Marka 14:21 - Xitsonga (Bibele)

²¹ Loko a ri N'wana wa Munhu, u tifambela hilaha ku tsariweke hakona ehenhla ka yena; kambe u ni khombo munhu loyi N'wana wa munhu a xengiwaka hi yena! A swi ta va swinene eka munhu yeloyi loko a nga velekiwanga.”

BIBELE Mahungu Lamanene

²¹ Loko a ri N'wana-wa-Munhu, ú ta tifambela hilaha ku tsariweke hakona ehenhla ka yena; kambe ú ni khombo munhu loyi N'wana-wa-Munhu a xengiwaka ha yena! A swi ta antswa eka munhu loyi loko onge a nga velekiwanga.”

Testamente Leyimpsha Xichangana

²¹ Loko ali N'wana-wa-Munhu, atatifambela hilaha kutsaliweke hakona mayelanu na yena; kambe a ni khombo munhu lweyi N'wana-wa-Munhu axengiwaka ha yena! Asvitayampsa ka munhu yelweyo loko angapsaliwanga.”

Marka 14:21 Referans Kwoze

Yohane 19:28

Endzhaku ka sweswo, Yesu, hi ku tiva leswaku timhaka hinkwato ti hetisekile, a ku: “Ndzi ni torha”; swi ri leswaku Tsalwa ri hetiseka.

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

Timhaka 4:27

Hikuva kunene Heroda na Pontiyo Pilato, ni vamatiko, ni tinxaka ta Israele va hlangene kun'we emutini lowo, ku lwa na Yesu, nandza wa wena la hlawuriweke, loyi u nga n'wi tota,

Timhaka 2:23

yeloyi-ke, u nyiketiwile hi makungu lama tiyeke ya Xikwembu ni ku titivela ka xona ka khale; kutani mi n'wi dlayile hi ku n'wi vamba hi mavoko ya swidyohi;

Timhaka 1:25

leswaku a teka vutshamo bya ntirho lowu ni vuapostola lebyi Yudasi a byi tshikeke ku ya exivandleni xa yena.”

Matewu 26:56

Kambe leswo hinkwaswo swi humelele leswaku Matsalwa ya vaprofeta ma hetiseka.” Kwalaho vadyondzisiwa hinkwavo va n'wi siya, va tsutsuma, va chava.

Matewu 26:54

Kambe Matsalwa ma ta endlakarisa ku yini, lama vulaka leswaku swi fanekele ku humelela sweswo.”

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Daniele 9:26

Endzhaku ka mavhiki lawa ya 62 Mesiya u ta susiwa a nga yimeriwi hi munhu. Kutani tiko ra hosi leyi nga ta ta, ri ta onha muti ni xikwetsimisiso, ku onhiwa ka xona ku ta fana ni ku dyiwa hi mati, kutani ku lerisiwile leswaku ku onhetela ku ta va kona ku fika eku heleni ka tinyimpi.

Esaya 52:14

Hilaha va ku tala ingi va tsemeka mihlana loko va ku vona, hikuva mombo wa yena a wu khanyana ku tlula vanhu hinkwavo, a wu khanyana ku tlula un'wana ni un'wana wa vana va vanhu,

Pisalema 55:15

Rifu a ri va khome hi xipuku, A va ngirimele exivandleni xa vafi va ha hanya! Hikuva ku homboloka ku le tindlwini ta vona, ni le xikarhi ka vona.

Luka 24:44

Kutani a ku eka vona: “Hi tona timhaka leti ndzi nga mi byela tona, loko ndza ha ri na n'wina, ndzi ku: Timhaka hinkwato leti ndzi tsariweke ha tona enawini wa Muxe ni le Vaprofeteni, ni le Tipisalemeni, ti fanele ku hetisiwa.”

Luka 22:22

Loko a ri N'wana wa Munhu, u ta tifambela hilaha swi nga vuriwa hakona, kambe u ni khombo munhu loyi a n'wi xengaka.”

Marka 14:49

A ndzi ri karhi ndzi tshama na n'wina hi masiku hinkwawo, ndzi dyondzisa etempeleni, kambe a mi ndzi khomanga, kambe hi leswaku Matsalwa ma hetiseka.”

Marka 14:20

A hlamula, a ku eka vona: “Hi un'wana wa lava khume na vambirhi la covelaka na mina enkambeni.

Marka 14:22

Kakuloko va ha dya, Yesu a teka xinkwa, kuteloko a khensile a xi phema a va nyika, a ku: “Tekani mi dya; lowu i miri wanga.”