Marka 10:1 - Xitsonga (Bibele)

¹ Yesu, kuteloko a sukile kwalaho, a ya etikweni ra Yudiya, entsungeni wa Yordani. Vunyingi byi vuya, byi hlengeletana eka yena, kutani a engeta a va dyondzisa, hilaha ingi a toloverile hakona.

BIBELE Mahungu Lamanene

¹ Loko Yesu a sukile kwalaho, a ya etikweni ra Yudiya ni le ntsungeni wa Yordani. Mintshungu yi tlhela yi ta yi ta hlengeletana eka yena; kutani a engeta a va dyondzisa, hilaha a a tolovele ku endla hakona.

Testamente Leyimpsha Xichangana

¹ Loko Yesu asukile kolaho, aya tikweni ra Yudeya ka tlhelo rin'wana ra Yordani. Xitshungu xitlhela xitahlengeletana ka yena; kutani ayamahlweni axijondzisa, hilaha aatolovela kuyendla hakona.

Marka 10:1 Referans Kwoze

Yohane 10:40

Kutani a tlhela a ya entsungeni wa Yordani, laha Yohane a tshamaka a khuvulela kona eku sunguleni; a xwa kona.

Marka 4:2

Kutani a va dyondzisa timhaka leto tala hi swifaniso, eku dyondziseni ka yena a va byela, a ku:

Yohane 11:7

Kutani ndzhaku ka swona, a ku eka vadyondzisiwa va yena: “A hi tlheleni hi ya eYudiya.”

Marka 6:34

Kuteloko Yesu a huma ebyatsweni, a vona vunyingi lebyikulu, a va twela vusiwana, hikuva a va fana ni tinyimpfu leti nga riki na murisi; kutani a sungula ku va dyondzisa timhaka leto tala.

Matewu 4:23

Kutani a famba hinkwako eGaleliya, a ri karhi a dyondzisa emasinagogeni ya kona, a vula Evhangeli ya ku fuma, a hanyisa vuvabyi byihi ni byihi, ni ku vaviseka hinkwako loku nga eka vanhu.

Yeremiya 32:33

Va ndzi fularhele va nga ndzi langutanga, kasi mina ndzi va dyondzisa, ndzi pfuka nimpundzu ku va dyondzisa, kambe a va yingisanga leswaku va amukela ku tshinyiwa.

Yohane 18:20

Yesu a n'wi hlamula, a ku: “Ndzi vulavurile emahlweni ka vanhu erivaleni, ndzi dyondzisile emasinagogeni ni le tempeleni hi masiku hinkwawo, laha Vayuda va matlhelo hinkwawo va hlengeletanaka kona; a ndzi vulanga nchumu exihundleni;

Marka 6:6

Kambe a hlamala hi ku ka va nga pfumeri. Kutani a tifambela emitini leyi nga etlhelweni, a ri karhi a dyondzisa.

Marka 2:13

Yesu a engeta a suka a ya tlhelo ra lwandle, vunyingi hinkwabyo byi ya ka yena, kutani a va dyondzisa.

Eklesiasta 12:9

Mudyondzisi a va a tlharihile; a engeta kambe a dyondzisa tiko ku tlhariha, kutani a vutisisa, a lavisisa a lunghisa marito layo tala ya vutlhari.

Matewu 26:55

Enkarhini wolowo. Yesu a ku eka vunyingi: “Mi humile ku ta ndzi khoma, mi ri ni timpanga ni tinhonga, kukotisa loko ndzi ri khamba, a ndzi ri karhi ndzi tshama na n'wina hi masiku, ndzi dyondzisa etempeleni, a mi ndzi khomanga.

Marka 1:21

Kutani va nghena eKapernawume. Kute hi siku ra Savata, Yesu a nghena esinagogeni, a dyondzisa.

Marka 6:2

Siku ra Savata loko ri fikile, a sungula ku dyondzisa esinagogeni, kutani lavo tala lava n'wi yingisaka, va hlamala, va ku: “Timhaka leti, u ti kume kwihi? U nyikisiwe ku yini vutlhari lebyo tano ni masingita layonghasi lama endliwaka hi mavoko ya yena xana?

Marka 10:2

Kutani Vafarisi va ta eka yena, va n'wi vutisa hi ku n'wi ringa, va ku: “Xana wanuna a nga pfumeleriwa ku tshika nsati wa yena-ke?”

Marka 12:35

Yesu, loko a ri karhi a dyondzisa etempeleni, a vulavula, a ku: “Vatsari va vurisa ku yini leswaku Kriste i n'wana Davhida-ke?

Marka 14:49

A ndzi ri karhi ndzi tshama na n'wina hi masiku hinkwawo, ndzi dyondzisa etempeleni, kambe a mi ndzi khomanga, kambe hi leswaku Matsalwa ma hetiseka.”