Malakiya 4:2 - Xitsonga (Bibele)

² “Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

BIBELE Mahungu Lamanene

² Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Malakiya 4:2 Referans Kwoze

Yeremiya 33:6

Vona, ndzi ta wu bohelela ndzi wu wongola, ndzi va horisa, ndzi va nyika ndzalo ya ku rhula, ni yo tsaka;

Pisalema 84:11

Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Esaya 30:26

N'weti wa n'weti wu ta fana ni ku vonakala ka dyambu, ku vonakala ka dyambu ku ta engeteriwa kantlhanu na kambirhi, kukotisa masiku ya ntlhanu na mambirhi, hi siku Yehovha a nga ta ntshuxa mbanga ya tiko ra yena, a horisa mipfembeti ya ku biwa ka yena.

Luka 1:78

hikwalaho ka tintswalo letikulu ta Xikwembu hi dyambu ra vuxa,

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Esaya 53:5

Kambe yena, u tlhaviwile hikwalaho ka swidyoho swa hina, u tshoviwile hikwalaho ka ku homboloka ka hina, mimpfembeti leyi hi nyikaka ku rhula, yi le henhla ka yena, kutani hi tshunguriwa hi timbanga ta yena.

Malakiya 3:16

Kwalaho lava chavaka Yehovha va vulavula kun'we, un'wana ni makwavo, kutani Yehovha a rhiya ndleve, a yingisela; buku ya xitsundzuxo yi tsariwa emahlweni ka yena, yi tsaleriwa lava chavaka Yehovha ni lava tsundzukaka vito ra yena.

Nhlavutelo 22:16

“Mina Yesu, ndzi rhumile ntsumi ya mina ku vula vumbhoni bya timhaka teto etikerekeni. Hi mina rimitsu ni rixaka ra Davhida, ni nyeleti leyi voningaka ya mixo.”

Yohane 1:4

Vutomi a byi ri eka rona, kutani vutomi a byi ri ku vonakala ka vanhu.

2 SAMIELE 23:4

La fanaka ni vurhonga loko dyambu ri huma, Ninhlekanhi, loko mapapa ma nga ri kona, Ku vonakala ka yena ku mirisa byanyi bya misava endzhaku ka mpfula.”

Nhlavutelo 22:2

Exikarhi ka xivandla xa muti, entlhandlukweni wun'wana ni wun'wana wa nambu, a ku ri ni murhi wa vutomi, lowu tswalaka mihandzu ya khume na mimbirhi, wu tswala mihandzu hi n'hweti yin'wana ni yin'wana, kutani matluka ya murhi lowo, i ya ku horisa matiko.

2 Petro 1:19

Kambe, na swona, hi ni timhaka ta vaprofeta leti tiyeke hi ku tlurisa, leti mi endlaka swona loko mi ti namarhela, kukotisa rivoni leri voningaka laha ku nga ni munyama, vurhonga byi kondza byi huma, kutani nyeleti ya mixo yi tsuvukela timbilu ta n'wina.

Rhuti 2:12

Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”

Nhlavutelo 2:28

Ndzi ta n'wi nyika ni nyeleti ya mixo.

Pisalema 147:3

U horisa lava timbilu leti tlhaviweke, U bohelela timbanga ta vona.

Pisalema 103:3

Hi yena la ku rivalelaka milandzu ya wena hinkwayo, La hanyisaka mavabyi ya wena hinkwawo;

Matewu 11:5

Vo fa mahlo va tlhela va vona, lavo khwita va famba, va nhlokonho va basisiwa, vo fa tindleve va yingisa, va ku fa va pfuka, swisiwana swi byeriwa Evhangeli;

Esaya 35:6

swilema swi ta tlula kukota tinhlangu, kutani ririmi ra mbheveve ri ta yimbelela hi ku tsaka; hikuva mati ma ta khuluka mananga, ni swinambyana swi ta khulukela emakwandzasini.

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Timhaka 13:47

Hikuva Hosi yi hi lerisile sweswo hi rito leri nge: ‘Ndzi ku vekile ku vonakala ka matiko leswaku u va ku ponisa ka vona, ku yisa emakun'wini ya misava.’ ”

Yohane 9:4

Ndzi fanele ku tirha mitirho ya la ndzi rhumeke, dyambu ri nga si pela; vusiku bya ta lebyi munhu a nga tiki tirha ha byona.

