Malakiya 3:4 - Xitsonga (Bibele)

⁴ Nhlengo wa Yuda ni wa Yerusalema, wu ta tsakisa Yehovha kukotisa eminkarhini ya khale, ni kukotisa emalembeni ya khalekhale.

BIBELE Mahungu Lamanene

⁴ Kutani magandzelo ya va le Yuda ni ya va le Yerusalema, ma ta tsakisa HOSI Xikwembu ku fana ni le minkarhini ya khale.

Malakiya 3:4 Referans Kwoze

Zakariya 8:3

Yehovha u ri: Ndzi tlhelela eSiyoni, ndzi ta aka exikarhi ka Yerusalema; Yerusalema, u ta vuriwa muti wa vunene, ntshava ya Yehovha wa tinyimpi yi vuriwa ntshava leyi nga hlawuleka!

Esaya 56:7

ndzi ta va fikisa entshaveni ya mina leyo kwetsima, kutani ndzi va tsakisa endlwini leyi va ndzi khongelaka eka yona; tiholokosta ta vona, ni magandzelo ya vona swi ta amukeriwa ealitarini ya mina; hikuva yindlu ya mina yi ta vuriwa yindlu ya ku khongela eka matiko hinkwawo.”

Pisalema 51:19

Hi kona u nga ta tsakela magandzelo ya ku lulama, Ni tiholokosta, ni timhamba leti u humeseriwaka swirho hinkwaswo swa tona; Hi kona va nga ta humesa tinkunzi ealitarini ya wena.

2 TIKRONIKA 1:6

Solomoni a humesa kona emahlweni ka Yehovha, tiholokosta ta khume ra madzana ealitarini ya koporo leyi ngi yi ri emahlweni ka Tabernakela ya nhlengeletano.

1 TIKRONIKA 21:26

Davhida a akela Yehovha alitari kona, kutani a humesa tiholokosta ni magandzelo ya ku khensa, kutani a khongela Yehovha la n'wi hlamulaka hi ndzilo lowu xikeke hi le tilweni ealitarini ya tiholokosta.

1 TIKRONIKA 15:26

Kavaloko Xikwembu xi pfuna Valevhi lava rhwaleke areka ya ntwanano wa Yehovha, kutani va tlhava tinkunzi ta ntlhanu na timbirhi, ni makhuna ya ntlhanu na mambirhi.

Pisalema 51:17

Magandzelo ya Xikwembu i moya lowu tshovekeke; Oho Xikwembu! A ku soli mbilu leyi tshovekeke, leyi nga enhlomulweni.