Marka 8:33 - Xitsonga (Bibele)

³³ Kambe yena a rhendzeleka, a languta vadyondzisiwa va yena, a tshinya Petro, a ku: “Suka eka mina Satana, hikuva a ku twi swa Xikwembu, u twa swa vanhu ntsena.”

BIBELE Mahungu Lamanene

³³ Kambe Yesu a hundzuluka; kuteloko a langutile vadyondzisiwa va yena, a tshinya Petro, a ku: “Suka ka mina Sathana, hikuva a wu ehleketi swa Xikwembu, u ehleketa swa vanhu ntsena.”

Testamente Leyimpsha Xichangana

³³ Kambe Yesu ahundzukula; kuteloko alangutile vajondzisiwa va yena, atshinya Petrosi, aku: “Suka ka mina Sathana, hikuva awuyehleketi sva Xikwembu, uyehleketa sva vanhu ntsena.”

Marka 8:33 Referans Kwoze

Matewu 4:10

Kambe Yesu a ku eka yena: “Suka Satana hikuva ku tsariwile va ku: ‘U ta khinsamela Hosi, Xikwembu xa wena u tirhela xona ntsena.’ ”

1 Yohane 2:15

Mi nga rhandzeni misava, hambi swi ri leswi nga emisaveni; kungakuloko munhu a rhandza misava, rirhandzu ra Tatana a ri kona eka yena.

Vafilipiya 3:19

Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

Nhlavutelo 3:19

Ndzi tshinya ni ku laya hinkwavo lava ndzi va rhandzaka; hikwalaho-ke, u va ni ku chivirika, u tisola.

Pisalema 141:5

La lulameke! Loko a ndzi ba, ti ta va tintswalo; Loko a ndzi laya, ma ta va mafurha enhlokweni ya mina; Nhloko ya mina a yi nga ma ali; Hikuva ndzi ta va ndzi khongela emaxangwini ya vona.

1 Petro 4:1

Leswi Kriste a tweke ku vaviseka enyameni, na n'wina, mi tlhoma ku anakanya kuloko, leswaku loyi a tweke ku vaviseka enyameni, u tshikile ku dyoha,

1 Timotiya 5:20

Lava dyohaka, u va holovela emahlweni ka hinkwavo, van'wana va ta tiva ku chava.

1 Vakorinto 5:5

ndzi avanyisile leswaku munhu yeloyi a nyiketiwa Satana, leswaku ku onhaka nyama ya yena, moya wu ta hanyisiwa hi siku ra Hosi Yesu.

Luka 22:61

Kutani Hosi yi hundzuluka, yi languta Petro; kutani Petro a tsundzuka rito ra Hosi hilaha yi nga n'wi byela hakona, yi ku: “Nkuku wu nga si ringa, u ta va u ndzi landzule kanharhu.”

Marka 3:34

Kavaloko a rhalarhala lava tshameke va n'wi rhendzele, a ku: “Langutani, lava nga vamanana ni vamakwerhu, hi valava;

Marka 3:5

Yena a va rhalarhala hi mahlo hi ku kariha a vavisekile hi ku nonon'hwa ka timbilu ta vona; kambe a ku eka munhu loyi: “Tshambuluta voko ra wena.” A ri tshambuluta, kutani voko ra yena ri hanya.

Matewu 15:23

Kambe Yesu a nga n'wi hlamulanga nchumu. Kutani vadyondzisiwa va yena va n'wi tshinelela, va n'wi khongela va ku: “N'wi tlherise, hikuva u huwelela, a ri karhi a hi landza.”

2 SAMIELE 19:22

Davhida a ku: “Ndzi ni mhaka yihi na n'wina, vana va Seruya, hikuva namuntlha, mi rhandza ku ndzi kaneta. Ku nga ka ku nga dlayiwi munhu namuntlha eIsraeleni! Xana a ndzi tivi leswaku namuntlha ndzi vekiwa hosi ya Israele xana?”

Levhitika 19:17

“ ‘U nga tshuki u venga makwenu embilwini ya wena; u nga tshiki ku tshinya wa rikwenu leswaku u nga tirhwexi nandzu hikwalaho ka yena.

Tito 1:13

Loko a va vula sweswo, u vule swinene. Hikwalaho u va tshinya hi matimba, leswaku va pfumala xisandzu eku pfumeleni ka vona;

Luka 9:55

Kambe Yesu a rhendzeleka, a va laya, a ku: “A mi wu tivi moya lowu mi nga na wona!

Luka 4:8

Yesu a n'wi hlamula, a ku: “Suka eka mina Satana, hikuva ku tsariwile leswaku: ‘U ta khinsamela Hosi, Xikwembu xa wena, u tirhela xona ntsena.’ ”

Ntirho 2:10

Yobo a ku eka yena: “U vulavula kukotisa xihunguki loko xi vulavula. Xana hi ta amukela leswo saseka emavokweni ya Xikwembu, hi nga amukeri swo biha-ke?” Etimhakeni toleto hinkwato Yobo a nga dyohanga hi nomu wa yena.

Matewu 16:23

Yesu a rhendzelekela eka yena, a ku eka Petro: “Suka eka mina Satana, wa ndzi khunguvanyisa, hikuva a ku yingisi swa Xikwembu, u twa swa vanhu ntsena.”