Marka 6:15 - Xitsonga (Bibele)

¹⁵ Van'wana va ku: “I Eliya”; van'wana va ku: “I muprofeta, kumbe un'wana wa vaprofeta.”

BIBELE Mahungu Lamanene

¹⁵ Van'wana a va ku: “I Eliya.” Van'wana a va ku: “I muprofeta la fanaka na un'wana wa vaprofeta va khale.”

Testamente Leyimpsha Xichangana

¹⁵ Van'wana avaku: “I Eliya.” Van'wana avaku: “I muprofeta lweyi afanaka ni mun'we wa vaprofeta va khale.”

Marka 6:15 Referans Kwoze

Matewu 21:11

Kutani mitshungu yi ku: “I muprofeta la humaka eNazareta wa Galeliya.”

Marka 8:28

Va hlamula, va ku: “Van'wana va ri u Yohane Mukhuvuri, van'wana va ri u Eliya, van'wana va ri u un'wana wa vaprofeta.”

Matewu 16:14

Va ku eka yena: “Van'wana va ri: u Yohane Mukhuvuri; van'wana va ri: u Eliya; van'wana va ri: u Yeremiya kumbe un'wana wa vaprofeta.”

Malakiya 4:5

“Vonani, ndzi ta mi rhumela muprofeta Eliya, siku ra Yehovha ri nga si ta, lerikulu, leri chavisaka,

Yohane 9:17

Va tlhela va ku eka loyi ingi a file mahlo: “Wena u ri yini ha yena, leswi a nga ku hanyisa mahlo?” A ku: “I muprofeta.”

Yohane 7:40

Lavo tala exikarhi ka vanhu lava hlengeletaneke, kuteloko va yingisile rito rero, va ku: “Hakunene, loyi i muprofeta.”

Yohane 6:14

Vanhu valavo, kuteloko va vonile mahlori lama endliweke hi Yesu, va ku: “Kunene loyi, i muprofeta la faneleke ku ta emisaveni.”

Yohane 1:25

Va tlhela va n'wi vutisa, va ku: “Loko u nga ri Kriste, u nga ri Eliya, u nga ri muprofeta, u khuvulela yini-ke?” Yohane a va hlamula, a ku:

Yohane 1:21

Kutani va n'wi vutisa, va ku: “U mani-ke? U Eliya xana?” A ku: “A ndzi yena.” “Kumbe u muprofeta xana?” A hlamula, a ku: “E-e.”

Luka 9:19

Va hlamula, va ku: “Van'wana va ri: U Yohane Mukhuvuri; van'wana va ri: U Eliya; kambe van'wana va ri: Un'wana wa vaprofeta va khale u pfukile eku feni.”

Luka 9:8

Van'wana va ku: “Eliya u humelele,” van'wana va ku: “Un'wana wa vaprofeta va khale u pfukile eku feni.”

Luka 7:39

Mufarisi la nga n'wi vita, kakuloko a vona sweswo, a ehleketa embilwini ya yena, a ku: “Munhu loyi, loko ngi a ri muprofeta, ingi a tivile nsati loyi a n'wi khumbaka, leswaku i mani, ni leswaku i munhu wihi, hikuva i xidyohi.”

Luka 7:16

Kutani va khomiwa hinkwavo hi ku chava, va dzunisa Xikwembu, va ku: “Muprofeta lonkulu u humelele exikarhi ka hina, Xikwembu xi endzele tiko ra xona.”

Luka 1:17

kutani u ta n'wi rhangela emahlweni hi moya ni matimba ya Eliya, u ta vuyisela timbilu ta vatatana eka vana va vona, ni vakaneti evutlharini bya lavo lulama, ku lunghisela Hosi tiko leri nga ni mafundza.”

Marka 6:16

Kambe Heroda, loko a swi yingisa, a ku: “I Yohane loyi ndzi n'wi tsemeke nhloko, u pfukile eku feni.”