Malakiya 3:5 - Xitsonga (Bibele)

⁵ Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

BIBELE Mahungu Lamanene

⁵ HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Malakiya 3:5 Referans Kwoze

Vaheveru 13:4

Ku tekana a ku ve loku tengeke ematlhelweni hinkwawo, ni masangu a ma pfumale vuoswi; hikuva Xikwembu xi ta avanyisa timbhisa ni vaoswi.

Duteronoma 5:11

“ ‘U nga tshuki u tlanga hi vito ra Yehovha, Xikwembu xa wena, hikuva Yehovha a nga ka a nga tshiki nandzu wa loyi a tlangaka hi vito ra yena.

Yakobo 5:4

Vonani, hakelo ya vatirhi lava tshoveleke masimu ya n'wina leyi va yi tsoniweke hi n'wina, ya huwelela, kutani ku huwelela ka vatshoveri ku fikile etindleveni ta Hosi ya tinyimpi.

Malakiya 2:14

Kutani mi ri: Hikwalaho ka yini? Hikuva Yehovha i mbhoni exikarhi ka wena ni wansati wa vuntshwa bya wena loyi u n'wi kanganyiseke kasi i nakuloni wa wena ni nsati wa xinakulobye xa wena.

Duteronoma 27:19

“ ‘A ku rhukaniwe la voyamisaka ku lulama ka muluveri, ni ka xisiwana, ni ka noni!’ Kutani tiko hinkwaro ri ta hlamula, ri ku: ‘Amen!’

Nhlavutelo 22:15

Kambe ehandle, i timbyana, ni vakanganyisi, ni vaoswi ni vadlayi ni lava gandzelaka swifaniso swa swikwembu, ni hinkwavo lava rhandzaka vunwa ni lava tirhaka hi byona.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Levhitika 20:27

“Kungakuloko wanuna, hambi wansati, a vutisa swikwembu, kumbe loko va bvumbha, va ta dlawa; va ta khandliwa hi maribye; ngati ya vona yi le henhla ka vona.”

Levhitika 20:6

“Kungakuloko munhu a ya evangomeni ni ka lava hlahluvaka, a oswana na vona, ndzi ta languta hi vukari munhu loyi, ndzi n'wi susa etikweni ra yena.

Levhitika 19:13

“ ‘U nga tshuki u endla wa rikwenu hi matimba, ni ku teka xilo xa yena hi matimba. U nga tshuki u khoma hakelo ya mutirhi ku fika siku ra mundzuku.

Malakiya 2:17

Mi karhata Yehovha hi marito ya n'wina, kambe mi ri: “Hi n'wi karhata hi yini?” Hi loko mi ku: “Un'wana ni un'wana la endlaka swo biha, u lulamile emahlweni ka Yehovha, kutani hi vona lava a tsakisiwaka ha vona!” Kumbe loko mi ku: “Xi kwihi Xikwembu xa ku avanyisa?”

Yeremiya 29:23

Hikuva va endlile manyala exikarhi ka Israele va oswanile ni vasati va vamakwavo, va vurile marito yo hemba hi vito ra mina, leswi ndzi nga va lerisangiki swona. Kambe ndzi tiva leswo, ndzi mbhoni ya swona, ku vula Yehovha.’ ”

Swivuriso 16:6

Ku dyoha ku funengetiwa hi tintswalo ni ntiyiso, Hi ku chava Yehovha, vanhu va fularhela swo biha.

Swivuriso 8:13

Ku chava Xikwembu i ku venga swo biha; Ndzi venga manyunyu, ni ku tidzunisa, ni ku famba loko biha, Ni nomu wo homboloka.

Pisalema 98:9

Emahlweni ka Yehovha! Hikuva wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Varhoma 3:8

Kutani a hi endli ha yini swo biha leswaku ku ta humelela leswo saseka ha swona, hilaha hi lumbetiwaka hakona hi van'wana loko va tiyisa leswaku hi vurisa sweswo; kambe lavo tano, ku avanyisiwa ka vona ku lulamile!

Mikiya 1:2

N'wina vamatiko hinkwawo, yingisani! Rhiya ndleve, wee misava, ni hinkwaswo leswi nga eka wena! Hosi Yehovha a ve yena mbhoni ya n'wina yi ri Hosi leyi nga endlwini ya yona leyo kwetsima!

Pisalema 96:13

Emahlweni ka Yehovha! Hikuva wa ta, Wa ta ku avanyisa misava; U ta avanyisa misava hi ku lulama, Ni matiko hi vunene bya yena.

Pisalema 81:8

Yingisa tiko ra mina, ndzi ku hlamusela; Oho Israele, loko swange u nga ndzi yingisa!

Nehemiya 5:15

kasi vafumi vo rhanga lava ngi va ri kona emahlweni ka mina, a va tikela tiko, va teka vuswa ni vhinyo eka vona, ehandle ka tixikele ta mune wa makume ta silivhere, ni malandza ya vona a ma fuma hi matimba ehenhla ka tiko.

Duteronoma 24:17

“U nga tshuki u voyamisa ku lulama ka muluveri ni ka xisiwana, kambe u nga ka u nga teki nguvu ya noni xi va xitshembiso.

Levhitika 20:10

“Kungakuloko wanuna a oswana ni wansati la tekiweke, u oswana ni nsati wa warikwavo, wanuna ni wansati lava oswaneke va ta dlawa.

