi ta yi dya.”

Luka 9:10

Kuteloko vaapostola va tlherile, va byela Yesu hinkwaswo leswi va swi endleke, kutani a va teka, a ya hitlhelo emananga, ekusuhi ni muti lowu vuriwaka Betsayida.

Marka 13:3

Kuteloko a tshamile Ntshaveni ya Mitlhwari, a langutene ni tempele, Petro na Yakobo, na Yohane, na Andriya, va n'wi vutisa etlhelweni va ku:

Marka 1:29

Enkarhini wolowo, Yesu a huma esinagogeni, a ya na Yakobo na Yohane endlwini ya Simoni na Andriya.

Matewu 26:37

A teka na yena Petro ni vana lavambirhi va Zebediya, kutani a sungula ku khomiwa hi gome ni ku kanakana lokukulu.

Matewu 20:20

Kutani ku ta eka yena mana wa vana va Zebediya, a ri ni vana va yena, a khinsama, a vutisa nchumu eka yena.

Matewu 17:1

Masiku ya ntlhanu na rin'we loko ma hundzile, Yesu a teka Petro, na Yakobo, na Yohane, makwa Yakobo a ya na vona hitlhelo, entshaveni leyo leha.

Nhlavutelo 22:8

Hi mina Yohane loyi a nga vona swilo leswo ni la nga ti twa. Kuteloko ndzi swi yingisile ni ku swi vona, ndzi tiwise ehansi, ndzi khinsama emilengeni ya ntsumi leyi ndzi kombiseke swilo leswo.

Nhlavutelo 1:1

Ku hlavutela ka Yesu Kriste loku a ku nyikiweke hi Xikwembu, a ta tivisa malandza ya yena timhaka leti fanelaka ku humelela sweswi, leti a ti rhumeke hi ntsumi ya yena, a va a ti kombisa Yohane, nandza wa yena,

3 Yohane 1:1

Nkulukumba, eka murhandziwa Gayo, loyi ndzi n'wi rhandzaka entiyisweni.

Nhlavutelo 18:20

Tsakisisani hikwalaho ka wona, wena tilo, na n'wina vakwetsimi, ni vaapostola, ni vaprofeta, hikuva Xikwembu xi wu avanyisile hikwalaho ka n'wina.”

Marka 6:30

Kutani vaapostola va hlengeletana eka Yesu, va n'wi byela hinkwaswo leswi va swi endleke, ni leti va ti dyondziseke.

Yohane 6:67

Kutani Yesu a ku eka lava khume na vambirhi: “Xana na n'wina a mi rhandzi ku tifambela-ke?”

Yohane 6:70

Yesu a va hlamula, a ku: “Xana a hi mina ndzi nga mi hlawula, n'wina va khume na vambirhi? Kasi un'wana wa n'wina i demona.”

Yohane 6:71

A a vula Yudasi Iskariyota, n'wana Simoni, hikuva hi yena loyi a taka n'wi xenga, yena, un'wana wa lava khume na vambirhi.