Marka 14:1 - Xitsonga (Bibele)

¹ Masiku a ma ha ta va mambirhi ku ta va nkhuvo wa Paseka ni wa swinkwa leswi nga riki na comela; kambe vaprista lavakulu ni vatsari a va lava hilaha va nga ta n'wi khoma hakona hi vutlhari, va ta n'wi dlaya.

BIBELE Mahungu Lamanene

¹ A ka ha lo sala masiku mambirhi, ku nga si va ni nkhuvo wa Paseka ni wa Xinkwa lexo-ke-comela; kutani vaprista lavakulu ni vatsari a va lava ndlela yo n'wi khoma ha yona hi vutlhari leswaku va ta n'wi dlaya.

Testamente Leyimpsha Xichangana

¹ Akuyosala masiku mambirhi, kungasifika nkhuvu wa Paska ni wa xinkwa xokala comela; kutani Vaprista lavakulu ni Vatsali avalava ndlela yokhoma Yesu ha yona hi vutlhari lesvaku vatamudlaya.

Marka 14:1 Referans Kwoze

Yohane 13:1

Nkhuvo wa Paseka loko wu lave ku va kona, Yesu, hi ku tiva leswaku nkarhi wa yena wu fikile wa ku suka emisaveni, ni ku ya eka Tata wa yena, leswi a nga rhandza vanhu va yena va le misaveni, u va rhandze ni ku yisa eku heteleleni.

Yohane 11:47

Kutani vaprista lavakulu ni Vafarisi va hlengeleta huvo, va ku: “Hi ta endla yini leswi munhu loyi a endlaka masingita layo tala?

Matewu 12:14

Kutani Vafarisi loko va humile va ya kanela makungu ku tiva hilaha va nga n'wi dlayaka hakona.

Matewu 6:2

Hikwalaho, loko u nyika swisiwana, u nga tshuki u yimba nanga emahlweni ka wena, u kotisa leswi vamandzendze va swi endlaka emasinagogeni, ni le mitsendzeleni, leswaku va ta dzunisiwa hi vanhu. Kunene ndza mi byela leswaku va kumile hakelo ya vona.

Pisalema 62:9

Vana va vanhu i swahava ntsena; Vana va vakulukumba i mavunwa ntsena; Loko ngi va vekiwa exikalweni, a va ta vevuka ntsena; Hinkwavo i swahava ntsena.

Pisalema 62:4

Va endla makungu ku n'wi wisa ehansi a ri eku tlakukeni ka yena; Va titsakela hi mavunwa; Va vonga hi milomu ya vona, Kasi va rhuketela etimbilwini ta vona.

Pisalema 52:3

U rhandza leswo biha ku tlula leswinene, Ni mavunwa ku tlula rito lero lulama.

Genesa 37:18

Kuteloko va n'wi vona a ha ri ekule a nga si va ekusuhi, va n'wi kanelela ku n'wi dlaya.

Eksoda 12:1

Yehovha a vulavula na Muxe na Aroni etikweni ra Egipta, a ku:

Marka 14:2

Kambe a va ku: “Ku nga vi esikwini ra nkhuvo, kumbe dzolonga ri nga tshuka ri humelela exikarhi ka tiko.”

Marka 14:12

Hi siku leri sungulaka nkhuvo wa swinkwa leswo kala comela, ri nga leri ku tlhaviwaka Paseka ha rona, vadyondzisiwa va ku eka yena: “U rhandza leswaku hi ya ku lunghisela kwihi Paseka, laha u nga yi dyelaka kona?”

Timhaka 12:4

Loko a n'wi khomile, a n'wi nghenisa ekhotsweni, kutani a n'wi nyiketa mitlawa ya mune, ntlawa wun'wana ni wun'wana a wu ri wa mune wa masocha leswaku yi n'wi rindza; a navela ku n'wi humesa emahlweni ka tiko loko Paseka yi hundzile.

Levhitika 2:6

U ta swi fayetela, u swi cheleta hi mafurha: i nyiko.