Marka 13:17 - Xitsonga (Bibele)

¹⁷ Ku ta va ni khombo eka vavasati lava tikeke, ni lava an'wisaka emikarhini yoleyo.

BIBELE Mahungu Lamanene

¹⁷ Va ta va ni khombo vavasati lava tikeke ni lava mamisaka eminkarhini yoleyo.

Testamente Leyimpsha Xichangana

¹⁷ Vatava ni khombo vavasati lavatikeke ni lavanyan'wisaka minkarhini yoleyo.

Marka 13:17 Referans Kwoze

Luka 23:29

Hikuva vonani, masiku ma ta, lawa va nga ta ku: ‘Ku katekile timhika, ni makhwiri lama nga velekangiki, ni mavele lama nga an'wisangiki.’

Swirilo 4:10

Mavoko ya vavasati, hambi ma ri ya lavo olova Ma swekile vana va vona, Va vile swakudya swa vona Eku onhakeni ka nhwanyana wa tiko ra mina.

Luka 21:23

Va ta va ni khombo lava nga ta va ni nyimba, ni lava an'wisaka emikarhini yoleyo, hikuva khombo ri ta va lerikulu emisaveni, ni ku kariha ku ta wela tiko leri.

Hosiya 13:16

Samariya u ta tshinyiwa hikuva u tiarisile eka Xikwembu xa yena. Va ta dlawa hi fumu; tirisana ta vona ti ta fayiwa, ni vasati va vona lava tikeke va ta handzuriwa.

Hosiya 9:14

Va nyike, Yehovha! ... U ta va nyika yini? ... U va nyika tinyimba leti humaka ni mavele lama omeleleke!

Matewu 21:16

va ku eka yena: “Xana wa swi twa leswi va swi vulaka xana?” Yesu a ku eka vona: “Ina, xana a mi si hlaya timhaka leti nge: ‘Ku dzuniwa ka wena, u ku humesile ka milomu ya vana, ni ya lava an'waka’?”

Marka 13:16

ni la nga emasin'wini, a nga ha tlheleri ekaya ku ya teka nguvu ya yena.

Marka 13:18

Kambe khongelani leswaku ku baleka ka n'wina ku nga humeleri nivuxika.