Marka 11:20 - Xitsonga (Bibele)

²⁰ Ni mixo, loko va hundza, va vona murhi wa nkuwa wu omile hinkwawo, ku sungula hi timitsu.

BIBELE Mahungu Lamanene

²⁰ Nimixo loko va hundza kwalaho, va vona nkuwa wolowo wu omile ku sukela etimitswini.

Testamente Leyimpsha Xichangana

²⁰ Nimixo loko vahundza hi kolaho, vavona nkuwa wolowo wuwomile kusukela timintsweni.

Marka 11:20 Referans Kwoze

Matewu 15:13

Kambe a hlamula, a ku eka vona: “Ximudyana xin'wana ni xin'wana lexi nga simekiwiki hi Tatana wa le tilweni, xi ta tsuvuriwa.

Yohane 15:6

Kungakuloko munhu a nga tshami eka mina, u ta cukumetiwa ehandle kukotisa rhavi; kutani marhavi lama omeke, ma rholeriwa ma cukumetiwa endzilweni, ma tshwa.

Marka 11:14

Kutani Yesu a ku eka wona: “Ku sungula sweswi, a ku nga ha vi na munhu la nga ta dya mihandzu ya wena hi laha ku nga heriki!” Vadyondzisiwa va yena a va ri karhi va swi twa.

Matewu 13:6

Kutani dyambu loko ri tlhava, ti vuna, ti tshwa hi ku pfumala timitsu.

Esaya 40:24

Va nga si simekiwa ni ku byariwa, nsinya wa vona wu nga si va ni timitsu emisaveni wa huhuta ehenhla ka vona, kutani va vuna, kutani xihuhuri xi va vutla tanihi mungu.

Yuda 1:12

Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.

Vaheveru 6:8

kambe loko yi ri leyi humesaka mitwa ni mahlwehlwe, yi tshinyiwa, yi va yi ri ekusuhi ni ku rhukaniwa, kutani yi ta hela hi ku tshwa.

Esaya 5:4

Lexi nga fanela ku endliwa, lexi ndzi nga xi endlangiki i yini? Leswi ndzi languteleke leswaku yi ta veka mihandzu leyo nandziha, i yini leswi yi vekeke leyo bava xana?

Matewu 21:18

Ni mixo, loko a vuyela emutini a twa ndlala,

Marka 11:12

Nimpundzu, loko va huma eBetaniya, a twa ndlala.

Ntirho 8:17

Timitsu ta wona ti phaphama emaribyeni, Ti nghena ni le xikarhi ka maribye ya yindlu.