Hosiya 6:3

A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Hosiya 6:1

“Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

Ezekiele 47:12

Kutani eribuwini ra xinambyana, entsungeni wa haleno, ni le ntsungeni wa hase, ku ta mila mirhi hinkwayo ya mihandzu; matluka ya yona ma nga ka ma nga vuni, mihandzu ya yona yi nga ka yi nga heri. Yi ta vupfa hi tin'hweti hinkwato, hikuva mati ya nambu hi lama pfelelaka evukwetsimelweni; mihandzu ya yona yi ta va swakudya, matluka ya yona wu ta va murhi.”

Esaya 50:10

I mani exikarhi ka n'wina la chavaka Yehovha, la yingisaka rito ra nandza wa yena xana? I mani la fambaka emunyameni, la pfumalaka ku vonakala, a a tshembe vito ra Yehovha, a a titiyise eka Xikwembu xa yena.

Esaya 9:2

Tiko leri nga famba emunyameni ri vona ku vonakala lokukulu. Lava akeke etikweni ra ndzhuti wa rifu va voningiwa hi ku vonakala.

Swivuriso 4:18

Ndlela ya lavo lulama yi kotisa ku vonakala, Ku hatima ka kona ku engeteleka ku fikela nhlekanhi lowukulu.

Pisalema 85:9

Kunene, ku hlayiseka ka yena ku le kusuhi ni lava n'wi chavaka, Leswaku ku kwetsima ku ta aka etikweni ra hina.

Pisalema 67:1

Xikwembu a xi hi tsetselele, a xi hi katekise, A xi vonakarise mombo wa xona ehenhla ka hina,

Nhlavutelo 11:18

Matiko ma karihile; kambe ku kariha ka wena ku humelele, ni nkarhi wa ku avanyisa vafi, ni wa ku tlherisela hakelo ya malandza ya wena vaprofeta, ni vakwetsimi, ni lava chavaka vito ra wena, lavatsongo ni lavakulu, ni ku herisa lava herisaka misava.”

1 Yohane 2:8

Hambiswiritano, ndzi mi tsalela ku lerisa lokuntshwa, wu nga ntiyiso eka yena ni ka n'wina, hikuva munyama wu hundzile, kutani ku vonakala ka xiviri ku humelele.

2 Petro 3:18

Kambe kulani etintswalweni, ni le ku tiveni ka Yesu Kriste, Hosi ni Muhlayisi wa hina. Ku kwetsima a ku ve eka yena sweswi, ni ku ya fika siku leri nga taka ri nga heri. Amen!

2 Vatesalonika 1:3

Hi fanele ku khensa Xikwembu hi masiku hikwalaho ka n'wina vamakwerhu, hilaha swi lulameke hakona, hikuva ku pfumela ka n'wina ku karhi ku kula ngopfu, ni ku rhandzana ka n'wina ku engeteleka;

Yohane 1:14

Kutani Rito ri endliwile nyama, ri akile exikarhi ka hina, kambe hi hlalele ku vangama ka rona, ku nga ku vangama ka N'wana la nga swakwe, la humaka eka Tatana, a tele tintswalo ni vunene.

Yohane 1:8

A a nga ri yena ku vonakala, kambe a a rhumiwile leswaku a ta va mbhoni ya ku vonakala.

Luka 2:32

leswaku ku ve ku vonakala loku nga ta voninga matiko, ni ku kwetsima ka Israele, tiko ra wena.”

Luka 1:50

Vito ra yena ra kwetsima, ni tintswalo ta yena ti le tinxakeni ta tinxaka eka lava n'wi chavaka.

Matewu 23:37

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena, ndzi rhandzile kangani ku hlengeleta vana va wena kukotisa huku loko yi hlengeleta swiciwana swa yona ehansi ka timpapa ta yona, kambe mi arile.

Yeremiya 17:14

Oho Yehovha, ndzi horise, leswaku ndzi hanya; u ndzi ponisa, kutani ndzi ta ponisiwa.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Yohane 12:40

“U phumerisile mahlo ya vona, u nonon'hwisile timbilu ta vona, leswaku va nga tshuki va vona hi mahlo, va nga tshuki va twisisa hi timbilu va nga tshuki va hundzuka, kutani ndzi nga tshuki ndzi va hanyisa.”

Pisalema 61:5

Hikuva wena, Xikwembu, u yingisile ku kombela ka mina, U ndzi nyikile ndzhaka ya lava chavaka vito ra wena.

Yeremiya 30:17

Hikuva ndzi ta tlhela ndzi horisa timbanga ta wena, ku vula Yehovha; hikuva va ku vula mulahliwa, ‘Siyoni loyi va nga ha vuliki nchumu ha yena!’