Malakiya 4:3 - Xitsonga (Bibele)

³ Mi ta kandziyela vabihi, hikuva va ta fana ni nkuma ehansi ka vukandziyo bya milenge ya n'wina, esikwini leri nga ta endliwa hi mina, ku vula Yehovha wa mavandla.

BIBELE Mahungu Lamanene

³ Mina HOSI ya matimba hinkwawo ndzi ri: Siku leri ndzi nga ta avanyisa misava, lavo homboloka mi ta va kandziyela ku fana ni loko mi kandziyela nkuma.”

Malakiya 4:3 Referans Kwoze

Ntirho 40:12

Languta vatiarisi hinkwavo, u va wisa, U kandziyela timbabva laha ti yimaka kona;

Varhoma 16:20

Xikwembu xa ku rhula, hi xona lexi nga ta hatlisa ku pfotlosa Satana ehansi ka milenge ya n'wina. Tintswalo ta Yesu Kriste, Hosi ya hina, a ti ve na n'wina!

Malakiya 3:17

Yehovha wa mavandla u ri: “Va ta va va mina hi xiviri esikwini leri nga ta endliwa hi mina; ndzi ta va tsetselela ku fana ni loko munhu a tsetselela n'wana wa yena la n'wi tirhelaka.

Zakariya 10:5

Va yindlu ya Yuda va ta kota tinhenha leti kandziyelaka valala endzhopeni wa ndlela enyimpini, va ta lwa, hikuva Yehovha u na vona; lava khandziyeke tihanci va khomiwa hi tingana.

Mikiya 7:10

Loyi a nga nala wa mina u ta swi vona, kutani u ta khomiwa hi tingana, loyi a nge eka mina: “Yehovha, Xikwembu xa wena, xi kwihi xana?” Mahlo ya mina ma ta khorwisiwa hi khombo ra yena; kutani u ta kandziyeriwa ku fana ni ndzhope wa tindlela!

Mikiya 5:8

Kambe lava seleke va Yakobo va ta va exikarhi ka matiko ni tinxaka leto tala kukotisa nghala exikarhi ka swiharhi swa nhova, ni xinghalana exikarhi ka ntlhambi wa tinyimpfu; yi nga loko yi hundza yi kandziyela, yi handzula, ku nga ri na loyi a ponisaka!

Esaya 26:6

u wu khumbisa ntshuri; wu kandziyeriwa hi milenge, hi milenge ya swisiwana ni mikondzo ya vapfumari!

Nhlavutelo 14:20

Kutani xikhuvuto xi khuvuteriwa ehandle ka muti; ku huma ngati exikhuvutweni ku fikela ematon'weni ya tihanci, hi mpfhuka wa tistadiya ta 1 600.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Daniele 7:27

Kutani vuhosi, ni ku fuma, ni matimba ya ku fuma hinkwako loku nga ehansi ka matilo hinkwawo, swi ta nyikiwa tiko ra vahlawuriwa va Muungameri-la-tlakukeke; ku fuma ka yena i ku fuma loku nga heriki, kutani tihosi hinkwato ti ta n'wi tirhela, ti n'wi yingisa.’

Daniele 7:18

kambe vahlawuriwa va La nge henhlahenhla va ta hiwa ku fuma, kutani va ta fuma hi masiku ni le mikarhini leyi nga riki na ku hela.’

Ezekiele 28:18

Hi vunyingi bya ku homboloka ka wena, ni vudyohi bya mabindzu ya wena, u nyamise swivandla leswo kwetsima swa wena. Hilaha ndzi nga humesa ndzilo exikarhi ka wena; wu ku dyile, kutani ndzi ku endle tala ra nkuma emisaveni, emahlweni ka hinkwavo lava ku vonaka.

Esaya 25:10

Hikuva voko ra Yehovha ri ta tlhandlekiwa ehenhla ka ntshava leyi; kambe Mowabu u ta kandziyeriwa laha a nga kona, tanihi mungu wa koro loko wu gandleteriwa endzhopeni wa vulongo;

Pisalema 91:13

U ta kandziyela nghala ni mhiri, U ta phyandlasa xinghalana ni ngwenya.

2 SAMIELE 22:43

Ndzi va sirile kukotisa ntshuri wa misava, Ndzi va pyanya, ndzi va kandziyela kukotisa ndzhope wa tindlela.

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

2 SAMIELE 22:39

Ndzi va hisa, ndzi va kandziyela kutani va hluleka ku pfuka; Va wa hansi ka mikondzo ya mina.

Pisalema 49:14

Va nghenisiwa exivandleni xa lava feke kukota ntlhambi, Va dyiwa hi rifu, Ni mixo, lava lulameke va va kandziyela hi milenge; Vumbhurhi bya vona byi dyiwa hi sirha byi pfumala vutshamo.

Swirilo 1:15

“Hosi yi herisile exikarhi ka mina, tinhenha ta mina hinkwato, Kutani u rhambile nyimpi Ku ta dlayetela malandza ya mina lamantshwa; Hosi yi kandziyile exikandziyelweni xa nhwanyana, n'wana Yuda.

Pisalema 147:6

Yehovha u pfuxa lava titsongahataka, U tsongahata lavo biha ku fika ehansi.