Marka 15:40 - Xitsonga (Bibele)

⁴⁰ Kambe vavasati a va ri kona, va languta va ri ekule, exikarhi ka vona a ku ri na Mariya wa Magadala, na Mariya, mana wa Yakobo lontsongo na Yose, na Salome.

BIBELE Mahungu Lamanene

⁴⁰ Vavasati na vona a va ri kona, va languta va ri kule; exikarhi ka vona a ku ri na Salome, na Mariya wa Magadala, na Mariya mana wa va Yakobo lontsongo na Yosi;

Testamente Leyimpsha Xichangana

⁴⁰ Vavasati na vona avali kona, valanguta valikule; xikarhi ka vona akuli na Salome, na Mariya wa Magadala, na Mariya mamana wa va Yakobe lwentsongo na Josi;

Marka 15:40 Referans Kwoze

Luka 23:49

Kutani lava tivanaka na yena hinkwavo, ni vavasati lava n'wi landzeke loko a huma eGaleliya, a va yimile ekule, va langutisa swilo leswo.

Marka 16:9

Kambe Yesu, kuteloko a pfukile empundzwini wa siku lero sungula ra vhiki a tikombisa eku sunguleni eka Mariya wa Magadala, loyi a hlongoleke mademona ya ntlhanu na mambirhi eka yena.

Matewu 28:1

Eku heteleleni ka Savata, hi siku ro sungula ra vhiki, loko ri tsuvuka, Mariya wa Magadala, na Mariya lo un'wana va ya languta sirha.

Matewu 27:61

Kutani Mariya wa Magadala a a ri kwalaho na Mariya lo un'wana, va tshamile va langutene ni sirha.

Matewu 13:55

Yeloyi a hi n'wana wa muvatli-ke? A hi ku mana wa yena hi loyi va nge i Mariya; ni vamakwavo, xana a hi Yakobo, na Yosefa, na Simoni, na Yuda-ke?

1 Vakorinto 9:5

Xana a hi lulamelanga ku heleketana ni makwerhu wa xisati la nga nsati wa mina, kukota vaapostola van'wana, ni vamakwavo va Hosi, na Kefasi xana?

Marka 15:47

Kambe Mariya wa Magadala, na Mariya, mana wa Yose, a va languta laha wu vekiwaka kona.

Pisalema 38:11

Vanakulorhi ni maxaka ya mina va yimela ekule ni mbanga ya mina, Vamakwerhu va yima hitlhelo.

Yakobo 1:1

Mina Yakobo, nandza wa Xikwembu ni wa Hosi Yesu Kriste; Eka tinxaka leta khume na timbirhi leti hangalakeke, ndzi ri: Xewani!

Vagalatiya 1:19

A ndzi vonanga wumbe wa vaapostola van'wana, loko a nga ri Yakobo, makwavo wa Hosi.

Matewu 10:3

Filipi na Bartolomi, Tomasi na Matewu muluvisi; Yakobo n'wana Alfiya na Lebiya;

Marka 16:1

Kuteloko Savata ri hundzile Mariya wa Magadala, na Mariya mana wa Yakobo, na Salome va xava mirhi leyi nun'hwelaka ku ya n'wi tota.

Luka 19:3

A a rhandza ku vona Yesu leswaku u lo yini. Kambe a siveriwa hi ntshungu, hikuva a a komile.