Matewu 1:25 - Xitsonga (Bibele)

²⁵ Kambe a nga n'wi tivanga loko a nga si veleka n'wana wa wandzisanyana wa mativula, kutani a n'wi thya vito ra Yesu.

BIBELE Mahungu Lamanene

²⁵ Kambe a nga n'wi tivanga ku ko ku velekiwa n'wana wa mufana, kutani a n'wi thya vito ra Yesu.

Testamente Leyimpsha Xichangana

²⁵ Kambe angamutivanga kukondza kuvelekiwa n'wana wa mufana, kutani amuchula vito ra Yesu.

Matewu 1:25 Referans Kwoze

Luka 2:21

Masiku ya ntlhanu na manharhu ya ku yimbisa n'wana loko ma herile, va n'wi thya vito ra Yesu, hilaha ntsumi yi nga n'wi thya hakona, mana wa yena a nga si kuma khwiri.

Luka 2:7

Kutani a veleka n'wana wa yena wa mativula, wa wandzisanyana; a n'wi phutsela hi nguvu, a n'wi lata exidyelweni, hikuva a va nga ri na byetlelo endlwini ya vaendzi.

Matewu 1:21

U ta veleka wandzisanyana, kutani u ta n'wi thya vito ra Yesu (hileswaku Muponisi), hikuva hi yena la nga ta ponisa tiko ra yena eku biheni ka rona.”

Eksoda 22:29

“U nga tshuki u hlwela ku humesa nhlengo wa leswi teleke enguleni, ni wa leswi kamiweke etimbiteni. U ta ndzi nyika mativula ya vana va wena.

Eksoda 13:2

hinkwaswo leswi tivulaka exikarhi ka vana va Israele, hambi va ri vanhu, hambi swi ri swifuwo, i swa mina.”

Varhoma 8:29

Hikuva lava xi titiveleke vona eku sunguleni, hi vona xi nga tihlawulela vona eku sunguleni, leswaku va ta xaxamela ni xifaniso xa N'wana wa xona, leswaku a va yena wa mativula exikarhi ka tindzisana leto tala.

Matewu 1:24

Kutani Yosefa loko a pfuka evurhongweni, a endla hilaha ntsumi ya Hosi yi nga n'wi lerisa hakona, a teka nsati wa yena.

Luka 1:31

U ta tika, kutani u ta veleka n'wana wa wanuna, u ta n'wi thya vito ra Yesu (Muponisi).

2 SAMIELE 6:23

Kutani Mikala, n'wana Sawulo, a nga ha velekanga vana ku fika siku ra ku fa ka yena.

1 TIHOSI 1:4

Wanhwana a a sasekile ngopfu, a hlayisa hosi, a yi tirhela kambe hosi a yi n'wi tivanga.