Marka 14:61 - Xitsonga (Bibele)

⁶¹ Kambe a miyela, a nga hlamuli nchumu. Muprista lonkulu a engeta a n'wi vutisa, a ku eka yena: “Xana hi wena Kriste, N'wana wa Xikwembu lexi vongiwaka xana?”

BIBELE Mahungu Lamanene

⁶¹ Kambe Yesu a miyela, a nga hlamuli nchumu. Muprista lonkulu a engeta a n'wi vutisa, a ku: “Xana hi wena Mesiya, N'wana wa Xikwembu lexi dzunekaka ke?”

Testamente Leyimpsha Xichangana

⁶¹ Kambe Yesu amiyela, angahlamuli nchumu. Muprista lwenkulu atlhela amuvutisa, aku: “Xana hi wena Kriste, N'wana wa Xikwembu lexidzunekaka ke?”

Marka 14:61 Referans Kwoze

Marka 15:2

Yena Pilato a n'wi vutisa, a ku: “Xana u hosi ya Vayuda xana?” A hlamula, a ku eka yena: “U vula swona.”

Esaya 53:7

Va n'wi xanisa, va n'wi tsongahata, a nga pfuli nomu. Kukota xinyimpfana lexi yisiwaka eku tlhaviweni, ni nyimpfu leyi miyelaka emahlweni ka lava yi tsemelaka voya a nga pfulanga nomu.

Yohane 19:7

Vayuda va n'wi hlamula va ku: “Hi ni nawu, kutani hi nawu wa hina u fanele hi ku fa, hikuva u tiendle N'wana wa Xikwembu”.

1 Petro 2:23

ni loko a rhukaniwa, a nga tlhelangiki a rhukana, hambi a twisiwa ku vaviseka, a nga xungetangiki, kambe a tinyiketa la avanyisaka hi ku lulama;

Yohane 10:36

xana n'wina mi ndzi byela ha yini, mi ku: ‘Wa sandza,’ loko ndzi te: ‘Ndzi N'wana wa Xikwembu’? Kasi hi mina loyi Tatana a nga n'wi hlawula ni ku n'wi rhuma emisaveni.

Yohane 1:34

Kutani ndzi swi vonile, kambe ndzi vurile vumbhoni bya mina leswaku loyi i N'wana wa Xikwembu.”

Matewu 16:16

Kutani Simoni Petro a angula, a ku: “U Kriste, N'wana wa Xikwembu lexi hanyaka.”

Matewu 8:29

Kutani va sungula ku huwelela, va ku: “Hi ni mhaka yihi na wena, Yesu, N'wana wa Xikwembu? Xana u te laha ku hi xanisa, wu nga si va nkarhi wa kona-ke?”

Matewu 3:17

Kutani ku twakala rito leri humaka ematilweni, ri ku: “Loyi, i n'wana wa mina, loyi ndzi n'wi rhandzaka, loyi ndzi n'wi tsakelaka.”

Pisalema 119:12

A ku dzunisiwe wena, Yehovha! Ndzi dyondzise timfanelo ta wena!

Pisalema 39:9

Ndzi miyerile, ndzi nga ahlamisi nomu, Hikuva hi wena la tirhaka.

Pisalema 2:7

Ndzi ta twarisa makungu: Yehovha u te eka mina: “U n'wananga; Ndzi ku velekile namuntlha.

1 Timotiya 6:15

leri nga ta kombisiwa enkarhini wa kona hi loyi a katekeke, la nga ni matimba a ri swakwe, mufumi wa vafumi, ni Hosi ya tihosi;

1 Timotiya 1:11

yi nga Evhangeli ya ku twala ka Xikwembu lexi katekeke, leyi ndzi yi lerisiweke.

Timhaka 8:32

Ndzimana ya buku leyi ingi a yi hlaya hi leyi: “U yisiwile ku tlhaviweni kukota nyimpfu, kambe a ri tanihi xinyimpfana xa mbheveve emahlweni ka la xi tsemelaka voya, kutani a xi ahlamisinga nomu wa xona.

Yohane 19:9

Kutani a tlhela a nghena ehubyeni, a ku eka Yesu: “U wa kwihi xana?” Kambe Yesu a nga n'wi hlamulanga.

Yohane 18:37

Kambe Pilato a ku eka yena: “Xana kunene u hosi-ke?” Yesu a n'wi hlamula, a ku: “Wa vurisa, ndzi Hosi; ndzi tswaleriwe byona vuhosi, kutani ndzi tele byona emisaveni, ndzi ta va mbhoni ya ntiyiso. Un'wana ni un'wana la nga wa ntiyiso, u yingisa rito ra mina.”

Yohane 10:24

Kavaloko Vayuda va n'wi rhendzela, va ku eka yena: “U ta tshika rini ku hi kanakanisa timbilu xana? Loko u ri Kriste, hi byele erivaleni.”

Marka 14:60

Kutani muprista lonkulu a yima exikarhi ka vona, a vutisa Yesu, a ku: “Xana a ku hlamuri nchumu-ke? Hi yihi mhaka leyi va ku hehlaka ha yona, xana?”