Marka 14:65 - Xitsonga (Bibele)

⁶⁵ Kutani van'wana va sungula ku n'wi tshwutela hi marhi, va n'wi funengeta emahlweni, va n'wi phakata marhama, va ku eka yena: “Bvumbha!” Kutani malandza ma n'wi amukela hi tinhonga.

BIBELE Mahungu Lamanene

⁶⁵ Van'wana va sungula ku n'wi tshwutela marha, va n'wi boha mahlo, va n'wi ba hi swibakela, va ku ka yena: “Vhumbha ke!” Malandza na wona ma famba na yena ma ri karhi ma n'wi himetela.

Testamente Leyimpsha Xichangana

⁶⁵ Van'wana vasungula kumupshitela marhi, vamuboha mahlo, vamuba hi svibakela, vaku ka yena: “Vhumbata! I mani lweyi akubeke. Vatirhi na vona vafamba na yena na vali karhi vamuhimetela.”

Marka 14:65 Referans Kwoze

Timhaka 23:2

Kavaloko Ananiya, muprista lonkulu, a lerisa lava yimeke ekusuhi na yena leswaku va n'wi ba enon'wini.

Yohane 19:3

ti ku: “Xewani, Hosi ya Vayuda!” Kambe ti n'wi ba hi swihahati.

Esaya 50:6

ndzi nyiketile nhlana wa mina eka lava nga ndzi ba, ni marhama ya mina eka lava nga ndzi hluvelela malebvu; a ndzi fihlanga mombo wa mina loko va ndzi rhuketela, ni loko va ndzi tshwutela hi marhi emahlweni.

Yohane 18:22

Kuteloko a vurisile sweswo, un'wana wa malandza lama nga yima kwalaho, a ba Yesu hi xihahati, a ku: “Xana u hlamurisa sweswo muprista lonkulu xana?”

Marka 15:19

Kutani va n'wi ba nhloko hi rihlanga, va n'wi tshwutela hi marhi, kutani va wa hi matsolo, va n'wi khinsamela.

Esaya 53:3

A soriwa, a tshikiwa hi vanhu, munhu wa mahlomulo, la tivaka maxangu, la soriweke tanihi xilo lexi yilaka, kutani a hi vulanga nchumu ha yena.

Esaya 52:14

Hilaha va ku tala ingi va tsemeka mihlana loko va ku vona, hikuva mombo wa yena a wu khanyana ku tlula vanhu hinkwavo, a wu khanyana ku tlula un'wana ni un'wana wa vana va vanhu,

Ntirho 30:10

Ndzi manyala eka vona, va ndzi sukela, A va chavi ku ndzi tshwutela marhi emahlweni.

Estere 7:8

Hosi yi vuya hi le ntangeni wa yindlu ya vuhosi, yi vuyela endlwini, laha ingi ku nwiwa vhinyo. Kasi Hamani a tiwisele exilawini lexi Estere a nga eka xona. Hosi yi ku: “Xana hileswaku, u pfukela nkosikazi matimba emahlweni ka mina endlwini ya mina?” Mhaka yoleyo ya ku ya ha huma enon'wini wa hosi, ku funengetiwa nghohe ya Hamani.

Tinhlayo 12:14

Yehovha a ku eka Muxe: “Kungakuloko tata wa yena a n'wi tshwutele hi marhi emahlweni, xana a nga faneli ku va ni tingana hi masiku ya ntlhanu na mambirhi xana? U ta pfaleriwa masiku ya ntlhanu na mambirhi ehandle ka mixaxa, kutani a ta tlhela a amukeriwa kona.”

Vaheveru 12:2

hi ri karhi hi languta eka Yesu, musunguri ni muhetisi wa ku pfumela, la nga tiyela xihambano hikwalaho ka ku tsaka loku a ku vekeriweke, a nga vulanga nchumu hi tingana, kutani u tshamisile exiluvelweni, evokweni ra xinene ra Xikwembu.

Marka 10:34

va n'wi sola, va n'wi ba, va n'wi tshwutela hi marhi, va n'wi dlaya; kambe u ta pfuka hi siku ra vunharhu.”

Mikiya 5:1

Sweswi, tilunghise, Siyoni wa mavandla! Hi ta rhendzeriwa hi valala; va n'wi ba hi xigombo erhameni, yena muavanyisi wa Israele!

2 TIKRONIKA 18:23

Kavaloko Sedekiyasi, n'wana Kenana, a tshinelela Mikaya, a n'wi phakata rhama, a ku: “Xana moya wa Yehovha wu humise ku yini eka mina ku vulavula ha wena-ke?”

Matewu 27:30

Va n'wi tshwutela hi marhi, va teka rihlanga, va n'wi ba nhloko ha rona.