Marka 11:13 - Xitsonga (Bibele)

¹³ Kutani a vona, a ri kule, murhi wa nkuwa lowu nga ni matluka; a hambuka a kamba kumbe a nga kuma nchumu eka wona; kambe loko a fika eka wona, a nga kumanga nchumu, loko ma nga ri matluka ntsena, hikuva a wu nga ri nkarhi wa makuwa.

BIBELE Mahungu Lamanene

¹³ Kutani a vona nkuwa lowu nga ni matluka a ha ri kulenyana; a hambuka ku ya kamba loko kumbexana a nga kuma xa nchumu eka wona, kambe loko a fika kona, a nga kumanga nchumu, loko ma nga ri matluka ntsena, hikuva a wu nga ri nkarhi wa makuwa.

Testamente Leyimpsha Xichangana

¹³ Kutani avona nkuwa lowunga ni matluka na ahali kulenyana; ahambuka kuyakamba kumbexana angakuma xanchumu ka wona, kambe loko afika kona, angakumanga nchumu, loko mangali matluka ntsena, hikuva awungali nkarhi wa makuwa.

Marka 11:13 Referans Kwoze

Matewu 21:19

kutani a vona murhi wa nkuwa wu ri kusuhi ni ndlela; a ya eka wona, kambe a nga kumangi nchumu eka wona loko ma nga ri matluka ntsena; a ku eka wona: “Ku nga tshuki ku huma mihandzu eka wena hilaha ku nga heriki!” Kutani murhi wa nkuwa wu oma hi nomu wolowo.

Esaya 5:7

Hikuva vhinya ya Yehovha wa tinyimpi i yindlu ya Israele, kutani vavanuna va Yuda i swimudyana leswi ngi a tsakeke ha swona; a tshembile ku lulama, kasi i ku halatiwa ka ngati; a tshembile ku tenga, kasi i ku vovola.

Luka 10:31

Muprista a humelela, a rhelela hi ndlela yoleyo; kuteloko a n'wi vonile, a papalata.

1 SAMIELE 6:9

Mi ta yi languta; kutani kungakuloko yi tlhandluka endleleni ya ndzilakana wa yona, tlhelo ra Beta-Xemexe, i Yehovha la hi tiseleke khombo lerikulu leri; loko swi nga ri tano, hi ta tiva leswaku voko ra yena a ri hi khumbanga, kambe swi hi humelele ntsena.”

Rhuti 2:3

Kutani a famba, a nghena ensin'wini, a nkun'hula endzhaku ka lava tshovelaka. Kutani a kongomisa ensin'wini ya Bowazi a nga xaka ra Elimeleke.

Esaya 5:2

Kutani a yi rima, a susa maribye, a simekela vhinya leyi hlawuriweke, a aka tshala exikarhi ka yona, kutani a cela kona xikhuvuto; kutani a tshembile leswaku yi ta veka mihandzu leyo nandziha, kasi yi vekile leyo bava.

Marka 11:12

Nimpundzu, loko va huma eBetaniya, a twa ndlala.

Marka 11:14

Kutani Yesu a ku eka wona: “Ku sungula sweswi, a ku nga ha vi na munhu la nga ta dya mihandzu ya wena hi laha ku nga heriki!” Vadyondzisiwa va yena a va ri karhi va swi twa.