Marka 14:24 - Xitsonga (Bibele)

²⁴ A ku eka vona: “Leyi i ngati yanga ya ntwanano lowuntshwa, leyi halateriwaka lavo tala.

BIBELE Mahungu Lamanene

²⁴ A ku ka vona: “Leswi i ngati ya mina, ngati ya ntwanano, leyi halateriwaka lavo tala.

Testamente Leyimpsha Xichangana

²⁴ Aku ka vona: Lesvi i ngati ya mina, ngati ya ntwananu, leyihalateliwaka lavotala.

Marka 14:24 Referans Kwoze

Eksoda 24:8

Kavaloko Muxe a teka ngati, a xuva tiko ha yona, a ku: “Hi yona ngati ya ntwanano lowu Yehovha a wu endleke na n'wina hi marito lawa hinkwawo.”

Zakariya 9:11

Loko u ri wena, hikwalaho ka ngati ya ntwanano wa wena, ndzi ta tshunxa vakhomiwa va wena ekheleni leri nga riki na mati.

1 Vakorinto 11:25

Hi mukhuva wolowo, a teka xinwelo, loko va lalerile, a ku: “Xinwelo lexi, i ntwanano lowuntshwa engatini ya mina; endlisani sweswo hi masiku hinkwawo loko mi nwa; mi ta ndzi anakanya ha swona.”

1 Vakorinto 10:16

Xinwelo xa ku kateka lexi hi xi khensaka, xana a hi ku hlangana ni ngati ya Kriste xana? Ni xinkwa lexi hi xi phemaka, xana a hi ku hlangana ni miri wa Kriste xana?

Yohane 6:53

Yesu a ku eka vona: “Ndzi vurisile ndzi ri eka n'wina: Loko mi nga dyi nyama ya N'wana wa Munhu, ni loko mi nga nwi ngati ya yena, a ku na vutomi eka n'wina.

Marka 10:45

hikuva, na yena N'wana wa Munhu, a nga telanga ku tirheriwa, kambe ku tirhela, ni ku nyiketa vutomi bya yena ku kutsula lavo tala.”

Yeremiya 31:31

“Vonani, ku vula Yehovha, ma ta ta masiku lawa ndzi nga ta endla ha wona ntwanano lowuntshwa ni yindlu ya Israele ni yindlu ya Yuda.

Marka 14:23

Kutani a teka xinwelo, a khensa a va nyika xona; va nwela eka xona hinkwavo.

Marka 14:25

Ndzi tiyisile, ndzi ri eka n'wina: A ndzi nga ha tshami ndzi nwa leswi velekiwaka hi vhinya, ku ko ku fika siku leri ndzi nga ta swi nwa swi ri swintshwa eku fumeni ka Xikwembu.”

Luka 22:20

A endlisa sweswo ni xinwelo, loko va lalele, a ku: “Xinwelo lexi, i ntwanano lowuntshwa engatini ya mina, leyi halateriwaka n'wina.