Marka 16:19 - Xitsonga (Bibele)

¹⁹ Hosi, kuteloko yi vulavurile na vona, yi tekeriwa etilweni, kutani yi ya tshamisa evokweni ra xinene ra Xikwembu.

BIBELE Mahungu Lamanene

¹⁹ Kuteloko Hosi Yesu a vulavurile na vona, a tlakuriwa a ya etilweni, a ya tshama evokweni ra xinene ra Xikwembu.

Testamente Leyimpsha Xichangana

¹⁹ Kuteloko Hosi Yesu avulavulile na vona, atlakuliwa aya tilweni, ayatshama vokweni ra xinene ra Xikwembu.

Marka 16:19 Referans Kwoze

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Vaheveru 12:2

hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

Varhoma 8:34

Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Timhaka 2:33

Kakuloko a tlakusiwile hi voko ra xinene ra Xikwembu, u amukerile eka Tatana, ku tshembisa ka Moya lowo Kwetsima, kutani u chelerile leswi mi swi vonaka, ni leswi mi swi twaka.

Vaheveru 8:1

Kutani nhloko ya timhaka leti vuriweke hileswaku, hi ni muprista lonkulu lowo tano, la tshamaka evokweni ra xinene ra xiluvelo xa vuhosi le matilweni,

Vakolosa 3:1

Sweswi, loko mi pfukile na Kriste, lavani leswi nga ehenhla, laha Kriste a tshameke kona evokweni ra xinene ra Xikwembu.

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Vaheveru 6:20

laha Yesu a ngheneke hikwalaho ka hina, a ri murhangeri wa hina, a va a vekiwa muprista lonkulu hilaha ku nga heriki, hi mukhuva wa Melkisedeke.

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Yohane 6:62

Swi to yini loko mi ta vona N'wana wa Munhu a tlhandlukela laha ingi a ri kona khale?

Luka 9:51

Kakuloko nkarhi wa ku tlakusiwa ka yena wu lava ku fika, a tiyisa mombo wa yena ku ya Yerusalema.

Vaheveru 9:24

Hikuva Kriste a nga nghenanga evukwetsimelweni lebyi nga endliwa hi mavoko, lexi nga xifaniso xa lebyinene, kambe u nghenile etilweni ra xiviri, ku ya humelela emikarhini leyi emahlweni ka Xikwembu hikwalaho ka hina;

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Vaheveru 4:14

Hikwalaho, leswi hi nga ni muprista lonkulu ngopfu, la tsemakanyeke matilo, a nga Yesu, N'wana wa Xikwembu, a hi tiyiseleni eka lexi hi tivuleke xona.

Timhaka 3:21

loyi tilo ri faneleke ku n'wi amukela, ku ko ku fika nguva ya ku vuyetela swilo hinkwaswo, leyi Xikwembu xi yi vuleke hi milomu ya vaprofeta lavo kwetsima hinkwavo va xona ka ha ri eku sunguleni.

Yohane 21:22

Yesu a ku eka yena: “Kungakuloko ndzi rhandza leswaku a tshama ndzi kondza ndzi vuya, ku nga va yini eka wena-ke? Wena ndzi landze.”

Yohane 21:15

Kuteloko va dyile, Yesu a ku eka Simoni Petro: “Simoni, n'wana Yona, xana wa ndzi rhandza ku tlula va lava xana?” A ku eka yena: “Ina, Hosi; wa tiva leswaku ndza ku rhandza.” Yesu a ku eka yena: “Risa swinyimpfana swa mina.”

Yohane 17:13

Kutani sweswi, ndzi ya eka wena, kambe ndzi vulavula timhaka leti, ndza ha ri emisaveni, leswaku ku tsaka ka mina loku hetisekeke ku va eka vona hi xiviri.

Yohane 16:28

Ndzi humile eka Tatana, kutani ndzi tile emisaveni; sweswi, ndzi tlhela ndzi suka emisaveni ndzi ya eka Tatana.”

Yohane 13:1

Nkhuvo wa Paseka loko wu lave ku va kona, Yesu, hi ku tiva leswaku nkarhi wa yena wu fikile wa ku suka emisaveni, ni ku ya eka Tata wa yena, leswi a nga rhandza vanhu va yena va le misaveni, u va rhandze ni ku yisa eku heteleleni.

Marka 16:20

Loko va ri vona, va suka, va ya dyondzisa hinkwako, Hosi yi ri karhi yi tirha na vona, yi tiyisa rito hi masingita lawa ingi ma heleketa rona.

Luka 22:69

Ku sungula sweswi, N'wana wa Munhu u ta tshama evokweni ra xinene ra matimba ya Xikwembu.”

Timhaka 1:22

ku sungula eku khuvuleni ka Yohane ku ya fika siku leri a tekeriweke etilweni a ri exikarhi ka hina, un'wana wa vona u fanele ku va swin'we na hina mbhoni ya ku pfuka ka yena.”