Marka 12:33 - Xitsonga (Bibele)

³³ kutani ku xi rhandza hi mbilu hinkwayo, ni ku anakanya hinkwako, ni moya hinkwawo, ni matimba hinkwawo, ni ku rhandza warikwavo tanihi loko munhu a tirhandza, swi tlula magandzelo hinkwawo.”

BIBELE Mahungu Lamanene

³³ Loko ku ri ‘ku rhandza Hosi Xikwembu hi mbilu hinkwayo, ni ku anakanya hinkwako, ni matimba hinkwawo’, swin'we ni ‘ku rhandza munhu-kulobye, tanihi loko munhu a tirhandza’, swi tlula magandzelo hinkwawo lama hisiwaka ni timhamba hinkwato.”

Testamente Leyimpsha Xichangana

³³ Loko kuli ‘kurhandza Hosi Xikwembu hi mbilu hinkwayu, ni kuyanakanya hinkwaku, ni matimba hinkwawu’, svin'we ni ‘kurhandza munhukuloni, kufana ni loko munhu atirhandza’, svitlula timhamba hinkwatu leti tihisiwaka ni mimphahlo hinkwayu.”

Marka 12:33 Referans Kwoze

Hosiya 6:6

Hikuva ndzi rhandza tintswalo, ku nga ri magandzelo, ni ku tiviwa ka Xikwembu ku tlurisa tiholokosta.

1 SAMIELE 15:22

Samiele a ku: “Xana Yehovha u tsakisiwa hi tiholokosta ni magandzelo ku fana ni loko va yingisa rito ra Yehovha xana? Waswivo! Ku yingisa ku tlula magandzelo; ku hlayisa rito ra yena, ku tlula mafurha ya tinyimpfu.

Matewu 12:7

Loko ngi mi tiva rito leri nge te: ‘Ndzi rhandza tintswalo ma nga ri magandzelo,’ ingi mi nga kanetanga lava nga riki na nandzu,

Matewu 9:13

Kambe yanani mi ya dyondza rito leri nge: ‘Ndzi rhandza tintswalo, ma nga ri magandzelo!’ Hikuva a ndzi telanga ku vitina lava lulameke eku tshikeni, kambe vadyohi.”

Pisalema 50:23

La humesaka ku vonga ri va gandzelo, wa ndzi dzunisa, Ni loyi a lulamisaka ndlela ya yena, Ndzi ta n'wi kombisa ku hlayiseka ka Xikwembu.”

Vaheveru 10:8

Leswi a nga te eku sunguleni leswaku: “Loko ma ri magandzelo hambi yi ri mihlengo, ni magandzelo lama hisiwaka, ni magandzelo lama humesiwaka hikwalaho ka vudyoho, a ku ma rhandzanga ni ku ma tsakela”; kasi hi swona leswi humesiwaka hi nawu;

Swivuriso 21:3

Ku endla leswinene ni leswo lulama, Swi tsakisa Yehovha ku tlula magandzelo.

Duteronoma 6:5

“U ta rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, ni matimba hinkwawo ya wena.