Marka 3:20 - Xitsonga (Bibele)

²⁰ Kutani va ya endlwini ntshungu wu tlhela wu hlengeletana kona va ko va tsandzeka ni ku dya swakudya.

BIBELE Mahungu Lamanene

²⁰ Loko Yesu a tlhelele emutini, ntshungu wu engeta wu hlengeletana kona, vanhu va ko va tsandzeka ni ku dya swakudya.

Testamente Leyimpsha Xichangana

²⁰ Loko Yesu atlhelele kaya, xitshungu xitlhela xihlengeletana kona, lakakuva yena ni vajondzisiwa va yena vatsandzeka ni kuja svakuja.

Marka 3:20 Referans Kwoze

Marka 6:31

Yena a va byela, a ku: “Tanani n'wina swenu laha ku tengeleleke, mi wisa kutsongo,” hikuva lavo tala a va ha ta, van'wana va tlhela, kutani vaapostola a va nga ri na nkarhi wa ku dya.

Luka 6:17

Kuteloko a rhelele na vona entshaveni, a yima erivaleni, kutani vunyingi bya vadyondzisiwa va yena, ni vunyingi lebyikulu bya vanhu lava pfaka etikweni hinkwaro ra Yudiya, na Yerusalema, ni matlhelo ya Tiri na Sidoni, a va tile ku n'wi yingisa ni ku horisiwa emavabyini ya vona;

Marka 9:28

Kuteloko Yesu a nghenile endlwini, vadyondzisiwa va yena va n'wi vutisa hitlhelo, va ku: “Hina hi tsandzekile ha yini ku hlongola demona leri?”

Marka 7:17

Kuteloko a nghenile endlwini a sukele vunyingi, vadyondzisiwa va yena va n'wi vutisa xifaniso lexi.

Marka 3:9

Kutani a byela vadyondzisiwa va yena leswaku byatso byi ta na yena hikwalaho ka vunyingi, va nga tshuki va n'wi kandziyela.

Marka 3:7

Kambe Yesu a tifambela ni vadyondzisiwa va yena hitlhelo, kusuhi ni lwandle, kutani vunyingi lebyikulu byi n'wi landza, byi hume eGaleliya na Yudiya,

Marka 1:45

Kambe yena loko a sukile, a sungula ku vula timhaka leto tala, a hangalasa leswi endliweke; kutani Yesu a tsandzeka ni ku nghena emutini a nga tiviwi, kambe a titshamela handle emananga, kutani vanhu va huma ematlhelweni hinkwawo, va va ka yena.

Marka 2:1

Kuteloko ku hundzile masiku man'wana, Yesu a vuya a nghena eKapernawume, kutani ku twakala leswaku u kona endlwini.

Marka 3:19

na Yudasi Iskariyota, a nga yena la n'wi xengeke.