Eksoda 18:21

U hlawula exikarhi ka tiko hinkwaro vavanuna lavanene, lava chavaka Xikwembu, vavanuna lava lulameke, lava vengaka bindzu leri nga lulamangiki; u va veka tindhuna ta madzanadzana, ni ta madzana, ni ta ntlhanu na makume, ni ta makume;

Eksoda 1:17

Kambe masungakati ma chava Xikwembu; a ma endlanga hilaha hosi ya Egipta yi ma byeleke hakona; kambe ma ponisa vandzisanyana.

Genesa 42:18

Hi siku ra vunharhu, Yosefa a ku eka vona: “Endlisani sweswo, mi ta hanya; ndzi munhu la chavaka Xikwembu.

Yakobo 5:12

Kambe, vamakwerhu, emahlweni ka hinkwaswo, mi nga hlambanyi, hambi ku ri hi tilo, hambi ku ri hi misava, ni loko ku ri ku hlambanya kwihi ni kwihi; kambe ina ya n'wina yi fanele ku va ina, ni e-e ya n'wina a yi ve e-e, leswaku mi nga tshuki mi wela eku avanyisiweni.

1 Vatesalonika 4:6

Munhu a nga tshuki a kandziyela makwavo, hambi ku ri ku n'wi dya, ni ku n'wi kanganyisa emhakeni, ni loko yi ri yin'we hikuva Hosi i murihiseri wa swilo hinkwaswo leswo tano, kukota leswi hi tshamaka hi mi byela khale hi ku vurisa loku tiyeke.

Luka 23:40

Kambe xin'wana xi n'wi holovela, xi ku: “Xana a ku chavi Xikwembu ha yini; kasi u avanyisiwe swin'we na loyi.

Pisalema 36:1

Timhaka to biha ti kona embilwini ya munhu lowo homboloka; Ku chava Xikwembu a ku kona emahlweni ya yena.

Genesa 20:11

Kutani Abrahama a ku: “A ndzi ku kumbe, ku chava Xikwembu ku hava etikweni leri, kutani va ta ndzi dlaya hikwalaho ka nsati wa mina.

Duteronoma 18:10

Ku nga tshuki ku kumiwa munhu ni un'we eka wena la nghenisaka n'wana wa yena wa wandzisanyana, kumbe wa wanhwanyana endzilweni ni la hlahluvaka, ni mungoma, ni mulorhi,

Esaya 57:3

“Kambe n'wina tshinelani halenu, vana va mungoma wa wansati, rixaka ra muoswi ni ra wa mbiri!

Yeremiya 5:2

Ni loko va ku: ‘Yehovha wa hanya!’ Va hlambanya hi vunwa.”

Yeremiya 5:29

Xana ndzi nga tshika ku tshinya swilo leswo tano xana?” ku vula Yehovha; “kumbe ndzi nga tshika ku tirihisela eka tiko lero tano xana?

Yeremiya 23:10

Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.

Yeremiya 27:9

“ ‘Kutani n'wina, mi nga tshuki mi yingisa vaprofeta va n'wina, hambi va ri vabvumbi va n'wina, hambi va ri valorhi va n'wina, hambi ti ri tin'anga ta n'wina, hambi va ri vangoma va n'wina, lava mi byelaka, va ku: “Mi nga ka mi nga tirheli hosi ya Babilona.

Yeremiya 27:10

Hikuva va mi profetela mavunwa leswaku ndzi ta mi susela kule ni tiko ra n'wina, ndzi mi lahla, ndzi mi lovisa.

Yeremiya 42:5

Va hlamula, va ku eka Yeremiya: Yehovha a ve yena mbhoni ya ntiyiso, loyi a dzunekaka, loko hina hi nga endli hinkwaswo hi rito leri a nga ta ri rhumela eka hina.

Habakuku 1:12

Xana a hi wena wa ku sungula wena, Yehovha, Xikwembu xa mina, Mukwetsimi wa mina? Hi nga ka hi nga fi! Oho Yehovha! Tiko lero u ri vekele ku avanyisiwa; wena, Ribye ra mina, u lunghisele rona ku tshinyiwa.

Zakariya 11:12

Ndzi ku eka tona: “Loko swi nga va swinene emahlweni ka n'wina, ndzi nyikeni hakelo ya mina: loko swi nga ri tano, yi tshikeni.” Kutani va ndzi pimela hakelo ya mina, yi va mali ya makume manharhu.

Eksoda 20:7

“U nga tshuki u tlanga hi vito ra Yehovha Xikwembu xa wena, hikuva Yehovha a nga ka a nga tshiki nandzu wa la tlangaka hi vito ra yena.

Eksoda 22:20

“La gandzelaka swikwembu swin'wana ehandle ka Yehovha, u ta dlawa.

Duteronoma 15:13

Kutakuloko u n'wi humesile, u n'wi tshunxile, u nga ka u nga n'wi rhumeli karikwavo a nga tamelanga nchumu.

Ntirho 7:2

Kukotisa khumbi loko ri navela ndzhuti, Ni mutirhi loko a langutela hakelo ya yena,

Ntirho 31:12

Kunene i ndzilo lowu hisaka ku fika etiheleni, A wu faneli ku heta rifuwo ra mina hinkwaro.

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’