Matewu 1:22 - Xitsonga (Bibele)

²² Leswo hinkwaswo swi humelele leswaku ku endleka leswi Hosi yi nga swi vula hi muprofeta la nga te:

BIBELE Mahungu Lamanene

²² Sweswo hinkwaswo swi humelele leswaku ku hetiseka leswi Hosi a yi swi vurile hi muprofeta loyi a nga te:

Testamente Leyimpsha Xichangana

²² Lesvi hinkwasvu svihumelelile lesvaku kuhetiseka lesvi Hosi ayisvivulile hi muprofeta lweyi angaku:

Matewu 1:22 Referans Kwoze

Luka 24:44

Kutani a ku eka vona: “Hi tona timhaka leti ndzi nga mi byela tona, loko ndza ha ri na n'wina, ndzi ku: Timhaka hinkwato leti ndzi tsariweke ha tona enawini wa Muxe ni le Vaprofeteni, ni le Tipisalemeni, ti fanele ku hetisiwa.”

Matewu 2:23

Kuteloko a fike kona, a aka emutini lowu vuriwaka Nazareta; leswaku ku endleka leswi nga vula hi vaprofeta, va ku: “U ta vuriwa Munazarene.”

1 TIHOSI 8:15

Kutani a ku: “A ku dzunisiwe Yehovha, Xikwembu xa Israele; la nga vulavula hi nomu wa yena na tatana, Davhida, kutani a hetisa hi voko ra yena rito leri a nga ri vula loko a te:

Timhaka 3:18

kambe Xikwembu xi hetisisile hi mukhuva wolowo timhaka leti xi nga rhanga xi ti vula hi milomu ya vaprofeta va xona hinkwavo, leswaku Kriste wa xona u ta twisiwa ku vaviseka.

1 TIHOSI 8:24

Hikuva u tiyisile eka nandza wa wena, tatana Davhida, rito leri u nga ri vula eka yena; u vurile hi nomu wa wena, kutani hi voko ra wena u hetisile rito ra wena, hilaha swi nga hakona namuntlha.

Yohane 18:9

Hi leswaku ku hetiseka rito leri a nga ri vula, loko a te: “A ndzi lahlanga ni un'we wa lava u ndzi nyikeke vona.”

Matewu 13:35

leswaku ku ta endleka rito ra Muprofeta la nga te: “Ndzi ta ahlamisa nomu wa mina hi swifaniso ndzi xaxameta ni timhaka leti ngi ti fihliwile ka ha ri mpfhuka misava yi vumbiwa.”

Ezra 1:1

Hi lembe ro sungula ra Korexe, hosi ya Peresi, hileswaku ku endlakala rito ra Yehovha leri a ri vuleke hi nomu wa Yeremiya, Yehovha a pfuxa mbilu ya Korexe, hosi ya Peresi, kutani a twarisa hinkwako eku fumeni ka yena hi mukhosi ni matsalwa mhaka leyi nge:

Yohane 17:12

Loko ndza ha ri na vona emisaveni, a ndzi va hlayisa evitweni ra wena. Ndzi hlayisile lava u ndzi nyikeke vona, kutani a ku na un'we la loveke, loko a nga ri n'wana wa ku lova, leswaku Matsalwa ma endleka.

Yohane 15:25

Kambe swi ri leswaku rito leri nga tsariwa enawini wa vona ri endleka, leri nge: ‘Va ndzi vengile ntsena.’

Yohane 10:35

Kungakuloko nawu wu vurile swikwembu lava rito ra Xikwembu ri teleke vona, (kasi Matsalwa ma nga ka ma nga cukumetiwi),

Matewu 13:21

kambe a nga na timitsu endzeni ka yena; wa tiya nkarhinyana ntsena, kutani loko makhombo kumbe ku xanisa swi humelela hikwalaho ka rito, a hatlisa a khunguvanyeka.

Matewu 12:17

hileswaku ku endliwa leswi nga vuriwa hi muprofeta Esaya, loko a te:

Matewu 2:15

a tshama kona, Heroda a kondza a fa, leswaku ku endleka leswi nga vuriwa hi Hosi, hi muprofeta la nga te: “Ndzi vitanile n'wana wa mina a huma eEgipta.”

Matewu 8:17

leswaku ku endleka leswi nga vuriwa hi muprofeta Esaya loko a te: “U titekele mikarhalo ya hina, u tibyarhele ni mavabyi ya hina.”

Matewu 5:17

“Mi nga tshuki mi anakanya leswaku ndzi tile ku herisa nawu, hambi va ri vaprofeta; a ndzi tanga ku ta herisa ndzi tile ku ta hetisisa.

Luka 21:22

Hikuva masiku walawo, i masiku ya ku rihisa, leswaku hinkwaswo leswi tsariweke swi hetiseka.

Nhlavutelo 17:17

Hikuva Xikwembu xi nghenisile etimbilwini ta swona ku endla makungu ya xona hi ku pfumelelana, ni ku nyika xivandzana ku fuma ka vona, ku ko ku hetiseka marito ya Xikwembu.

Varhoma 1:2

leyi Xikwembu a xi yi tshembisile vanhu khale, hi vaprofeta va xona, ematsalweni layo kwetsima,