Malakiya 3:6 - Xitsonga (Bibele)

⁶ “Hikuva mina Yehovha a ndzi hundzukanga, hikwalaho n'wina, vana va Yakobo mi nga ka mi nga herisiwi.

BIBELE Mahungu Lamanene

⁶ “Mina HOSI Xikwembu a ndzi hundzuki, kutani na n'wina ma ha ri va ka Yakobo hakunene.

Malakiya 3:6 Referans Kwoze

Tinhlayo 23:19

Xikwembu a hi munhu leswaku xi nga hemba, Ni n'wana wa munhu leswaku xi nga tisola. Xana hi yena la vulaka, kutani a nga endli, Loyi a vurisaka, kutani a nga hetisisi?

Vaheveru 13:8

Yesu Kriste i un'we, hambi tolo, hambi namuntlha, ni hilaha ku nga heriki.

Yakobo 1:17

ku nyika hinkwako loku sasekeke, hambi ku ri ku ha hinkwako loku hetisekeke, ku ta hi le henhla, ku xika hi le ka Tata wa ku vonakala, loyi a nga riki na ku hundzuka, hambi wu ri ndzhutinyana kona.

Yeremiya 32:27

“Vona, hi mina Yehovha, Xikwembu xa nyama hinkwayo; xana swi kona leswi nga ndzi tsandzaka-ke?

1 SAMIELE 15:29

Loyi a nga ku tshemba loku tiyeke ka Israele a nga hembi ni ku tilandzula, hikuva a hi munhu leswaku a nga tilandzula.”

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Nhlavutelo 1:8

“Hi mina Alfa na Omega” (ku sungula ni ku hela), ku vula Hosi Xikwembu, Loyi a nga kona, Loyi a a ri kona, Loyi a taka, La nga ni matimba hinkwawo.

Nhlavutelo 22:13

Hi mina Alfa na Omega, lowo rhanga ni lowo hetelela, wa ku sungula ni wa makumu.

Esaya 44:6

“Ku vula sweswo Yehovha, Hosi ya Israele, ni mukutsuri wa yena, Yehovha wa tinyimpi: Hi mina lowo rhanga ni lowa makumu, ehandle ka mina a ku na xikwembu.

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Pisalema 102:26

Swi ta hela, kambe wena u ta tama u ri kona; Swi ta dyuhala kukota nguvu; U ta swi hundzuluxa tani hi xifunengelo, kutani swi ta hundzuka.

Vafilipiya 1:6

Ndza tshemba leswaku la sunguleke ntirho lowunene eka n'wina, u ta wu heta ku fikela siku ra Yesu Kriste;

Esaya 41:13

Hikuva ndzi Xikwembu xa wena la tiyisaka voko ra wena ra xinene, la ku byelaka: U nga chavi, ndza ta ku ta ku lamulela.

Hosiya 11:9

Ndzi nga ka ndzi nga endli hi ku pfurha ka vukari bya mina, ndzi nga ka ndzi nga tlheri ndzi lahla Efrayimi, hikuva mina ndzi Xikwembu, a ndzi munhu, hi mina la twalaka exikarhi ka wena; ndzi nga ka ndzi nga ti hi vukari.

Pisalema 78:57

Va tlhela ndzhaku, va va ni mano kukota vatata wa vona, Va va tani hi vurha lebyi kanganyisaka.

Pisalema 78:38

Kambe xona hi tintswalo ta xona xi va rivalele ku dyoha, a xi va hetanga. Hakanyingi xi tlhelele evukarini bya xona, A xi pfumelangi vukari hinkwabyo bya xona ku pfuka.

Genesa 15:7

Yehovha a engeta, a ku: “Hi mina Yehovha, la nga ku humesa eUru wa Kalediya, ku ta ku nyika tiko leri, u ri fuma.”

Varhoma 5:10

Hikuva loko ha ha ri valala, hi hlanganisiwile ni Xikwembu hi ku fa ka N'wana wa xona, ngopfungopfu leswi hi hlanganisiweke, hi ta hanyisiwa hi ku hanya ka yena.

Genesa 22:16

yi ku: “Ndzi hlambanyile ha mina, ku vula Yehovha, ndzi ri: ‘Leswi u endliseke sweswo, u nga ndzi alelanga n'wana wa wena, loyi a nga swakwe,

Genesa 15:18

Hi siku rolero, Yehovha a tiyisa ntwanano na Abrama, a ku: “Ndzi nyikile tiko leri eka vatukulu va wena, ku suka enambyeni wa Egipta, ku fikela enambyeni lowukulu, wu nga nambu wa Yufrata,

Pisalema 102:27

Kambe wena u tama u ri wena. Ni malembe ya wena ma nga ka ma nga heri.

Daniele 6:26

Ndzi lerisa leswaku eku anameni hinkwako ka ku fuma ka mina, vanhu va fundzha ni ku chava Xikwembu xa Daniele, hikuva hi xona Xikwembu lexi hanyaka, lexi tshamaka hilaha ku nga heriki, ni ku fuma ka xona ku nga ka ku nga herisiwi, ni vuhosi bya xona a byi na makumu.

Habakuku 1:12

Xana a hi wena wa ku sungula wena, Yehovha, Xikwembu xa mina, Mukwetsimi wa mina? Hi nga ka hi nga fi! Oho Yehovha! Tiko lero u ri vekele ku avanyisiwa; wena, Ribye ra mina, u lunghisele rona ku tshinyiwa.

Pisalema 102:28

Vana va malandza ya wena va ta tshamiseka, Ni vatukulu va vona va ta tiyisiwa emahlweni ka wena.

Esaya 46:4

Ndzi ta va tano ku fika eku dyuhaleni ka n'wina; ndzi ta mi rhwala ku fika etimpfini ta n'wina. Ndzi mi endlile, kutani ndzi ta tshama ndzi mi rhwala; ndzi ta mi tiyisa, ndzi va ndzi mi ponisa!